IPL 2024: ಮಳೆಯಿಂದಾಗಿ RCB vs CSK ಪಂದ್ಯ ರದ್ದು?; ಬೆಂಗಳೂರು ಹವಾಮಾನ ಹೇಗಿರಲಿದೆ?

ಶನಿವಾರ, ಮೇ 18ರಂದು ಎಂ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನಡೆಯಲಿರುವ 2024ರ ಇಂಡಿಯನ್ ಪ್ರೀಮಿಯರ್ ಲೀಗ್‌ನ (ಐಪಿಎಲ್) 68ನೇ ಮಾಡು ಇಲ್ಲವೇ ಮಡಿ ಪಂದ್ಯದಲ್ಲಿ ಆತಿಥೇಯ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ (ಸಿಎಸ್‌ಕೆ) ತಂಡಗಳು ಪ್ಲೇಆಫ್ ಸ್ಥಾನಕ್ಕಾಗಿ ಹೋರಾಟ ನಡೆಸಲಿವೆ.

ಬೆಂಗಳೂರಿನಲ್ಲಿ ಆರ್‌ಸಿಬಿ ಮತ್ತು ಸಿಎಸ್‌ಕೆ ನಡುವಿನ ಬಹು ನಿರೀಕ್ಷಿತ ಹೈ-ವೋಲ್ಟೇಜ್ ಪಂದ್ಯದ ಮೇಲೆ ಮಳೆಯ ಭೀತಿಯು ದೊಡ್ಡದಾಗಿ ಹೊರಹೊಮ್ಮುವ ಸಾಧ್ಯತೆಯಿದೆ.

ಬೆಂಗಳೂರಿನ ಎಂ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯಲಿರುವ ಪಂದ್ಯವು ಆರ್‌ಸಿಬಿ ತಂಡಕ್ಕೆ ಅತ್ಯಂತ ನಿರ್ಣಾಯಕವಾಗಿದೆ. ಏಕೆಂದರೆ ಫಾಫ್ ಡು ಪ್ಲೆಸಿಸ್ ಬಳಗದ ಐಪಿಎಲ್ 2024ರ ಪ್ಲೇಆಫ್ ಅವಕಾಶಗಳು ಪಂದ್ಯದಲ್ಲಿ ಉತ್ತಮ ಗೆಲುವಿನ ಮೇಲೆ ನಿಂತಿದೆ.

ಆದರೆ, ಮಳೆ ಭೀತಿಯು ಆರ್‌ಸಿಬಿ ಫ್ರಾಂಚೈಸಿ ಹಾಗೂ ಲಕ್ಷಾಂತರ ಆರ್‌ಸಿಬಿ ನಿಷ್ಠಾವಂತ ಅಭಿಮಾನಿಗಳ ಭರವಸೆಯನ್ನು ಹಾಳುಮಾಡುವ ನಿರೀಕ್ಷೆಯಿದೆ ಮತ್ತು ದಿನವಿಡೀ ಬೆಂಗಳೂರು ನಗರದಲ್ಲಿ ಭಾರೀ ಮಳೆಯಾಗುವ ಸಾಧ್ಯತೆ ಇದೆ.

weather.com ಪ್ರಕಾರ, ಮೇ 18ರಂದು ಹಗಲಿನ ವೇಳೆಯಲ್ಲಿ ಶೇ.73ರಷ್ಟು ಮಳೆಯಾಗುವ ಸಾಧ್ಯತೆಗಳಿದ್ದರೆ, ಸಂಜೆ 6ರ ಸುಮಾರಿಗೆ ಶೇ.80ರವರೆಗೆ ಹೆಚ್ಚಾಗುವ ನಿರೀಕ್ಷೆಯಿದೆ. ಶನಿವಾರದಂದು ನಿರಂತರ ಗುಡುಗು ಸಹಿತ ಮಳೆಯಾಗುವ ಸಾಧ್ಯತೆಯಿದೆ. ಇದು ಪಂದ್ಯ ಪೂರ್ಣಗೊಳ್ಳುವ ಸಾಧ್ಯತೆಯನ್ನು ಮತ್ತಷ್ಟು ಅಡ್ಡಿಪಡಿಸುತ್ತದೆ.

ನಿರಂತರ ಮಳೆಯು ಪಂದ್ಯವನ್ನು ರದ್ದುಗೊಳಿಸಬಹುದು. ಆಗ ಆತಿಥೇಯ ಆರ್‌ಸಿಬಿ ತಂಡಕ್ಕೆ ಪರಿಸ್ಥಿತಿಗಳು ಇನ್ನಷ್ಟು ಕಠಿಣಗೊಳಿಸುತ್ತವೆ. ಐಪಿಎಲ್ ನಿಯಮಗಳ ಪ್ರಕಾರ, ತಲಾ ಐದು ಓವರ್‌ಗಳ ಕಡಿಮೆ ಆಟವು ರಾತ್ರಿ 10:56ಕ್ಕೆ ಆರಂಭವಾಗಬಹುದು.

ಬೆಂಗಳೂರಿನ ಹವಾಮಾನದ ಅನಿಶ್ಚಿತತೆ ಮತ್ತು ದೇಶದಲ್ಲೇ ಅತ್ಯುತ್ತಮ ಎನಿಸಿರುವ ಎಂ ಚಿನ್ನಸ್ವಾಮಿ ಕ್ರೀಡಾಂಗಣದ ಸಬ್-ಏರ್ ವ್ಯವಸ್ಥೆ ಮಾತ್ರ ಆರ್‌ಸಿಬಿಗೆ ಒಳ್ಳೆಯ ಸುದ್ದಿ ನೀಡಬಹುದು.

ಗಮನಾರ್ಹವಾಗಿ, ಆರ್‌ಸಿಬಿ ತಂಡದ ಗುಜರಾತ್ ಟೈಟನ್ಸ್ ವಿರುದ್ಧದ ಐಪಿಎಲ್ 2024ರ ಕೊನೆಯ ಪಂದ್ಯವೂ ಮಳೆಯ ಭೀತಿಗೆ ಒಳಗಾಗಿತ್ತು. ಆದರೆ, ಆರ್‌ಸಿಬಿ ಅದೃಷ್ಟಕ್ಕಾಗಿ, ಪಂದ್ಯ-ಪೂರ್ವದ ಪ್ರತಿಕೂಲ ಹವಾಮಾನದ ಹೊರತಾಗಿಯೂ ಸಂಪೂರ್ಣ 20-ಓವರ್‌ಗಳ ಪಂದ್ಯವನ್ನು ನಡೆಸಲಾಯಿತು.

ಸತತ ಐದು ಪಂದ್ಯಗಳ ಗೆಲುವಿನ ನಾಗಾಲೋಟದಲ್ಲಿ ಆರ್‌ಸಿಬಿ

ಸಿಎಸ್‌ಕೆ ವಿರುದ್ಧದ ಮುಂಬರುವ ನಿರ್ಣಾಯಕ ಪಂದ್ಯಕ್ಕೂ ಮುನ್ನ ಆರ್‌ಸಿಬಿ ತಮ್ಮ ಮೊದಲ 8 ಪಂದ್ಯಗಳಲ್ಲಿ ಒಂದನ್ನು ಮಾತ್ರ ಗೆದ್ದಿತ್ತು. ಆದರೆ, ತನ್ನ ಕೊನೆಯ 5 ಪಂದ್ಯಗಳನ್ನು ಸತತವಾಗಿ ಗೆಲ್ಲುವ ಮೂಲಕ ಪ್ಲೇಆಫ್ ಅವಕಾಶಗಳಿಗೆ ಮತ್ತೊಮ್ಮೆ ಭರವಸೆ ಹೊಂದಿದೆ.

ಐಪಿಎಲ್ 2024ರಲ್ಲಿ ತಮ್ಮ ಒಂಬತ್ತನೇ ಪಂದ್ಯದಲ್ಲಿ ಬಲಿಷ್ಠ ಸನ್ ರೈಸರ್ಸ್ ಹೈದರಾಬಾದ್ ವಿರುದ್ಧ 35 ರನ್‌ಗಳ ಗೆಲುವಿನೊಂದಿಗೆ ಅವರ ಅಭಿಯಾನವು ಅಂತಿಮವಾಗಿ ಸ್ವಲ್ಪ ವೇಗವನ್ನು ಪಡೆಯಿತು.

ಈ ಗೆಲುವು ಮೂರು ಬಾರಿಯ ರನ್ನರ್-ಅಪ್‌ ತಂಡಕ್ಕೆ ಹೊಸ ಹುಮ್ಮಸ್ಸು ತಂದುಕೊಟ್ಟಿತು. ನಂತರ ಕೊನೆಯ ಐದು ಪಂದ್ಯಗಳನ್ನು ಸತತವಾಗಿ ಗೆದ್ದಿದ್ದಾರೆ ಮತ್ತು ಅಗ್ರ ನಾಲ್ಕರಲ್ಲಿ ಸ್ಥಾನ ಪಡೆಯುವ ಉತ್ತಮ ಅವಕಾಶವನ್ನು ಹೊಂದಿದೆ.

ಆರ್‌ಸಿಬಿ ಫ್ರಾಂಚೈಸಿಯು ನಿವ್ವಳ ರನ್ ರೇಟ್‌ನಲ್ಲಿ ಎದುರಾಳಿಗಳನ್ನು ಮೀರಿಸಲು ಮೊದಲು ಬ್ಯಾಟಿಂಗ್‌ನಲ್ಲಿ 200 ರನ್ ಗಳಿಸಿದರೆ ಸಿಎಸ್‌ಕೆ ತಂಡವನ್ನು 18 ರನ್‌ಗಳಿಂದ ಸೋಲಿಸಬೇಕಾಗಿದೆ ಅಥವಾ ಮೊದಲು ಬ್ಯಾಟಿಂಗ್ ಮಾಡಿ 201 ರನ್ ಬೆನ್ನಟ್ಟಿದರೆ 11 ಎಸೆತಗಳು ಬಾಕಿ ಇರುವಂತೆಯೇ ಗುರಿ ತಲುಪಬೇಕು.

ಆದಾಗ್ಯೂ ಮಳೆಯಿಂದ ಪಂದ್ಯ ರದ್ದು ಅಥವಾ ಸೋಲು ಆರ್‌ಸಿಬಿ ತಂಡವನ್ನು ಪ್ಲೇಆಫ್ ರೇಸ್‌ನಿಂದ ಹೊರಹಾಕುತ್ತದೆ. ಹೀಗಾಗಿ ಆರ್‌ಸಿಬಿ ತಮ್ಮ ನಿಧಾನಗತಿಯ ಅಭಿಯಾನವನ್ನು ಪುನರುಜ್ಜೀವನಗೊಳಿಸಿದ ನಂತರ, ನ್ಯಾಯಯುತ ಅವಕಾಶವನ್ನು ನೀಡುತ್ತದೆ ಎಂದು ಭಾವಿಸಬೇಕು.