ಐಪಿಎಲ್: ಮುಂಬೈ vs ಪಂಜಾಬ್, ದಾಖಲೆಗಳು, ಕುತೂಹಲಕಾರಿ ಅಂಕಿ-ಅಂಶಗಳು

ರೋಹಿತ್ ಶರ್ಮಾ, ಕೆಎಲ್ ರಾಹುಲ್

ಮಂಗಳವಾರ ಪಂಜಾಬ್ ಕಿಂಗ್ಸ್ ಮತ್ತು ಮುಂಬೈ ಇಂಡಿಯನ್ಸ್ ಪಂದ್ಯದಲ್ಲಿ ಮುಂಬೈ ನಾಯಕ ರೋಹಿತ್ ಶರ್ಮಾ ವಿಶೇಷ ದಾಖಲೆ ನಿರ್ಮಿಸಲಿದ್ದಾರೆ. ಟಿ20 ಕ್ರಿಕೆಟ್‌ನಲ್ಲಿ ರೋಹಿತ್ 398 ಸಿಕ್ಸರ್‌ಗಳ ದಾಖಲೆ ಹೊಂದಿದ್ದಾರೆ. ಇನ್ನು 2 ಸಿಕ್ಸರ್ ಬಾರಿಸಿದರೆ ಹಿಟ್‌ಮ್ಯಾನ್ ರೋಹಿತ್ ಟಿ20 ಕ್ರಿಕೆಟ್‌ನಲ್ಲಿ 400 ಸಿಕ್ಸರ್‌ಗಳ ದಾಖಲೆ ನಿರ್ಮಿಸಲಿದ್ದಾರೆ. 34ರ ಹರೆಯದ ರೋಹಿತ್ 43 ಟೆಸ್ಟ್‌ ಪಂದ್ಯಗಳಲ್ಲಿ 3047 ರನ್, 63 ಸಿಕ್ಸರ್, 227 ಏಕದಿನ ಪಂದ್ಯಗಳಲ್ಲಿ 9205 ರನ್, 244 ಸಿಕ್ಸರ್, 111 ಟಿ20ಐ ಪಂದ್ಯಗಳಲ್ಲಿ 2864 ರನ್, 133 ಸಿಕ್ಸರ್, 209 ಐಪಿಎಲ್ ಪಂದ್ಯಗಳಲ್ಲಿ 5556 ರನ್, 225 ಸಿಕ್ಸರ್ ದಾಖಲೆ ಹೊಂದಿದ್ದಾರೆ. ಇನ್ನು ಪಂಜಾಬ್ ಕಿಂಗ್ಸ್‌ ನಾಯಕ ಕೆಎಲ್ ರಾಹುಲ್ ಕೂಡ ಸಿಕ್ಸರ್‌ಗಾಗಿ ದಾಖಲೆ ನಿರ್ಮಿಸಲಿದ್ದಾರೆ. ರಾಹುಲ್ ಇನ್ನು 2 ಸಿಕ್ಸರ್ ಬಾರಿಸಿದರೂ ಸಾಕು ಐಪಿಎಲ್‌ನಲ್ಲಿ 100 ಸಿಕ್ಸರ್‌ಗಳ ದಾಖಲೆ ನಿರ್ಮಾಣವಾಗಲಿದೆ.

ಕೃನಾಲ್ ಪಾಂಡ್ಯ, ಕ್ವಿಂಟನ್ ಡಿ ಕಾಕ್

ಮುಂಬೈ ಇಂಡಿಯನ್ಸ್ ಆಲ್ ರೌಂಡರ್ ಕೃನಾಲ್ ಪಾಂಡ್ಯ ಕಳೆದ 7 ಪಂದ್ಯಗಳಲ್ಲಿ ಬೌಲಿಂಗ್‌ ಮಾಡಿದ್ದಾರಾದರೂ ಅವರಿಗೆ ಒಂದೂ ವಿಕೆಟ್ ಲಭಿಸಿಲ್ಲ. ಪಂಜಾಬ್ ವಿರುದ್ಧ ಮಂಗಳವಾರ (ಸೆಪ್ಟೆಂಬರ್ 28) ಕೃನಾಲ್‌ಗೆ 1 ವಿಕೆಟ್‌ ಲಭಿಸಿದರೆ ಐಪಿಎಲ್‌ನಲ್ಲಿ ಕೃನಾಲ್ ಮುಂಬೈ ಇಂಡಿಯನ್ಸ್ ಪರ 50 ವಿಕೆಟ್‌ ಗಳಿಸಿದಂತಾಗುತ್ತದೆ. ಬಹುಶಃ ಪಂಜಾಬ್ ವಿರುದ್ಧದ ಪಂದ್ಯದಲ್ಲಿ ಕೃನಾಲ್ ಈ ದಾಖಲೆ ನಿರ್ಮಿಸುವ ನಿರೀಕ್ಷೆಯಿದೆ. ಮುಂಬೈ ಮತ್ತೊಬ್ಬ ಬ್ಯಾಟ್ಸ್‌ಮನ್‌ ಕಮ್ ವಿಕೆಟ್ ಕೀಪರ್, ದಕ್ಷಿಣ ಆಫ್ರಿಕಾದ ಕ್ವಿಂಟನ್ ಡಿ ಕಾಕ್ ಟಿ20 ಕ್ರಿಕೆಟ್‌ ಮಾದರಿಯಲ್ಲಿ 7000 ರನ್ ದಾಖಲೆ ಸಮೀಪದಲ್ಲಿದ್ದಾರೆ. ಇನ್ನು ಕೇವಲ 2 ರನ್ ಬಾರಿಸಿದರೂ ಡಿ ಕಾಕ್ ಹೆಸರಿನಲ್ಲಿ ಟಿ20 ಕ್ರಿಕೆಟ್‌ನಲ್ಲಿ 7000 ರನ್ ದಾಖಲೆ ಪೂರ್ಣಗೊಳ್ಳಲಿದೆ.

KL ರಾಹುಲ್ ನಾವೆಲ್ರೂ ಮೈದಾನದಲ್ಲಿ ಕನ್ನಡದಲ್ಲೇ ಮಾತನಾಡ್ತೇವೆ | Oneindia Kannada

ಕ್ರಿಸ್ ಗೇಲ್, ಹಾರ್ದಿಕ್ ಪಾಂಡ್ಯ

ಟಿ20 ಕ್ರಿಕೆಟ್‌ ಮಾದರಿಯಲ್ಲಿನ ಸ್ಫೋಟಕ ಬ್ಯಾಟ್ಸ್‌ಮನ್‌, ವೆಸ್ಟ್ ಇಂಡೀಸ್ ದೈತ್ಯ ಕ್ರಿಸ್ ಗೇಲ್ ಐಪಿಎಲ್‌ ನಲ್ಲಿ ಹೊಸ ಮೈಲಿಗಲ್ಲು ಸ್ಥಾಪಿಸಲಿದ್ದಾರೆ. ಮುಂದಿನ ಪಂದ್ಯದಲ್ಲಿ ಗೇಲ್ ಕೇವಲ 36 ರನ್ ಬಾರಿಸಿದರೂ ಸಾಕು ಐಪಿಎಲ್‌ನಲ್ಲಿ 5000 ರನ್ ದಾಖಲೆ ಯುನಿವರ್ಸಲ್ ಬಾಸ್ ಹೆಸರಿನಲ್ಲಿ ನಿರ್ಮಾಣವಾಗಲಿದೆ. ಟಿ20 ಕ್ರಿಕೆಟ್‌ನಲ್ಲಿ ಗೇಲ್ ಅನೇಕ ದಾಖಲೆಗಳನ್ನು ತನ್ನ ಹೆಸರಿನಲ್ಲಿ ಉಳಿಸಿಕೊಂಡಿದ್ದಾರೆ. ಎಂಐ ಮತ್ತೊಬ್ಬ ಆಲ್ ರೌಂಡರ್ ಹಾರ್ದಿಕ್ ಪಾಂಡ್ಯ ಕೂಡ ಸಿಕ್ಸರ್ ವಿಚಾರದಲ್ಲಿ ದಾಖಲೆ ಸನಿಹದಲ್ಲಿದ್ದಾರೆ. ಮುಂದಿನ ಪಂದ್ಯದಲ್ಲಿ ಹಾರ್ದಿಕ್ 5 ಸಿಕ್ಸರ್ ಬಾರಿಸಿದರೂ ಸಾಕು ಐಪಿಎಲ್‌ನಲ್ಲಿ 100 ಸಿಕ್ಸರ್ ದಾಖಲೆಗೆ ಹಾರ್ದಿಕ್ ಕಾರಣರಾಗಲಿದ್ದಾರೆ. ಸೆಪ್ಟೆಂಬರ್ 28ರಂದು ಡಬಲ್ ಹೆಡ್ಡರ್ ನಡೆಯಲಿದೆ. ಆರಂಭಿಕ ಪಂದ್ಯದಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್ ತಂಡಗಳು ಸೆಣಸಾಡಿದರೆ ಅನಂತರದ ಪಂದ್ಯದಲ್ಲಿ ಮುಂಬೈ-ಪಂಜಾಬ್ ಕಾದಾಡಲಿವೆ.