ದ್ರಾವಿಡ್ ಜತೆ ಬ್ಯಾಟಿಂಗ್ ಮಾಡುತ್ತೀನೆಂದು ಕನಸಲ್ಲೂ ಯೋಚಿಸಿರಲಿಲ್ಲ: ಸಂಜು ಸ್ಯಾಮ್ಸನ್

ನನಗೆ ದ್ರಾವಿಡ್, ರಹಾನೆ ಇದ್ದರು

'ಸಂಜು ನಿನಗೆ 25 ವರ್ಷವಾಯ್ತು, ನೀನೀಗ ತಂಡದಲ್ಲಿ ಅತಿ ಹಿರಿಯ ಆಟಗಾರ ಮತ್ತು ಯುವ ಆಟಗಾರರ ಬಗ್ಗೆ ನೀನು ಕಾಳಜಿವಹಿಸಬೇಕು ಎಂದು ನನಗೆ ಯಾರೂ ಹೇಳಿಲ್ಲ. ಅದು ತಾನಾಗಿತೇ ನನ್ನಲ್ಲಿ ಬಂದಿದೆ. ಏಕೆಂದರೆ ನನ್ನನ್ನು ರೂಪಿಸಲು, ಮಾರ್ಗದರ್ಶನ ನೀಡಲು ನನಗೆ ರಾಹುಲ್ ದ್ರಾವಿಡ್ ಇದ್ದರು. ಅಜಿಂಕ್ಯ ರಹಾನೆ ಮತ್ತು ಶೇನ್ ವಾಟ್ಸನ್ ಇದ್ದರು' ಎಂದಿದ್ದಾರೆ ಸಂಜು.

ನಾನೀಗ ಹೇಳಿಕೊಡಬಹುದಾದ ವ್ಯಕ್ತಿ

'ಅಂಡರ್ 19 ಕ್ರಿಕೆಟ್ ಬಳಿಕ ಯುವ ಆಟಗಾರ ಬಂದ ಬಳಿಕ, ವಿಷಯ ಹೀಗೆ ಇದೆ, ಹೀಗೆ ಆಗಬಹುದು ಎಂದು ನಾನು ಸಹಜವಾಗಿಯೇ ಹೇಳಬೇಕಾದ ವ್ಯಕ್ತಿ ಎಂದು ಭಾವಿಸಿದ್ದೇನೆ. ನಾನೂ ಅದೇ ಮಾರ್ಗದಿಂದ ಬಂದವನು. ಅದರಿಂದಾಗಿ ನನಗೆ ಸವಾಲುಗಳನ್ನು ಎದುರಿಸಲು ನೆರವಾಯಿತು' ಎಂದು ತಿಳಿಸಿದ್ದಾರೆ.

ಐಪಿಎಲ್‌ನಲ್ಲಿ ಕಣಕ್ಕಿಳಿದ ಹೊಸ ಪ್ರತಿಭೆ: ಯಾರಿದು ಅಬ್ದುಲ್ ಸಮದ್?

ಕನಸಿನಲ್ಲಿಯೂ ಎಣಿಸಿರಲಿಲ್ಲ

'ರಾಹುಲ್ ದ್ರಾವಿಡ್ ಅವರೊಂದಿಗೆ ಒಂದು ದಿನ ಬ್ಯಾಟಿಂಗ್ ಮಾಡುತ್ತೇನೆ ಎಂದು ಕನಸಿನಲ್ಲಿಯೂ ಎಣಿಸಿರಲಿಲ್ಲ. ನನ್ನ ಮೊದಲ ಅಥವಾ ಎರಡನೆಯ ಪಂದ್ಯವಿರಬೇಕು, ನಾನು ಅವರೊಂದಿಗೆ ನಾನ್ ಸ್ಟ್ರೈಕರ್ ತುದಿಯಲ್ಲಿ ನಿಂತಿದ್ದೆ. ಇದು ನನ್ನ ಕ್ರಿಕೆಟ್ ಜೀವನದ ಸ್ಮರಣೀಯ ಘಟನೆ.

ಸರಳವಾಗಿ ಕಲಿಸುತ್ತಾರೆ

ರಾಜಸ್ಥಾನ ರಾಯಲ್ಸ್ ತಂಡಕ್ಕೆ ಕೋಚಿಂಗ್ ಹಾಗೂ ಮೆಂಟರಿಂಗ್ ಮಾಡುತ್ತಿದ್ದ ಅವರು, ಇಂಡಿಯಾ ಎ ತಂಡಕ್ಕೆ ಬಂದರು. ಹೀಗಾಗಿ ನಾನು ಸುಮಾರು ಏಳೆಂಟು ವರ್ಷ ಅವರೊಂದಿಗೆ ಕಳೆದಿದ್ದೇನೆ. ಕ್ರಿಕೆಟ್ ಬಗ್ಗೆ, ನನ್ನ ಬಗ್ಗೆಯೂ ಅವರಿಂದ ಕಲಿತಿದ್ದೇನೆ. ಅವರು ಬಹಳ ಉತ್ತಮ ಶಿಕ್ಷಕ. ಅವರು ಅತ್ಯಂತ ಸರಳ ರೀತಿಯಲ್ಲಿ ಹೇಳಿಕೊಡುತ್ತಾರೆ. ಅನೇಕ ಜನರು ಸ್ವಲ್ಪ ಸಂಕೀರ್ಣವಾಗಿ ಹೇಳುವುದನ್ನು ಪ್ರತಿಯೊಬ್ಬರಿಗೂ ತುಂಬಾ ಸರಳವಾಗಿ ತಿಳಿಸುತ್ತಾರೆ. ಯಾವುದೇ ಸಮಸ್ಯೆ ಬಂದಾಗಲೂ ಭಾರತ ಎ ತಂಡದ ಎಲ್ಲರೂ ಅವರನ್ನು ಸಂಪರ್ಕಿಸುತ್ತಾರೆ' ಎಂದು ರಾಹುಲ್ ದ್ರಾವಿಡ್ ಕುರಿತು ಸಂಜು ಸ್ಯಾಮ್ಸನ್ ಹೇಳಿದ್ದಾರೆ.