ಐಪಿಎಲ್ 2020 ರೇಟಿಂಗ್ ಸಖತ್ತಾಗಿ ಸಾಗಿದೆ: ಸೌರವ್ ಗಂಗೂಲಿ

ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ನ 13 ನೇ ಆವೃತ್ತಿ ಸೆಪ್ಟೆಂಬರ್ 19 ರಂದು ಯುನೈಟೆಡ್ ಅರಬ್ ಎಮಿರೇಟ್ಸ್ (ಯುಎಇ) ಯಲ್ಲಿ ಪ್ರಾರಂಭವಾಯಿತು ಮತ್ತು ಅಂದಿನಿಂದ ಇಲ್ಲಿಯವರೆಗೆ ಅದ್ಭುತ ಪ್ರಯಾಣವಾಗಿದೆ. ಸ್ಟೇಡಿಯಂನಲ್ಲಿ ಮುಚ್ಚಿದ ಬಾಗಿಲುಗಳ ಹಿಂದೆ ಟೂರ್ನಮೆಂಟ್ ನಡೆಯುತ್ತಿದ್ದರೂ (ಅಭಿಮಾನಿಗಳಿಗೆ ಪ್ರವೇಶವಿಲ್ಲದೆ), ವೀಕ್ಷಕರು ದಾಖಲೆಯ ಸಂಖ್ಯೆಗಳಲ್ಲಿ ಪಂದ್ಯಗಳನ್ನು ನೋಡುತ್ತಿದ್ದಾರೆ ಎಂದು ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ಹೇಳಿದ್ದಾರೆ.

ಐಪಿಎಲ್ 2020 ಈ ಮಟ್ಟಿಗೆ ದೊಡ್ಡ ರೇಟಿಂಗ್ ತಂದುಕೊಡುವುದರಲ್ಲಿ ಆಶ್ಚರ್ಯಪಡಬೇಕಾಗಿಲ್ಲ. ಆದರೆ ಕೊನೆಯ ಕ್ಷಣದವರೆಗೂ ಈ ವರ್ಷ ಐಪಿಎಲ್‌ನೊಂದಿಗೆ ಮುಂದುವರಿಯುವುದು ಅವರಿಗೆ ಅಕ್ಷರಶಃ ಖಚಿತವಾಗಿರಲಿಲ್ಲ ಎಂದು ಗಂಗೂಲಿ ಬಹಿರಂಗಪಡಿಸಿದ್ದಾರೆ.

ಐಸಿಸಿ ಬಯೋ ಬಬಲ್ ಪರಿಣಾಮಕಾರಿತ್ವದ ಬಗ್ಗೆ ತನಗೆ ಖಚಿತವಾಗಿ ತಿಳಿದಿಲ್ಲ, ಆದರೆ ಬಿಸಿಸಿಐ ತಮ್ಮನ್ನು ನಂಬಿ ಮುಂದೆ ಹೋಗಿ ಆಟವನ್ನು ಮತ್ತೆ ಪ್ರಾರಂಭಿಸಬೇಕೆಂದು ಗಂಗೂಲಿ ಹೇಳಿದರು.

"ಏನಾಗಲಿದೆ ಎಂದು ಯಾರಿಗೂ ತಿಳಿದಿಲ್ಲ ಆದರೆ ನಾವು ನಂಬಿ ಮುಂದೆ ಹೋದೆವು. ಜೀವನವು ಸಹಜ ಸ್ಥಿತಿಗೆ ಮರಳಬೇಕು ಎಂದು ನಾವು ಭಾವಿಸಿದ್ದೇವೆ, ಆಟವು ಹಿಂತಿರುಗಬೇಕೆಂದು ನಾವು ಬಯಸಿದ್ದೇವೆ. ವೀಕ್ಷಕರ ಪ್ರತಿಕ್ರಿಯೆಯಿಂದ ನನಗೆ ಆಶ್ಚರ್ಯವಿಲ್ಲ. ಇದು ವಿಶ್ವದ ಅತ್ಯುತ್ತಮ ಪಂದ್ಯಾವಳಿ. ನಾನು ನಿಮಗೆ ಪಣತೊಡಬಲ್ಲೆ, ವೀಕ್ಷಿಸುತ್ತಿರುವ ಜನರ ಸಂಖ್ಯೆಯಿಂದಾಗಿ ರೇಟಿಂಗ್‌ಗಳ ದೃಷ್ಟಿಯಿಂದ ಐಪಿಎಲ್ ಯಶಸ್ಸನ್ನು ಸಾಧಿಸುತ್ತಿದೆ, "ಎಂದು ಸೌರವ್ ಗಂಗೂಲಿ ಇಂಡಿಯಾ ಟುಡೆಗೆ ಹೇಳಿದ್ದಾರೆ.

ಐಪಿಎಲ್ ಟಿ20 ಲೀಗ್‌ಗಳಲ್ಲಿ ಅತ್ಯುತ್ತಮವಾಗಿದ್ದು, ನೀವು ಸೂಪರ್‌ ಓವರ್‌ಗಳ ಸಂಖ್ಯೆಯನ್ನು ನೋಡಿದರೆ ತಿಳಿಯಲಿದೆ ಎಂದು ಗಂಗೂಲಿ ಹೇಳಿದ್ದಾರೆ. ಅಲ್ಲದೆ ಕಿಂಗ್ಸ್‌ ಇಲೆವೆನ್ ಪಂಜಾಬ್ ಮತ್ತು ಮುಂಬೈ ಇಂಡಿಯನ್ಸ್ ನಡುವೆ ನಡೆದ ಎರಡು ಸೂಪರ್ ಓವರ್ ಪಂದ್ಯಗಳ ಕುರಿತು ಸೌರವ್ ಶ್ಲಾಘಿಸಿದ್ದಾರೆ. ಯುವ ಆಟಗಾರರ ಪ್ರದರ್ಶನಕ್ಕೆ ಮೆಚ್ಚುಗೆ ಸಹ ವ್ಯಕ್ತಪಡಿಸಿದ್ದಾರೆ.