ಆರ್‌ಸಿಬಿ ವೇಗಿ ನವದೀಪ್ ಸೈನಿ ಶೂನಲ್ಲಿ ಏನು ಬರೆದಿದೆ ಗೊತ್ತಾ?!

ಆರ್‌ಸಿಬಿ ಪರ ಉತ್ತಮ ಬೌಲಿಂಗ್

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದಲ್ಲಿ ನವದೀಪ್ ಸೈನಿ ಸಾಧಾರಣ ಪ್ರದರ್ಶನ ನೀಡುತ್ತಿದ್ದಾರೆ. ಮೊದಲ ಪಂದ್ಯದಲ್ಲಿ 2, 4ನೇ ಪಂದ್ಯದಲ್ಲಿ 1 ವಿಕೆಟ್ ಪಡೆದಿದ್ದರು. ಇದರ ಮಧ್ಯೆ ಎರಡು ಪಂದ್ಯಗಳಲ್ಲಿ ಸೈನಿಗೆ ವಿಕೆಟ್ ಲಭಿಸಿರಲಿಲ್ಲ.

ಶೂನಲ್ಲಿ ಬರೆದಿದ್ದೇನು?

ರಾಜಸ್ಥಾನ್ ರಾಯಲ್ಸ್ ವಿರುದ್ಧದ ಪಂದ್ಯಕ್ಕಾಗಿ ಮೈದಾನಕ್ಕಿಳಿದಿದ್ದ ನವದೀಪ್‌ ಸೈನಿ ತನ್ನ ಶೂನಲ್ಲಿ ಬರೆದಿದ್ದ ಪದಕ್ಕಾಗಿ ಅಭಿಮಾನಿಗಳ ಗಮನ ಸೆಳೆದಿದ್ದರು. ವೇಗಿ ಸೈನಿ ಧರಿಸಿದ್ದ ಶೂವಿನ ಬದಿಯಲ್ಲಿ 'ಫ** ಇಟ್! ಬೌಲ್ ಫಾಸ್ಟ್ (F**k it! Bowl fast)' ಎಂದು ಬರೆಯಲಾಗಿತ್ತು.

ಬೆಸ್ಟ್ ಬೌಲರ್‌ಗಳಲ್ಲಿ ಸೈನಿ ಹೆಸರು

ಮೂಲತಃ ಹರ್ಯಾಣದವರಾದ 27ರ ಹರೆಯದ ನವದೀಪ್ ಸೈನಿ ಗಂಟೆಗೆ 145 ಕಿ.ಮೀ.ಗೂ ವೇಗದಲ್ಲಿ ಬೌಲಿಂಗ್ ಮಾಡುತ್ತಾರೆ. ಐಪಿಎಲ್‌ನಲ್ಲಿ ಕಾಗಿಸೊ ರಬಾಡ, ಜಸ್‌ಪ್ರೀತ್ ಬೂಮ್ರಾ, ಡೇಲ್ ಸ್ಟೇನ್, ಲುಂಗಿ ಸಾನಿ ಎನ್‌ಗಿಡಿ ಅಂಥ ಬೌಲರ್‌ಗಳಿದ್ದಾರೆ. ಇದರಲ್ಲಿ ಸೈನಿ 4ನೇ ಬೇಗದ ಬೌಲರ್‌ ಆಗಿ ಗುರುತಿಸಿಕೊಂಡಿದ್ದಾರೆ.

ಬೆಂಗಳೂರಿಗೆ ಗೆಲುವು

ಶನಿವಾರದ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ರಾಜಸ್ಥಾನ್ ರಾಯಲ್ಸ್ ತಂಡ 20 ಓವರ್‌ಗೆ 6 ವಿಕೆಟ್ ಕಳೆದು 154 ರನ್ ಗಳಿಸಿತು. ಗುರಿ ಬೆನ್ನಟ್ಟಿದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು 19.1ನೇ ಓವರ್‌ಗೆ 2 ವಿಕೆಟ್ ನಷ್ಟದಲ್ಲಿ 158 ರನ್ ಬಾರಿಸಿ ಗೆಲುವನ್ನಾಚರಿಸಿತು.