ಐಪಿಎಲ್ 2021: ಮಾರ್ಚ್ 11ರಿಂದ CSK ಶಿಬಿರ ಆರಂಭ, ಧೋನಿ ಭಾಗಿ

ಯಶಸ್ವಿಯಾಗಿ ಆರಂಭವಾಗುವ ನಿರೀಕ್ಷೆ

"ನಾವು ಎಲ್ಲಾ ಆಟಗಾರರು ಬ್ಯಾಚ್‌ಗಳ ಪ್ರಕಾರ ಬರಲಿದ್ದಾರೆ ಎಂದು ನಿರೀಕ್ಷಿಸಿದ್ದೇವೆ. ನಾಯಕ ಎಂಎಸ್ ಧೋನಿ ಕೂಡ ಆರಂಭಿಕ ದಿನದಿಂದಲೂ ತಬೇತಿ ಶಿಬಿರದಲ್ಲಿ ಪಾಳ್ಗೊಳ್ಳಲಿದ್ದಾರೆ. ಆಟಗಾರರ ಲಭ್ಯತೆ ಸಂಗತಿಯಾಗುವುದಿಲ್ಲ. ಈ ಶಿಬಿರ ಯಶಸ್ವಿಯಾಗಿ ಆರಂಭವಾಗಲಿದೆ ಎಂದು ನಾವು ವಿಶ್ವಾಸವನ್ನು ಹೊಂದಿದ್ದೇವೆ" ಎಂದು ಚೆನ್ನೈ ತಂಡದ ಉನ್ನತ ಮೂಲಗಳು ಇನ್‌ಸೈಡ್ ಸ್ಪೋರ್ಟ್‌ಗೆ ಮಾಹಿತಿಯನ್ನು ನೀಡಿದೆ.

ಪ್ರೊಟೋಕಾಲ್ ಪಾಲಿಸಲಾಗುತ್ತದೆ

"ಇನ್ನು ಈ ತರಬೇತಿ ಶಿಬಿರದಲ್ಲಿ ಎಲ್ಲಾ ರೀತಿಯ ಮುಂಜಾಗ್ರತಾ ಕ್ರಮಗಳನ್ನು ತೆಗೆದುಕೊಳ್ಳಲಾಗುತ್ತದೆ. ಬಯೋ ಬಬಲ್ ಪ್ರೊಟೋಕಾಲ್‌ಗಳನ್ನು ಕಠಿಣವಾಗಿ ಪಾಲಿಸಲಾಗುತ್ತದೆ. ಈ ಹಂತದಲ್ಲಿ ಉಳಿದಂತೆ ಹೆಚ್ಚುವರಿ ಕ್ರಮಗಳನ್ನು ತೆಗೆದುಕೊಳ್ಳುವ ಅಗತ್ಯವಿಲ್ಲ. ಎಲ್ಲಾ ಆಟಗಾರರು ಕಡ್ಡಾಯ ಕೋವಿಡ್ ಪರೀಕ್ಷೆಗಳಿಗೆ ಒಳಗಾಗಲಿದ್ದಾರೆ" ಎಂದು ಚೆನ್ನೈ ತಂಡದ ಅಧಿಕಾರಿ ಮಾಹಿತಿಯನ್ನು ನೀಡಿದ್ದಾರೆ.

ಕಳೆದ ಆವೃತ್ತಿಯ ಕಹಿ ನೆನಪು

ಕಳೆದ ಬಾರಿಯ ಐಪಿಎಲ್‌ಗೂ ಚೆನ್ನೈನಲ್ಲಿ ತರಬೇತಿ ಮುಗಿಸಿ ಯುಎಇಗೆ ತೆರಳಿದ್ದ ಸಿಎಸ್‌ಕೆ ಆಟಗಾರರು ಕ್ವಾರಂಟೈನ್ ಮುಕ್ತಾಯದ ಹಂತದಲ್ಲಿ ಪರೀಕ್ಷೆಗೆ ಒಳಪಟ್ಟಾಗ ಇಬ್ಬರು ಆಟಗಾರರು ಕೊರೊನಾ ವೈರಸ್‌ಗೆ ತುತ್ತಾಗಿದ್ದರು. ಇದು ಸಿಎಸ್‌ಕೆ, ಬಿಸಿಸಿಐ ಹಾಗೂ ಇತರೆ ಫ್ರಾಂಚೈಸಿಗಳಲ್ಲಿಯೂ ಆತಂಕಕ್ಕೆ ಕಾರಣವಾಗಿತ್ತು. ಹೀಗಾಗಿ ಬಿಸಿಸಿಐ ಹಾಗೂ ಐಪಿಎಲ್ ಪ್ರೊಟೋಕಾಲ್‌ಗಳನ್ನು ಪಾಲಿಸುವಂತೆ ಮಾಡುವುದು ಫ್ರಾಂಚೈಸಿಗಳ ಜವಾಬ್ಧಾರಿ ಎಂದು ತಿಳಿಸಿತ್ತು.

ಇಂಗ್ಲೆಂಡ್ ಸರಣಿ ಮುಕ್ತಾಯದ ಬಳಿಕ ಐಪಿಎಲ್

ಸದ್ಯ ಭಾರತ ಹಾಗೂ ಇಂಗ್ಲೆಂಡ್ ನಡುವೆ ಟೆಸ್ಟ್ ಸರಣಿ ನಡೆಯುತ್ತಿದ್ದು ಬಳಿಕ ಸೀಮಿತ ಓವರ್‌ಗಳ ಸರಣಿ ನಡೆಯಲಿದೆ. ಅದಾದ ಬಳಿಕ ಮುಂದಿನ ಏಪ್ರಿಲ್ ತಿಂಗಳಿನಲ್ಲಿ ಐಪಿಎಲ್ ಆರಂಭವಾಗಲಿದೆ.