ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ಭಾನುವಾರ ನಡೆದ ಪಂದ್ಯದಲ್ಲಿ ಆರ್ಸಿಬಿ ಹೀನಾಯವಾಗಿ ಸೋಲು ಕಂಡಿದೆ. ಈ ಸೋಲಿನ ಬೆನ್ನಲ್ಲೇ ಈಗ ಆರ್ಸಿಬಿ ನಾಯಕ ವಿರಾಟ್ ಕೊಹ್ಲಿಗ ದಂಡದ ಬರೆ ಬಿದ್ದಿದೆ. ನಿಧಾನಗತಿಯ ಬೌಲಿಂಗ್ನಿಂದಾಗಿ ನಿಗದಿತ ಸಮಯದಲ್ಲಿ ಇನ್ನಿಂಗ್ಸ್ ಪೂರ್ತಿಗೊಳಿಸದ ಕಾರಣಕ್ಕೆ ವಿರಾಟ್ ಕೊಹ್ಲಿ 12 ಲಕ್ಷ ರೂಪಾಯಿ ದಂಡಕ್ಕೆ ಗುರಿಯಾಗಿದ್ದಾರೆ.
ಈ ಬಾರಿಯ ಐಪಿಎಲ್ನಲ್ಲಿ ನಿಗದಿತ ಸಮಯದೊಳಗೆ ಇನ್ನಿಂಗ್ಸ್ ಅಂತ್ಯಗೊಳಿಸಲು ಮತ್ತಷ್ಟು ಕಠಿಣ ಕ್ರಮಗಳನ್ನು ತೆಗೆದುಕೊಳ್ಳಲಾಗಿದೆ. 20 ಓವರ್ಗಳ ಇನ್ನಿಂಗ್ಸ್ಅನ್ನು 90 ನಿಮಿಷಗಳಲ್ಲಿ ಕಡ್ಡಾಯವಾಗಿ ಪೂರ್ಣಗೊಳಸಬೇಕು ಎಂದು ಬಿಸಿಸಿಐ ಈ ಬಾರಿ ನಿಯಮವನ್ನು ರೂಪಿಸಿದೆ.
ಐಪಿಎಲ್ 2021: ಹೈದರಾಬಾದ್ ವಿರುದ್ಧ ಸೂಪರ್ ಓವರ್ನಲ್ಲಿ ಗೆದ್ದ ಡೆಲ್ಲಿ
ವಿರಾಟ್ ಕೊಹ್ಲಿ ಈ ಬಾರಿಯ ಟೂರ್ನಿಯಲ್ಲಿ ಮೊದಲ ಬಾರಿಗೆ ಈ ದಂಡದ ಶಿಕ್ಷೆಗೆ ಗುರಿಯಾಗಿದ್ದಾರೆ. ಆರ್ಸಿಬಿ ತಂಡ ಎರಡನೇ ಬಾರಿ ನಿಧಾನಗತಿಯ ಬೌಲಿಂಗ್ ಮಾಡಿದಲ್ಲಿ 24 ಲಕ್ಷ ರೂಪಾಯಿಯ ದಂಡವನ್ನು ಕೊಹ್ಲಿ ಪಾವತಿಸಬೇಕಾಗುತ್ತದೆ. ಇದರ ಜೊತೆಗೆ ತಂಡದ ಸದಸ್ಯರು ಕೂಡ ಪಂದ್ಯದ ಸಂಭಾವನೆಯ 25% ದಂಡ ಪಾವತಿಸಬೇಕಾಗುತ್ತದೆ.
ಮೂರನೇ ಇದು ಮುಂದುವರಿದಲ್ಲಿ 30 ಲಕ್ಷ ದಂಡ ಹಾಗೂ ಮುಂದಿನ ಒಂದು ಪಂದ್ಯದಿಂದ ನಾಯಕ ನಿಷೇಧಕ್ಕೆ ಒಳಗಾಗಲಿದ್ದಾರೆ. ಇದರ ಜೊತೆಗೆ ತಂಡದ ಪ್ರತಿಯೊಬ್ಬ ಸದಸ್ಯ ಕೂಡ 12 ಲಕ್ಷ ಅಥವಾ ಪಂದ್ಯದ ಸಂಭಾವನೆಯ 50 ಶೇಕಡಾದಷ್ಟು ದಂಡಕ್ಕೆ ಒಳಗಾಗಲಿದ್ದಾರೆ.