ಐಪಿಎಲ್ 2020: ಸಿಎಸ್‌ಕೆ ತಂಡದ ರಣತಂತ್ರದ ಬಗ್ಗೆ ಸುಳಿವು ನೀಡಿದ ಡ್ವೇಯ್ನ್ ಬ್ರಾವೋ

ಟೂರ್ನಿಯಲ್ಲಿ ಎರಡು ವಿಭಾಗ

ಸನ್‌ರೈಸರ್ಸ್ ಹೈದರಾಬಾದ್ ವಿರುದ್ಧದ ಗೆಲುವಿನ ಬಳಿಕ ಮಾತನಾಡುದ ಬ್ರಾವೋ, ನಾವು ಈ ಬಾರಿಯ ಟೂರ್ನಿಯನ್ನು ಎರಡು ಭಾಗಗಳಾಗಿ ವಿಭಾಗಿಸಿಕೊಳ್ಳಲು ಬಯಸಿದ್ದೇವೆ. ಮುಂದಿನ ಉಳಿದಾರ್ಧ ಭಾಗದಲ್ಲಿ ಗೆಲುವನ್ನು ಸಾಧಿಸುತ್ತಾ ಸಾಗಲು ನಮ್ಮ ಚಿತ್ತವನ್ನು ನೆಟ್ಟದ್ದೇವೆ ಎಂದು ಬ್ರಾವೋ ಹೇಳಿಕೆಯನ್ನು ನೀಡಿದ್ದಾರೆ.

ತಂಡದ ಪ್ರಯತ್ನ

ನಾನು ಈ ಕ್ಷಣವನ್ನು ತುಂಬಾ ಆನಂದಿಸುತ್ತೇನೆ. ಇದಕ್ಕೆ ಶಾರ್ದೂಲ್ ಠಾಕೂರ್‌ ಪ್ರಯತ್ನವನ್ನು ಅಭಿನಂದಿಸಲೇ ಬೇಕು. 19ನೇ ಓವರ್ ಎಸೆದ ಶಾರ್ದೂಲ್ ನನಗೆ ಅಂತಿಮ ಓವರ್‌ಅನ್ನು ಸುಲಭವಾಗಿಸಿದರು. ಇಲ್ಲವಾದಲ್ಲಿ ರಶೀದ್ ಖಾನ್ ತುಂಬಾ ಅಪಾಯಕಾರಿಯಾಗಿರುತ್ತಿದ್ದರು. 167 ರನ್‌ಗಳನ್ನು ರಕ್ಷಿಸಿಕೊಳ್ಳುವುದು ಕಠಿಣ. ಆದರೆ ಇದೊಂದು ಸಂಪೂರ್ಣ ತಂಡದ ಪ್ರಯತ್ನವಾಗಿತ್ತು. ಎಂದು ಡ್ವೇಯ್ನ್ ಬ್ರಾವೋ ಹೇಳಿದ್ದಾರೆ.

ಮುಂದೆ ಗೆಲುವು ನಿಶ್ವಿತ

"ಸಿಎಸ್‌ಕೆ ಈ ರೀತಿಯ ಹಂತದಲ್ಲಿ 2010ಕ್ಕೂ ಮೊದಲು ಇತ್ತು. ನಾವು ಈ ಟೂರ್ನಿಯನ್ನು ಎರಡು ಮಿನಿ ಟೂರ್ನಮೆಂಟ್ ರೀತಿ ವಿಭಾಗಿಸಲು ಬಯಸುತ್ತೇವೆ. ದ್ವಿತೀಯಾರ್ಧದಲ್ಲಿ ನಾವು ಎಷ್ಟು ಪಂದ್ಯಗಳನ್ನು ಗೆಲ್ಲಲಿದ್ದೇವೆ ನೀವು ನೋಡಲಿದ್ದೀರಿ" ಎಂದು ಬ್ರಾವೋ ತಮ್ಮ ವಿಶ್ವಾಸವನ್ನು ವ್ಯಕ್ತಪಡಿಸಿದ್ದಾರೆ.

ಬದಲಾವಣೆ ಮಾಡಿಕೊಂಡ ಸಿಎಸ್‌ಕೆ

ಹೈದರಾಬಾದ್ ವಿರುದ್ಧ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಸಿಎಸ್‌ಕೆ ನಿಗದಿತ 20 ಓವರ್‌ಗಳಲ್ಲಿ 167/6 ರನ್‌ಗಳಿಸಿತು. 42 ರನ್ ಗಳಿಸಿದ ಶೇನ್ ವಾಟ್ಸನ್ ಟಾಪ್ ಸ್ಕೋರರ್ ಎನಿಸಿದರು. ಸಿಎಸ್‌ಕೆ ತಂಡ ಬ್ಯಾಟಿಂಗ್ ಕ್ರಮಾಂಕದಲ್ಲಿ ಬದಲಾವಣೆ ಮಾಡಿತ್ತು. ಕೆಲ ಕ್ರಮಾಂಕದಲ್ಲಿ ಕಣಕ್ಕಿಳಿಯುತ್ತಿದ್ದ ಸ್ಯಾಮ್ ಕರ್ರನ್ ಆರಂಭಿಕನಾಗಿ ಇನ್ನಿಂಗ್ಸ್ ಆರಂಭಿಸಿದ್ದರು.