ಆತ ಆಡಿದ್ದು ಸಾಕು, ತಂಡದಿಂದ ಕೈಬಿಡಿ: ಪಂಜಾಬ್ ತಂಡಕ್ಕೆ ಪೀಟರ್ಸನ್ ಸಲಹೆ

ಆ ಜಾಗ ವ್ಯರ್ಥವಾಗಬಾರದು

'ಈ ಹುಡುಗರಿಗೆ (ಪಂಜಾಬ್) ಮ್ಯಾಕ್ಸ್‌ವೆಲ್ ಅವರಿಂದ ಉತ್ತಮ ಆಟ ಬೇಕಿದೆ. ವಿದೇಶಿ ಆಟಗಾರನ ಜಾಗವನ್ನು ಹೀಗೆ ವ್ಯರ್ಥವಾಗಲು ಬಿಡಬಾರದು. ಈ ಬಾರಿ ಐಪಿಎಲ್‌ನಲ್ಲಿ ಮ್ಯಾಕ್ಸ್‌ವೆಲ್ ರನ್ ಗಳಿಸಿಲ್ಲ' ಎಂದು ಪೀಟರ್ಸನ್ ವೀಕ್ಷಕ ವಿವರಣೆ ಸಂದರ್ಭದಲ್ಲಿ ಹೇಳಿದ್ದಾರೆ.

ಹೆಚ್ಚೆಂದರೆ ಒಂದು ಅವಕಾಶ

'ವಿದೇಶ ಆಟಗಾರರಿಂದ ಕೆಎಲ್ ರಾಹುಲ್‌ಗೆ ಸೂಕ್ತ ಬೆಂಬಲ ಸಿಗುತ್ತಿಲ್ಲ. ಪೂರನ್ ಇಂದು ರನ್ ಬಾರಿಸಿದ್ದಾರೆ ನಿಜ. ಆದರೆ ಮುಖ್ಯವಾಗಿರುವುದು ಮ್ಯಾಕ್ಸ್‌ವೆಲ್. ಒಂದೋ ಅವರನ್ನು ಮೂಲೆಗುಂಪು ಮಾಡಬೇಕು, ಇಲ್ಲವೇ ಇನ್ನು ಒಂದೇ ಒಂದು ಅವಕಾಶ ನೀಡಬೇಕು' ಎಂದು ಅಭಿಪ್ರಾಯಪಟ್ಟಿದ್ದಾರೆ.

ಮುಂದೊಂದು ದಿನ ಈತ ಭಾರತಕ್ಕೆ ವಿಶ್ವಕಪ್ ಗೆದ್ದು ತರುತ್ತಾನೆ: ಎಸ್‌. ಶ್ರೀಶಾಂತ್

ಬೇರೆ ಆಟಗಾರ ಅನಿವಾರ್ಯ

ಈ ಹಿಂದೆ ನಿಕೊಲಸ್ ಪೂರನ್ ಅವರ ಆಟದ ಬಗ್ಗೆಯೂ ಚರ್ಚೆಯಾಗುತ್ತಿತ್ತು. ಆದರೆ ಅವರು ಈ ಪಂದ್ಯದಲ್ಲಿ ತಮ್ಮ ಸಾಮರ್ಥ್ಯ ಪ್ರದರ್ಶನ ನೀಡಿದ್ದಾರೆ. ಮ್ಯಾಕ್ಸ್‌ವೆಲ್ ಇದುವರೆಗೂ ಒಂದು ಪಂದ್ಯದಲ್ಲಿಯೂ ಮಿಂಚಿಲ್ಲ. ಅವರು ಫ್ರಾಂಚೈಸಿಗೆ ಬಹಳ ದೊಡ್ಡ ಆಟಗಾರ. ಅವರು ಸೂಕ್ತ ಪ್ರದರ್ಶನ ನೀಡದೆ ಇರುವಾಗ ಅವರ ಬದಲು ಬೇರೊಬ್ಬರನ್ನು ಆಡಿಸಬೇಕಿರುವುದು ಅನಿವಾರ್ಯ ಎಂದು ಪೀಟರ್ಸನ್ ಹೇಳಿದ್ದಾರೆ.

ಗೇಲ್ ಬಂದರೆ ಎಲ್ಲಿ ಆಡುತ್ತಾರೆ?

ಕ್ರಿಸ್ ಗೇಲ್ ಅವರು ಸನ್ ರೈಸರ್ಸ್ ವಿರುದ್ಧದ ಪಂದ್ಯದಲ್ಲಿ ಆಡಬೇಕಿತ್ತು. ಆದರೆ ಅವರಿಗೆ ಫುಡ್ ಪಾಯ್ಸನ್ ಸಮಸ್ಯೆಯಿಂದ ಹೊಟ್ಟೆ ಕೆಟ್ಟಿತ್ತು. ಹೀಗಾಗಿ ಅವರನ್ನು ಆಡಿಸಲಿಲ್ಲ ಎಂದು ಕೋಚ್ ಅನಿಲ್ ಕುಂಬ್ಳೆ ತಿಳಿಸಿದ್ದರು. ಗೇಲ್ ಬಂದರೆ ಒಂದಷ್ಟು ಮ್ಯಾಜಿಕ್ ನಡೆಯಬಹುದು. ಆದರೆ ಅವರು ಯಾವ ಕ್ರಮಾಂಕದಲ್ಲಿ ಆಡುತ್ತಾರೆ? ಅವರು 3 ಅಥವಾ 4ನೇ ಕ್ರಮಾಂಕದಲ್ಲಿ ಆಡುತ್ತಾರೆ ಎನ್ನಲಾಗದು. ಏಕೆಂದರೆ ವಿಕೆಟ್ ಮಧ್ಯ ಓಡುವುದರಲ್ಲಿ ಅವರು ಬಹಳ ಹಿಂದಿದ್ದಾರೆ ಎಂದು ಪೀಟರ್ಸನ್ ತಿಳಿಸಿದ್ದಾರೆ.

ಐಪಿಎಲ್ 2020: ತ್ವರಿತಗತಿಯಲ್ಲಿ ಅರ್ಧಶತಕ ಸಿಡಿಸಿದ ಪೂರನ್