IPL 2023: ಉಳಿದೆಲ್ಲ ಸೀಸನ್‌ಗಳನ್ನು ಮೀರಿಸಿದ ಐಪಿಎಲ್ 2023; ಮುರಿದ ದಾಖಲೆಗಳು ಯಾವುವು?

ಮಂಗಳವಾರ, ಮೇ 30ರ ನಸುಕಿನ ಜಾವ ಮುಕ್ತಾಯಗೊಂಡ ಇಂಡಿಯನ್ ಪ್ರೀಮಿಯರ್ ಲೀಗ್ 2023ರ ಫೈನಲ್‌ನಲ್ಲಿ ಕಳೆದ ಬಾರಿಯ ಚಾಂಪಿಯನ್ ಗುಜರಾತ್ ಟೈಟನ್ಸ್ ತಂಡವನ್ನು ಮಣಿಸಿ ಚೆನ್ನೈ ಸೂಪರ್ ಕಿಂಗ್ಸ್ ಐಪಿಎಲ್ 2023ರ ಪ್ರಶಸ್ತಿಯನ್ನು ಎತ್ತಿ ಹಿಡಿಯಿತು. ಸಿಎಸ್‌ಕೆ ತಂಡ ಐದನೇ ಬಾರಿಗೆ ಐಪಿಎಲ್ ಎನಿಸಿಕೊಂಡು, ಮುಂಬೈ ಇಂಡಿಯನ್ಸ್ ಸಾಧನೆ ಸಮಬಲಗೊಳಿಸಿತು.

ಸುದೀರ್ಘ ಮೂರು ದಿನಗಳ ಕಾಲ ಐಪಿಎಲ್ 2023ರ ಫೈನಲ್ ನಡೆದಿದ್ದು, 10 ತಂಡಗಳ ನಡುವಿನ ಸುದೀರ್ಘ ಪಂದ್ಯಾವಳಿಗೆ ಸೂಕ್ತವಾಗಿ ತೆರೆ ಕಂಡಂತಾಯಿತು. ಗುಜರಾತ್ ಟೈಟನ್ಸ್ ತಂಡ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವನ್ನು ಲೀಗಗನ ಅಂತಿಮ ಪಂದ್ಯದಲ್ಲಿ ಸೋಲಿಸಿದಾಗ ಐಪಿಎಲ್ 2023ರ ಅಂತಿಮ ನಾಲ್ಕು ಪ್ಲೇ-ಆಫ್ ಸ್ಥಾನಗಳನ್ನು ನಿರ್ಧರಿಸಲಾಯಿತು.

ಈ ಋತುವನಲ್ಲಿ ಅಂತಿಮ ಬಾಲ್‌ವರೆಗೆ ಅತ್ಯಂತ ಕುತೂಹಲಕಾರಿ ಪ್ರದರ್ಶನಗಳಿಂದ ವರ್ಗೀಕರಿಸಲಾಗಿದ್ದು, ಇದು ಪಂದ್ಯಾವಳಿಯ ಫೈನಲ್‌ವರೆಗೂ ಮುಂದುವರೆಯಿತು. ಉಳಿದೆಲ್ಲ ಸೀಸನ್‌ಗಳಿಗಿಂತ ಈ ಐಪಿಎಲ್ ಥ್ರಿಲ್ಲರ್‌ನಿಂದ ಕೂಡಿತ್ತು. ಆ ಪೈಕಿ ಈ ವರ್ಷದ ಐಪಿಎಲ್‌ನಲ್ಲಿ ಮುರಿದ ಕೆಲವು ದಾಖಲೆಗಳು ಇಲ್ಲಿವೆ.

ಸೆನ್ಸೇಷನಲ್ ಬ್ಯಾಟಿಂಗ್ ಪ್ರದರ್ಶನ

ಐಪಿಎಲ್ 2023ರ ಒಂದೇ ಋತುವಿನಲ್ಲಿ ಅತಿ ಹೆಚ್ಚು ಶತಕಗಳನ್ನು ಬಾರಿಸಲಾಗಿದೆ. ಈ ಪಂದ್ಯಾವಳಿಯಲ್ಲಿ 12 ಶತಕಗಳನ್ನು ಹರಿದುಬಂದಿವೆ. ಶುಭ್ಮನ್ ಗಿಲ್ ಸತತ ಮೂರು ಶತಕಗಳ ಸಾಧನೆ ಮಾಡಿದರು. ಐಪಿಎಲ್ ಲೀಗ್‌ನ ಇತಿಹಾಸದಲ್ಲಿ ಈ ರೀತಿಯ ಮೊದಲ ಸಾಧನೆಯಾಗಿದೆ. ಐಪಿಎಲ್ ಇತಿಹಾಸದಲ್ಲಿ ಸತತ ಎರಡು ಶತಕ ಸಿಡಿಸಿದ ಏಕೈಕ ಆಟಗಾರ ವಿರಾಟ್ ಕೊಹ್ಲಿ ಕೂಡ ಕಳೆದ ಬಾರಿಗಿಂತ ಅತ್ಯುತ್ತಮ ವೈಯಕ್ತಿಕ ಪ್ರದರ್ಶನ ನೀಡಿದರು.

ಒಂದು ಋತುವಿನಲ್ಲಿ ಹೆಚ್ಚು ಶತಕ ಗಳಿಸಿದ ವರ್ಷ
12 - 2023
8 - 2022
7 - 2016

ತಂಡಗಳ ದೊಡ್ಡ ಸ್ಕೋರ್

ಐಪಿಎಲ್ 2023ರಲ್ಲಿ ಬ್ಯಾಟರ್‌ಗಳು ಅತ್ಯುತ್ತಮ ಪ್ರದರ್ಶನ ನೀಡಿದರು. ಎಲ್ಲಾ ತಂಡಗಳು ಮೊಹಾಲಿ, ವಾಂಖೆಡೆ ಮತ್ತು ಈಡನ್ ಗಾರ್ಡನ್ಸ್‌ನಂತಹ ಮೈದಾನಗಳಲ್ಲಿ ಕೆಲವು ಉತ್ತಮ ಬ್ಯಾಟಿಂಗ್ ಪ್ರದರ್ಶನಗಳನ್ನು ನೀಡಿದವು. ಐಪಿಎಲ್‌ನ ಈ ಋತುವಿನಲ್ಲಿ ಅತ್ಯಧಿಕ ಸಂಖ್ಯೆಯ 200ಕ್ಕೂ ಹೆಚ್ಚುನ ಮೊತ್ತವನ್ನು ಕಂಡಿದೆ. ಲಕ್ನೋ ಸೂಪರ್ ಜೈಂಟ್ಸ್ ತಂಡವು ಪಂಜಾಬ್ ಕಿಂಗ್ಸ್ ವಿರುದ್ಧ 257 ರನ್ ಮೊತ್ತದೊಂದಿಗೆ ಮೊದಲ ಸ್ಥಾನದಲ್ಲಿದೆ.

ಐಪಿಎಲ್ 2023ರಲ್ಲಿ ಹೆಚ್ಚಿನ 200+ ಮೊತ್ತ
37 - 2023
18 - 2022
15 - 2018

ಯಶಸ್ವಿ ಚೇಸ್‌ಗಳು

200ಕ್ಕೂ ಹೆಚ್ಚಿನ ಸ್ಕೋರ್ ಸಾಮಾನ್ಯವಾಗಿತ್ತು, ಅದೇ ರೀತಿ 200 ರನ್ ಮೊತ್ತವನ್ನು ಬೆನ್ನಟ್ಟುವುದು ಕೂಡ. ಐಪಿಎಲ್ 2023ರಲ್ಲಿ 8 ಬಾರಿ 200+ ಮೊತ್ತವನ್ನು ಯಶಸ್ವಿಯಾಗಿ ಬೆನ್ನಟ್ಟಲಾಗಿದೆ. ಮುಂಬೈ ಇಂಡಿಯನ್ಸ್ ನಾಲ್ಕು ಬಾರಿ ಯಶಸ್ವಿಯಾಗಿ ಬೆನ್ನಟ್ಟಿದೆ.

200 ಅಥವಾ ಅದಕ್ಕಿಂತ ಹೆಚ್ಚಿನ ಚೇಸ್‌ಗಳು
8 - 2023
3 - 2014
2 - 2010, 2018, 2022
1 - 2008, 2012, 2017, 2019, 2020, 2021

ಐಪಿಎಲ್ 2023 ಬ್ಯಾಟಿಂಗ್ ಸ್ವರ್ಗ

ಐಪಿಎಲ್ 2023ರಲ್ಲಿ ಪಂದ್ಯದ ಮೊದಲ ಇನ್ನಿಂಗ್ಸ್‌ನಲ್ಲಿ ರನ್‌ಗಳ ಏರಿಕೆ ಕಂಡಿದೆ. 183 ರನ್ ಈ ಬಾರಿಯ ಐಪಿಎಲ್‌ನಲ್ಲಿ ಮೊದಲ ಇನಿಂಗ್ಸ್‌ನ ಸರಾಸರಿ ಮೊತ್ತವಾಗಿತ್ತು. ಇದೇ ವೇಳೆ ಈ ಋತುವಿನಲ್ಲಿ ರನ್-ರೇಟ್ ಕೂಡ ಹೆಚ್ಚಾಯಿತು, ಪ್ರತಿ ಓವರ್‌ಗೆ 8.99 ರನ್‌ಗಳು ಬಂದಿವೆ.

ಮೊದಲ ಇನಿಂಗ್ಸ್‌ನ ಗರಿಷ್ಠ ಸರಾಸರಿ ಮೊತ್ತ
183 - 2023
172 - 2018
171 - 2022

ಅತ್ಯಧಿಕ ರನ್‌ರೇಟ್
8.99 - 2023
8.65 - 2018
8.54 - 2022

ಅಧಿಕ ಅರ್ಧಶತಕಗಳು

ಐಪಿಎಲ್ 2023ರ ಪಂದ್ಯಾವಳಿಯುದ್ದಕ್ಕೂ ಹಲವು ತಂಡಗಳ ಅಗ್ರ ಬ್ಯಾಟರ್‌ಗಳು ಸ್ಥಿರತೆಯನ್ನು ಕಾಯ್ದುಕೊಳ್ಳಲು ಪ್ರಯತ್ನಿಸಿದರು. ಅಗ್ರಸ್ಥಾನದಲ್ಲಿ ಆರ್‌ಸಿಬಿಯ ಫಾಫ್ ಡು ಪ್ಲೆಸಿಸ್, ವಿರಾಟ್ ಕೊಹ್ಲಿ, ಡೆಲ್ಲಿ ಕ್ಯಾಪಿಟಲ್ಸ್‌ನ ಡೇವಿಡ್ ವಾರ್ನರ್, ಗುಜರಾತ್ ಟೈಟನ್ಸ್‌ನ ಶುಭ್ಮನ್ ಗಿಲ್ ಎದುರಾಳಿ ಬೌಲರ್‌ಗಳನ್ನು ಗುರಿಯಾಗಿಟ್ಟುಕೊಂಡು ಆಟವಾಡಿದರು.

ಮತ್ತೊಂದೆಡೆ, ರಿಂಕು ಸಿಂಗ್ ಮತ್ತು ಹೆನ್ರಿಚ್ ಕ್ಲಾಸೆನ್ ಅವರಂತಹ ಫಿನಿಶರ್‌ಗಳು ತಮ್ಮ ಅತ್ಯುತ್ತಮ ಬ್ಯಾಟಿಂಗ್ ಪ್ರದರ್ಶನ ನೀಡಿದರು. ಐಪಿಎಲ್ 2023 ಬ್ಯಾಟರ್‌ಗಳಿಂದ ಹೆಚ್ಚಿನ ಸಂಖ್ಯೆಯ 50+ ಸ್ಕೋರ್‌ಗಳನ್ನು ಕಂಡಿದೆ. ಈ ಬಾರಿ 153 ಅರ್ಧಶತಕಗಳು ಬಂದಿದ್ದು, ಕಳೆದ ಋತುವಿನ 118ಕ್ಕಿಂತ ಹೆಚ್ಚಿನದಾಗಿದೆ.

ಹೆಚ್ಚಿನ 50 + ಸ್ಕೋರ್‌ಗಳು
153 - 2023
118 - 2022
117 - 2016