ಕೆಜಿಎಫ್ 2 ಕುರಿತು ಕೊಹ್ಲಿ, ಫಾಫ್, ಡಿಕೆ ಮತ್ತು ಮ್ಯಾಕ್ಸ್‌ವೆಲ್ ಮಾಡಿದ ಕೆಲಸ ನೋಡಿದ್ರೆ ಹೆಮ್ಮೆ ಎನಿಸುತ್ತೆ!

ಬಯೋ ಬಬಲ್ ಒಳಗೆ ಕೆಜಿಎಫ್ 2 ಪ್ರದರ್ಶನ

ಹೌದು, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಆಟಗಾರರು ಯಶ್ ಅಭಿನಯದ ಕೆಜಿಎಫ್ ಚಾಪ್ಟರ್ 2 ಚಿತ್ರವನ್ನು ಇಂದು ( ಏಪ್ರಿಲ್ 17 ) ಬಯೋ ಬಬಲ್ ಒಳಗಡೆಯೇ ವೀಕ್ಷಿಸುತ್ತಿದ್ದಾರೆ. ತಂಡದ ಆಟಗಾರರಿಗೆ ಚಿತ್ರದ ವಿಶೇಷ ಪ್ರದರ್ಶನವನ್ನು ಏರ್ಪಡಿಸಲಾಗಿದೆ. ಪಾಮ್ ಗಾರ್ಡನ್‌ನಲ್ಲಿ ವೇದಿಕೆಯ ಮೇಲೆ ತೆರೆಯನ್ನು ಹಾಕಲಾಗಿದ್ದು, ತಂಡದ ಆಟಗಾರರು ಕುಳಿತು ಚಿತ್ರವನ್ನು ವೀಕ್ಷಿಸಲು ವ್ಯವಸ್ಥೆಯನ್ನು ಮಾಡಲಾಗಿದೆ. ಈ ವಿಷಯವನ್ನು ಸ್ವತಃ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫ್ರಾಂಚೈಸಿ ಸಾಮಾಜಿಕ ಜಾಲತಾಣಗಳಲ್ಲಿನ ತನ್ನ ಅಧಿಕೃತ ಖಾತೆಗಳ ಮೂಲಕ ತಿಳಿಸಿದೆ.

ಕೈಜೋಡಿಸಿವೆ ಹೊಂಬಾಳೆ - ಆರ್‌ಸಿಬಿ

ಇನ್ನು ಕನ್ನಡ ಚಿತ್ರರಂಗದ ಬೃಹತ್ ಸಿನಿಮಾ ನಿರ್ಮಾಣ ಸಂಸ್ಥೆ ಹೊಂಬಾಳೆ ಫಿಲ್ಮ್ಸ್ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫ್ರಾಂಚೈಸಿ ಜತೆ ಕೈಜೋಡಿಸಿದೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಆಟಗಾರರು ಹೊಂಬಾಳೆ ಫಿಲ್ಮ್ಸ್ ನಿರ್ಮಾಣದ ಇದೇ ಕೆಜಿಎಫ್ ಚಾಪ್ಟರ್ 2 ಚಿತ್ರದ ಪ್ರಚಾರವನ್ನು ಕೂಡ ಇತ್ತೀಚೆಗಷ್ಟೇ ಮಾಡಿದ್ದರು. ಚಿತ್ರದ ಟೀಸರ್ ದೃಶ್ಯಗಳಿಗೆ ನಟಿಸುವುದರ ಮೂಲಕ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಆಟಗಾರರು ತಮ್ಮ ಪ್ರೋತ್ಸಾಹ ನೀಡಿದ್ದರು.

David Warner ಪುತ್ರಿಯರು ತಂದೆ ಔಟ್ ಆದದ್ದನ್ನು ನೋಡಿ ಮಾಡಿದ್ದೇನು | Oneindia Kannada

ಕನ್ನಡಿಗರಿಗೆ ಹೆಮ್ಮೆ

ಇನ್ನು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಹಂಚಿಕೊಂಡಿರುವ ಈ ಪೋಸ್ಟ್ ನೋಡಿದರೆ ಪ್ರತಿಯೊಬ್ಬ ಕನ್ನಡಿಗರೂ ಕೂಡ ಹೆಮ್ಮೆ ಪಡಲಿದ್ದಾರೆ. ಇದಕ್ಕೆ ಕಾರಣ ಇದೊಂದು ಕನ್ನಡ ಸಿನಿಮಾ ಎಂಬುದು. ಹೌದು, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಆಟಗಾರರು ಕನ್ನಡಿಗರು ನಿರ್ಮಿಸಿರುವ ಚಿತ್ರವನ್ನು ವೀಕ್ಷಿಸಲಿದ್ದಾರೆ ಎಂಬುದು ಸಾಮಾನ್ಯ ವಿಷಯವಲ್ಲ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದಲ್ಲಿ ಸ್ವದೇಶಿ ಹಾಗೂ ಹಲವಾರು ವಿದೇಶಗಳ ಆಟಗಾರರಿದ್ದು, ಈ ಆಟಗಾರರು ನಮ್ಮ ನೆಲದ ಚಿತ್ರವನ್ನು ವೀಕ್ಷಿಸಲಿರುವುದು ಕನ್ನಡಿಗರಿಗೆ ಹೆಮ್ಮೆಯೇ ಸರಿ. ಇನ್ನು ಪ್ರದರ್ಶನ ಮುಗಿದ ನಂತರ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಆಟಗಾರರು ಚಿತ್ರದ ಕುರಿತು ಮಾತನಾಡಲಿದ್ದು, ಯಾವ ರೀತಿಯ ಪ್ರತಿಕ್ರಿಯೆ ನೀಡಲಿದ್ದಾರೆ ಎಂಬುದನ್ನು ಕಾದು ನೋಡಬೇಕಿದೆ.