ಜೆರ್ಸಿಯಿಂದ ಲೋಗೋ ತೆಗಿಸಲು ಅಲಿ ಕೋರಿಕೊಂಡಿಲ್ಲ: ಸಿಎಸ್‌ಕೆ

ಚೆನ್ನೈ: ಇಂಡಿಯನ್ ಪ್ರೀಮಿಯರ್ ಲೀಗ್‌ (ಐಪಿಎಲ್)ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್‌ (ಐಪಿಎಲ್) ಪರ ಆಡುವ ಇಂಗ್ಲೆಂಡ್ ಆಲ್ ರೌಂಡರ್ ಮೊಯೀನ್ ಅಲಿ ಇತ್ತೀಚೆಗೆ ಜೆರ್ಸಿಯ ಲೋಗೋ ವಿಚಾರಕ್ಕಾಗಿ ಗಮನ ಸೆಳೆದಿದ್ದರು. ಸಿಎಸ್‌ಕೆಯ ತಮ್ಮ ಜೆರ್ಸಿಯಿಂದ ಆಲ್ಕೋಹಾಲ್ ಬ್ರ್ಯಾಂಡ್‌ನ ಲೋಗೋ ತೆಗೆಯುವಂತೆ ಅಲಿ ಸಿಎಸ್‌ಕೆಯನ್ನು ಕೋರಿಕೊಂಡಿದ್ದಾರೆ ಎಂದು ಕೆಲವು ವರದಿಗಳು ಪ್ರಕಟವಾಗಿದ್ದವು.

2021ರ ಐಪಿಎಲ್‌ನಲ್ಲಿ ಎಂಎಸ್ ಧೋನಿ ನಿರ್ಮಿಸಲಿರುವ ದಾಖಲೆಗಳ ಸಂಪೂರ್ಣ ಪಟ್ಟಿ

ಚೆನ್ನೈ ಸೂಪರ್ ಕಿಂಗ್ಸ್‌ ಜೆರ್ಸಿ ಮೇಲೆ SNJ 10000 ಬ್ರ್ಯಾಂಡ್ ಜೊತೆಗೆ ಇನ್ನೊಂದಿಷ್ಟು ಬ್ರ್ಯಾಂಡ್‌ಗಳ ಲೋಗೋಗಳಿವೆ. SNJ 10000 ಅನ್ನೋದು ಚೆನ್ನೈ ಮೂಲದ ಎಸ್‌ಎನ್‌ಜೆ ಡಿಸ್ಟಿಲರೀಸ್ ಕಂಪನಿಯ ಮದ್ಯದ ಬ್ರ್ಯಾಂಡ್‌. ಈ ಕಂಪನಿಯ ಲೋಗೋವನ್ನು ತಮ್ಮ ಜೆರ್ಸಿಯಿಂದ ತೆಗೆಯುವಂತೆ ಮೊಯೀನ್ ಅಲಿ ಕೋರಿಕೊಂಡಿದ್ದಾರೆ ಎಂಬ ಸುದ್ದಿಗಳು ಹರಿದಾಡಿತ್ತು.

ಆದರೆ ಸಿಎಸ್‌ಕೆ ಈ ಬಗ್ಗೆ ಸ್ಪಷ್ಟನೆ ನೀಡಿದೆ. ಜೆರ್ಸಿಯಿಂದ ಆಲ್ಕೋಹಾಲ್ ಬ್ರ್ಯಾಂಡ್‌ನ ಲೋಗೋ ತೆಗೆಯುವಂತೆ ಮೊಯೀನ್ ಅಲಿಯಿಂದ ತಮಗೆ ಯಾವುದೇ ರೀತಿಯ ವಿನಂತಿ ಬಂದಿಲ್ಲ ಎಂದು ನ್ಯೂಸ್ ಏಜೆನ್ಸಿ ಐಎಎನ್‌ಎಸ್ ಜೊತೆ ಸಿಎಸ್‌ಕೆ ಫ್ರಾಂಚೈಸಿ ಹೇಳಿದೆ.

ಆರ್‌ಸಿಬಿ ಮೊದಲ ಅಭ್ಯಾಸದಲ್ಲಿ ಗ್ಲೆನ್ ಮ್ಯಾಕ್ಸ್‌ವೆಲ್: ವಿಡಿಯೋ

ಐಎಎನ್‌ಎಸ್ ಜೊತೆ ಮಾತನಾಡಿದ ಸಿಎಸ್‌ಕೆ ಮುಖ್ಯ ಕಾರ್ಯ ನಿರ್ವಹಣಾಧಿಕಾರಿ ಕಾಸಿ ವಿಶ್ವನಾಥನ್, 'ಯಾವುದೇ ಲೋಗೋವನ್ನು ಸಿಎಸ್‌ಕೆ ಜೆರ್ಸಿಯಿಂದ ತೆಗೆದು ಹಾಕುವಂತೆ ಮೊಯೀನ್ ಅಲಿಯಿಂದ ಅಂಥ ಯಾವುದೇ ವಿನಂತಿ ಬಂದಿಲ್ಲ,' ಎಂದಿದ್ದಾರೆ.

ಕಳೆದ ವಾರವಷ್ಟೇ ಅಲಿ, ಧೋನಿ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನಾಡಿದ್ದರು. ಧೋನಿಯ ಶಾಂತ ಸ್ವಭಾವ ಇತರ ಆಟಗಾರರಿಗೂ ಶಾಂತತೆಯ ಪಾಠ ಹೇಳಿಕೊಡುತ್ತಿದೆ, ಅದರಿಂದ ತಂಡದ ಆಟಗಾರರಿಗೆ ಅನುಕೂಲವಾಗುತ್ತಿದೆ ಎಂದಿದ್ದರು.

For Quick Alerts
ALLOW NOTIFICATIONS
For Daily Alerts
Story first published: Tuesday, April 6, 2021, 17:10 [IST]
Other articles published on Apr 6, 2021
POLLS
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Yes No
Settings X