GT vs LSG: ನಿಮ್ಮ ಈ ಡ್ರೀಮ್‌ನಲ್ಲಿ ಈ ಮೂವರಿಗೆ ಸ್ಥಾನ ನೀಡಿದರೆ ಹಿನ್ನಡೆ ಖಂಡಿತ!

ಈ ಮೂವರು ಆಟಗಾರರು ಬೇಡ

ಗುಜರಾತ್ ಜೈಂಟ್ಸ್ ಹಾಗೂ ಲಕ್ನೋ ಸೂಪರ್ ಜೈಂಟ್ಸ್ ತಂಡಗಳು ಸೆಣಸಾಡಲಿರುವ ಪಂದ್ಯಕ್ಕೆ ನೀವು ರಚಿಸಲಿರುವ ಡ್ರೀಮ್ ಟೀಮ್‌ನಲ್ಲಿ ವೃದ್ಧಿಮಾನ್ ಸಹಾಗೆ ಸ್ಥಾನ ನೀಡದಿರುವುದು ಉತ್ತಮ. ಸೈಯದ್ ಮುಷ್ತಾಕ್ ಅಲಿ ಟ್ರೋಫಿಯಲ್ಲಿ 5 ಪಂದ್ಯಗಳನ್ನಾಡಿದ್ದ ವೃದ್ಧಿಮಾನ್ ಸಹಾ ಕೇವಲ 73 ರನ್ ಗಳಿಸಿದ್ದರು. ಹಾಗೂ ಕಳೆದ ಬಾರಿಯ ಐಪಿಎಲ್‌ನಲ್ಲಿ 9 ಪಂದ್ಯಗಳನ್ನಾಡಿ ಕೇವಲ 131 ರನ್ ಗಳಿಸಿದ್ದರು. ಹೀಗೆ ಫಾರ್‌ ಕಳೆದುಕೊಂಡಿರುವ ವೃದ್ಧಿಮಾನ್ ಸಹಾರನ್ನು ನಿಮ್ಮ ಡ್ರೀಮ್ ಟೀಮ್‌ನಿಂದ ಹೊರಗಿಡುವುದು ಉತ್ತಮ. ಇದರ ಜೊತೆಗೆ ಕಳೆದ ಕೆಲ ವರ್ಷಗಳಿಂದ ಸಾಲು ಸಾಲು ಕಳಪೆ ಪ್ರದರ್ಶನ ನೀಡುತ್ತಿರುವ ವಿಜಯ್ ಶಂಕರ್ ಅವರನ್ನೂ ಸಹ ಈ ಡ್ರೀಮ್ ಟೀಮ್‌ನಿಂದ ಹೊರಗಿಡುವುದು ಸೂಕ್ತ. ಇನ್ನು ಈ ಡ್ರೀಮ್ ಟೀಮ್‌ನಿಂದ ಲಕ್ನೋ ಸೂಪರ್ ಜೈಂಟ್ಸ್ ತಂಡದ ಆಟಗಾರ ಆಂಡ್ರೂ ಟೈ ಅವರನ್ನು ಹೊರಗಿಡುವುದು ಉತ್ತಮ ಆಯ್ಕೆ ಎನ್ನಬಹುದು. ಈ ಬಾರಿ ಮಾರ್ಕ್ ವುಡ್ ಗಾಯದ ಸಮಸ್ಯೆಗೆ ಒಳಗಾದ ಕಾರಣ ಲಕ್ನೋಗೆ ಆಯ್ಕೆಯಾಗಿರುವ ಆಂಡ್ರೂ ಟೈ 2018ರ ಐಪಿಎಲ್ ಟೂರ್ನಿಯಲ್ಲಿ 14 ಪಂದ್ಯಗಳನ್ನಾಡಿ 24 ವಿಕೆಟ್‌ಗಳನ್ನು ಪಡೆದು ಮಿಂಚಿದ್ದರು. ಆದರೆ, ಅನಂತರ ಕೇವಲ 7 ಪಂದ್ಯಗಳಲ್ಲಿ ಮಾತ್ರ ಆಡುವ ಅವಕಾಶ ಪಡೆದಿರುವ ಆಂಡ್ರೂ ಟೈ 4 ವಿಕೆಟ್ ಪಡೆಯಲಷ್ಟೇ ಶಕ್ತರಾಗಿದ್ದಾರೆ.

ನಾಯಕ ಮತ್ತು ಉಪನಾಯಕ

ಗುಜರಾತ್ ಜೈಂಟ್ಸ್ ಮತ್ತು ಲಕ್ನೋ ಸೂಪರ್ ಜೈಂಟ್ಸ್ ತಂಡಗಳ ನಡುವಿನ ಪಂದ್ಯಕ್ಕೆ ನೀವು ರಚಿಸಲಿರುವ ಡ್ರೀಮ್ ಟೀಮ್‌ನಲ್ಲಿ ನಾಯಕ ಸ್ಥಾನವನ್ನು ಕೆಎಲ್ ರಾಹುಲ್ ಹಾಗೂ ಹಾರ್ದಿಕ್ ಪಾಂಡ್ಯಗೆ ನೀಡಿದರೆ ಉತ್ತಮ ಹಾಗೂ ಉಪನಾಯಕನ ಸ್ಥಾನವನ್ನು ಶುಬ್‌ಮನ್ ಗಿಲ್ ಅಥವಾ ಮನೀಶ್ ಪಾಂಡೆಗೆ ನೀಡಿದರೆ ಉತ್ತಮ.

ಡ್ರೀಮ್ ಟೀಮ್ ಹೀಗಿರಲಿ

ತಂಡ 1: ಕ್ವಿಂಟನ್ ಡಿ ಕಾಕ್, ಲೋಕೇಶ್ ರಾಹುಲ್ (ನಾಯಕ), ಮನೀಶ್ ಪಾಂಡೆ, ಡೇವಿಡ್ ಮಿಲ್ಲರ್, ಶುಭಮನ್ ಗಿಲ್ (ಉಪನಾಯಕ), ಅಭಿನವ್ ಮನೋಹರ್, ಹಾರ್ದಿಕ್ ಪಾಂಡ್ಯ, ಕೃನಾಲ್ ಪಾಂಡ್ಯ, ಅವೇಶ್ ಖಾನ್, ರಶೀದ್ ಖಾನ್, ರವಿ ಬಿಷ್ಣೋಯ್

ತಂಡ 2: ಕೆಎಲ್ ರಾಹುಲ್, ಮನೀಶ್ ಪಾಂಡೆ (ಉಪನಾಯಕ), ಡೇವಿಡ್ ಮಿಲ್ಲರ್, ದೀಪಕ್ ಹೂಡಾ, ಶುಭಮನ್ ಗಿಲ್, ರಾಹುಲ್ ತೆವಾಟಿಯಾ, ಹಾರ್ದಿಕ್ ಪಾಂಡ್ಯ (ನಾಯಕ), ಕೃನಾಲ್ ಪಾಂಡ್ಯ, ಮೊಹಮ್ಮದ್ ಶಮಿ, ಅವೇಶ್ ಖಾನ್, ರಶೀದ್ ಖಾನ್