ಐಪಿಎಲ್ ಹರಾಜು 2022: ಅದೃಷ್ಟ ಪರೀಕ್ಷೆಗೆ ಇಳಿದ 28 ಕನ್ನಡಿಗ ಆಟಗಾರರು: ಯಾರ ಮೂಲಬೆಲೆ ಎಷ್ಟು?

ಮೂಲ ಬೆಲೆ 2 ಕೋಟಿ; ಇಬ್ಬರು ಆಟಗಾರರು

ಐಪಿಎಲ್‌ನಲ್ಲಿ ಗರಿಷ್ಠ ಮೂಲಬೆಲೆಯ ಸ್ಲ್ಯಾಬ್ ಅಂದರೆ 2 ಕೋಟಿ ರೂಪಾಯಿ. ಈ ಎರಡು ಕೋಟಿ ಮೂಲ ಬೆಲೆಯ ಆಟಗಾರ ಪಟ್ಟಿಯಲ್ಲಿ ಇಬ್ಬರು ಕನ್ನಡಿಗರು ಕಾಣಿಸಿಕೊಂಡಿದ್ದಾರೆ. ಕಳೆದ ಐಪಿಎಲ್ ಆವೃತ್ತಿಯಲ್ಲಿ ಮಿಂಚಿರುವ ದೇವದತ್ ಪಡಿಕ್ಕಲ್ ಹಾಗೂ ಅನುಭವಿ ಆಟಗಾರ ರಾಬಿನ್ ಉತ್ತಪ್ಪ 2 ಕೋಟಿ ಮೂಲ ಬೆಲೆ ಹೊಂದಿರುವ ಆಟಗಾರರ ಪಟ್ಟಿಯಲ್ಲಿ ಕಾಣಿಸಿಕೊಂಡಿದ್ದಾರೆ.

ಮೂಲ ಬೆಲೆ 1 ಕೋಟಿ

ಮೂಲ ಬೆಲೆ 1 ಕೋಟಿ ರೂಪಾಯಿ ಹೊಂದಿರುವ ಆಟಗಾರರ ಪಟ್ಟಿಯಲ್ಲಿ ಕೂಡ ಇಬ್ಬರು ಕನ್ನಡಿಗ ಆಟಗಾರರು ಸ್ಥಾನವನ್ನು ಪಡೆದುಕೊಂಡಿದ್ದಾರೆ. ಐಪಿಎಲ್‌ನಲ್ಲಿ ಉತ್ತಮ ಬೇಡಿಕೆ ಹೊಂದಿದ್ದ ಮನೀಶ್ ಪಾಂಡೆ 1 ಕೋಟಿ ಮೂಲಬೆಲೆಯಲ್ಲಿ ತಮ್ಮ ಹೆಸರು ನೊಂದಾಯಿಸಿದ್ದರೆ ಯುವ ಆಟಗಾರ ಪ್ರಸಿದ್ಧ್ ಕೃಷ್ಣ ಕೂಡ 1 ಕೋಟಿ ರೂಪಾಯಿ ಮೂಲಬೆಲೆ ಹೊಂದಿರುವ ಮತ್ತೋರ್ವ ಆಟಗಾರನಾಗಿದ್ದಾರೆ.

ಮೂಲ ಬೆಲೆ 50 ಲಕ್ಷ ರೂಪಾಯಿ

ಮೂಲ ಬೆಲೆ 50 ಲಕ್ಷ ರೂಪಾಯಿ ಹೊಂದಿರುವ ಆಟಗಾರರ ಪಟ್ಟಿಯಲ್ಲಿ ಕೂಡ ಇಬ್ಬರು ಆಟಗಾರರು ಇದ್ದಾರೆ. ಕರ್ನಾಟಕ ತಂಡದ ಅನುಭವಿ ಆಟಗಾರರಾದ ಕೆ ಗೌತಮ್ ಹಾಗೂ ಕರುಣ್ ನಾಯರ್ 50 ಲಕ್ಷ ರೂಪಾಯಿ ಮೂಲ ಬೆಲೆ ಹೊಂದಿರುವ ಆಟಗಾರರ ಪಟ್ಟಿಯಲ್ಲಿದ್ದಾರೆ.

Virat Kohli ಸೊನ್ನೆ ಸುತ್ತಿ ಔಟ್ ಆಗಿದ್ದಕ್ಕೆ ಅಭಿಮಾನಿಗಳು ಬೇಸರ | Oneindia Kannada

20 ಲಕ್ಷ ಮೂಲ ಬೆಲೆ

ಐಪಿಎಲ್ ಹರಾಜಿನಲ್ಲಿ ಕನಿಷ್ಟ ಮೂಲ ಬೆಲೆಯೆಂದರೆ ಅದು 20 ಲಕ್ಷ ರೂಪಾಯಿ. ಕರ್ನಾಟಕದ ಒಟ್ಟು 22 ಆಟಗಾರರ 20 ಲಕ್ಷ ಮೂಲ ಬೆಲೆಗೆ ಹೆಸರು ನೊಂದಾಯಿಸಿಕೊಂಡಿದ್ದಾರೆ. ಅಭಿನವ್ ಮನೋಹರ್, ಕೆಸಿ ಕಾರ್ಯಪ್ಪ, ಶ್ರೇಯಸ್ ಗೋಪಾಲ್, ಜೆ ಸುಜಿತ್, ರೋಹನ್ ಕದಂ, ಪ್ರವೀಣ್ ದುಬೆ, ಲವ್ನಿತ್ ಸಿಸೋಡಿಯಾ, ವೈಶಾಕ್ ವಿಜಯ್ ಕುಮಾರ್, ಅನೀಶ್ವರ್ ಗೌತಮ್, ಬಿಆರ್ ಶರತ್, ಕೆಎಲ್ ಶ್ರೀಜಿತ್, ಕುಶಾಲ್ ವಾಧ್ವಾನಿ, ಆರ್ ಸಮರ್ಥ್, ಶುಭಾಂಗ್ ಹೆಗ್ಡೆ, ರೋನಿತ್ ಮೋರೆ, ವಿದ್ಯಾಧರ್ ಪಾಟೀಲ್, ವಿ ಕೌಶಿಕ್, ಎಂ ವೆಂಕಟೇಶ್, ಅನಿರುದ್ಧ್ ಜೋಶಿ, ಎಂಬಿ ದರ್ಶನ್, ಮನೋಜ್ ಭಾಂಡಗೆಮ, ದಿಕ್ಷಾಂಶು ನೇಗಿ