IPL 2024: ಹಳೆಯ ಖದರ್‌ನಲ್ಲಿ ಕಾಣಿಸಿಕೊಳ್ಳಲಿರುವ ಎಂಎಸ್‌ ಧೋನಿ; ವಿಡಿಯೋ ವೈರಲ್‌

ಮಹೇಂದ್ರ ಸಿಂಗ್ ಧೋನಿ, ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಯಶಸ್ವಿ ನಾಯಕ. ಐಪಿಎಲ್‌ನ ಬೆಸ್ಟ್‌ ಫಿನಿಶರ್‌ ಪಟ್ಟಿಯಲ್ಲಿ ಸ್ಥಾನ ಪಡೆಯುವ ಆಟಗಾರ. ಐಪಿಎಲ್‌ ಮೊದಲು ಆವೃತ್ತಿಯಿಂದ ಸಂಚಲನ ಮೂಡಿಸಿರುವ ಪ್ಲೇಯರ್‌. ಈ ಬಾರಿ ಧೋನಿ ತಮ್ಮ ಹಳೆಯ ಖದರ್‌ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಮೂಲಕ ಸಿಎಸ್‌ಕೆ ಫ್ಯಾನ್ಸ್‌ಗೆ ಮಾಹಿ ಗುಡ್‌ ನ್ಯೂಸ್‌ ನೀಡಿದ್ದಾರೆ.

ಶುಕ್ರವಾರದಿಂದ ಐಪಿಎಲ್‌ ಸೀಸನ್‌ ಆರಂಭವಾಗಲಿದೆ. ಈಗಾಗಲೇ ಬೆಂಗಳೂರು ತಂಡ ಚೆನ್ನೈ ತಲುಪಿದ್ದು, ಮೊದಲ ಪಂದ್ಯಕ್ಕೆ ಅಣಿಯಾಗಿದೆ. ಚೆನ್ನೈ ಅಂಗಳದಲ್ಲಿ ನಡೆಯುವ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ಆಗಿ ಸಿಎಸ್‌ಕೆ ಅಂಗಳವನ್ನು ಪ್ರವೇಶಿಸಲಿದೆ. ಆರ್‌ಸಿಬಿ ಈ ಪಂದ್ಯದಲ್ಲಿ ಗೆಲುವು ಸಾಧಿಸಿ ಚೊಚ್ಚಲ ಕಪ್‌ ಗೆಲುವಿನ ಅಭಿಯಾನವನ್ನು ಆರಂಭಿಸುವ ಪ್ಲ್ಯಾನ್ ಮಾಡಿಕೊಂಡಿದೆ.

ಹಳೆಯ ಖದರ್‌ನಲ್ಲಿ ಎಂಎಸ್

2008ರಲ್ಲಿ ಮಹೇಂದ್ರ ಸಿಂಗ್ ಧೋನಿ ಸಿಎಸ್‌ಕೆ ಮುನ್ನಡೆಸಿದ್ದಾಗ, ಚೆನ್ನೈ ಅಭಿಮಾನಿಗಳು ಮಾಹಿ ಆಟಕ್ಕೆ ತಲೆ ದೂಗಿದ್ದರು. ಮಾಹಿ ಹಳದಿ ಜೆರ್ಸಿಯಲ್ಲಿ ಕಣಕ್ಕೆ ಇಳಿದರೆ, ಮೈದಾನಲ್ಲಿ ಸಂಚಲನ ಫಿಕ್ಸ್‌. ಎಂಎಸ್‌ ಧೋನಿಗೆ ಇದೇ ಕೊನೆಯ ಐಪಿಎಲ್‌ ನಂತೆ ಕಾಣುತ್ತಿದೆ. ಇದಕ್ಕೆ ಮೊದಲ ಕಾರಣ ಅವರ ವಯಸ್ಸು. ಮತ್ತು ಇನ್ನೊಂದು ಸೂಚನೆ ಎಂದರೆ ಅವರು ಹೇರ್‌ ಸ್ಟೈಲ್‌.. ಧೋನಿ ಯಾವ ರೀತಿ ಮೊದಲು ಅಂಗಳದಲ್ಲಿ ಕಾಣಿಸಿಕೊಂಡಿದ್ದರೋ, ಅದೇ ಸ್ಟೈಲ್‌ನಲ್ಲಿ ಈ ಬಾರಿ ಕಾಣಿಸಿಕೊಳ್ಳುತ್ತಿದ್ದು, ಇದುವೇ ಕೊನೆಯ ಐಪಿಎಲ್ ಆಗಬಹುದು ಎಂಬ ಸೂಚನೆ ನೀಡಿದಂತಿದೆ.

ಅಭ್ಯಾಸ ಪಂದ್ಯದಲ್ಲಿ ಧೋನಿ ತಮ್ಮ ತಂಡದ ಬೌಲರ್‌ಗಳ ವಿರುದ್ಧ ಬಿಗ್ ಶಾಟ್‌ಗಳನ್ನು ಬಾರಿಸಿದ್ದಾರೆ. ಧೋನಿ ಅವರು ನೆಟ್ಸ್‌ನಲ್ಲಿ ಅಭ್ಯಾಸ ಮಾಡುತ್ತಿದ್ದ ರೀತಿಯನ್ನು ಇತರ ಎಲ್ಲಾ ತಂಡಗಳಿಗೆ ಎಚ್ಚರಿಕೆ ನೀಡುವುದಕ್ಕಿಂತ ಕಡಿಮೆಯಿಲ್ಲ ಎಂದು ಪರಿಗಣಿಸಲಾಗಿದೆ.

ಹೆಲಿಕಾಪ್ಟರ್ ಶಾಟ್ ಪ್ರತ್ಯಕ್ಷ

ಮಹೇಂದ್ರ ಸಿಂಗ್ ಧೋನಿ ವಿಶ್ವ ಕ್ರಿಕೆಟ್‌ನಲ್ಲಿ ಅತ್ಯುತ್ತಮ ಫಿನಿಶರ್. ಅವರು ತಮ್ಮ ಹೆಲಿಕಾಪ್ಟರ್ ಶಾಟ್‌ಗೂ ಹೆಸರುವಾಸಿ. ಅಂತರಾಷ್ಟ್ರೀಯ ಕ್ರಿಕೆಟ್‌ಗೆ ವಿದಾಯ ಹೇಳಿದ ನಂತರ ಧೋನಿ ಐಪಿಎಲ್‌ನಲ್ಲಿ ಮಾತ್ರ ಆಡುತ್ತಿರುವುದು ಕಂಡುಬಂದಿದೆ. ಅದೇ ಸಮಯದಲ್ಲಿ, ಮುಂಬರುವ ಐಪಿಎಲ್ ಸೀಸನ್‌ಗೆ ಮೊದಲು, ಧೋನಿ ನೆಟ್ಸ್‌ನಲ್ಲಿ ಸಿಎಸ್‌ಕೆಯ ಯುವ ವೇಗದ ಬೌಲರ್ ರಾಜವರ್ಧನ್ ಹಂಗೇರ್‌ಗೆಕರ್ ವಿರುದ್ಧ ಹೆಲಿಕಾಪ್ಟರ್ ಶಾಟ್ ಅನ್ನು ಆಡಿದರು. ಚೆಂಡು ನೇರವಾಗಿ ಸ್ಟ್ಯಾಂಡ್‌ಗೆ ಬಿದ್ದಿತು. ಅದರ ವೀಡಿಯೊ ಈಗ ಸಾಮಾಜಿಕ ಮಾಧ್ಯಮದಲ್ಲಿ ಇದು ವೈರಲ್ ಆಗುತ್ತಿದೆ.

ಐಪಿಎಲ್‌ನಲ್ಲಿ ಹೇಗಿದೆ ದಾಖಲೆ

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ ಮಹೇಂದ್ರ ಸಿಂಗ್ ಧೋನಿ ಅವರ ದಾಖಲೆ ಉತ್ತಮವಾಗಿದೆ. ಧೋನಿ RCB ವಿರುದ್ಧ 34 ಪಂದ್ಯಗಳಲ್ಲಿ 39.95 ಸರಾಸರಿಯಲ್ಲಿ 839 ರನ್ ಗಳಿಸಿದ್ದಾರೆ. ಒಟ್ಟಾರೆ ಐಪಿಎಲ್‌ನಲ್ಲಿ ಧೋನಿ 250 ಪಂದ್ಯಗಳನ್ನು ಆಡಿದ್ದು, 5082 ರನ್ ಸಿಡಿಸಿದ್ದಾರೆ.