IPL 2024: ಈ ಋತುವಿನ ಕೊನೆಯಲ್ಲಿ ಎಂಎಸ್ ಧೋನಿ ನಿವೃತ್ತಿ?; ಭವಿಷ್ಯ ನುಡಿದ ಎಬಿಡಿ

ಭಾರತದ ಎಂಎಸ್ ಧೋನಿ ಮತ್ತು ದಕ್ಷಿಣ ಆಫ್ರಿಕಾದ ಎಬಿ ಡಿವಿಲಿಯರ್ಸ್ ವಿಶ್ವ ಕಂಡ ಇಬ್ಬರು ಶ್ರೇಷ್ಠ ಕ್ರಿಕೆಟ್ ಆಟಗಾರರು. ಕ್ರಿಕೆಟ್‌ನ ಪ್ರತಿಸ್ಪರ್ಧಿಗಳಲ್ಲಿ ಶ್ರೇಷ್ಠರಾಗಿದ್ದರೂ, ಆದರೆ ಅವರು ಪರಸ್ಪರ ಅಪಾರ ಗೌರವವನ್ನು ಹೊಂದಿದ್ದಾರೆ ಮತ್ತು ಉತ್ತಮ ಸ್ನೇಹಿತರಾಗಿದ್ದಾರೆ.

ಇಬ್ಬರೂ ಮಾಜಿ ಆಟಗಾರರು ಪರಸ್ಪರ ಗೌರವ ಹಂಚಿಕೊಳ್ಳುತ್ತಾರೆ. ಅವರು ತಮ್ಮ ಆಯಾ ಫ್ರಾಂಚೈಸಿಗಳಿಗಾಗಿ ಅನೇಕ ದೊಡ್ಡ ಕೊಡುಗೆ ನೀಡಿದ ಐಪಿಎಲ್ ಲೆಜೆಂಡ್‌ಗಳು.

ಎಬಿ ಡಿವಿಲುಯರ್ಸ್ ಈಗಾಗಲೇ ತಮ್ಮ ಐಪಿಎಲ್ ಮತ್ತು ಅಂತಾರಾಷ್ಟ್ರೀಯ ವೃತ್ತಿಜೀವನಕ್ಕೆ ತೆರೆ ಎಳೆದಿದ್ದರೆ, ಎಂಎಸ್ ಧೋನಿ ಟಿ20 ಲೀಗ್‌ನಲ್ಲಿ ತಮ್ಮ ಆಟವನ್ನು ಮುಂದುವರೆಸಿದ್ದಾರೆ ಮತ್ತು ಸಿಎಸ್‌ಕೆ ತಂಡವನ್ನು ಮುನ್ನಡೆಸುತ್ತಿದ್ದಾರೆ.

ಬುಧವಾರ ತಮ್ಮ ಯೂಟ್ಯೂಬ್ ಚಾನೆಲ್‌ನಲ್ಲಿ ಮಾತನಾಡಿದ ಎಬಿ ಡಿವಿಲಿಯರ್ಸ್, ಈ ಐಪಿಎಲ್‌ನ ಋತುವಿನ ಕೊನೆಯಲ್ಲಿ ಎಂಎಸ್ ಧೋನಿ ಬಗ್ಗೆ ಭವಿಷ್ಯ ನುಡಿದರು.

ಇದೀಗ ಎಬಿ ಡಿವಿಲಿಯರ್ಸ್ ಅವರು ಎಂಎಸ್ ಧೋನಿಯನ್ನು ಡೀಸೆಲ್ ಎಂಜಿನ್‌ನೊಂದಿಗೆ ಹೋಲಿಸಿದ್ದಾರೆ. ""ಅದು ಎಂದಿಗೂ ಮುಗಿಯುವುದಿಲ್ಲ. ಎಂಎಸ್ ಧೋನಿ ಮುಂದೆ ಯಾವ ನಡೆ ತೆಗೆದುಕೊಳ್ಳಲಿದ್ದಾರೆ ಎಂದು ಯಾರೂ ಊಹಿಸಲು ಸಾಧ್ಯವಿಲ್ಲ ಮತ್ತು ನಿವೃತ್ತಿ ನಿರ್ಧಾರವು ಅಂತಹ ಒಂದು ಕ್ರಮವಾಗಿದ್ದು ಅದು ಯಾವಾಗ ಬರುತ್ತದೆ ಎಂದು ಯಾರಿಗೂ ತಿಳಿದಿಲ್ಲ,'' ಎಂದು ದಕ್ಷಿಣ ಆಫ್ರಿಕಾದ ಮಾಜಿ ಸ್ಫೋಟಕ ಬ್ಯಾಟರ್ ಎಬಿ ಡಿವಿಲಿಯರ್ಸ್ ಹೇಳಿದರು.

"ಧೋನಿ ಕಳೆದ ವರ್ಷ ಕೆಲವು ನಂಬಲಾಗದ ಕ್ರಿಕೆಟ್ ಆಡಿದ್ದಾರೆ. ಕಳೆದ ವರ್ಷ ಎಂಎಸ್ ಧೋನಿ ನಿವೃತ್ತಿಯಾಗುವ ಬಗ್ಗೆ ಸಾಕಷ್ಟು ವದಂತಿಗಳಿದ್ದವು, ಅದು ಆಗಲಿಲ್ಲ. ಅವರು ಮತ್ತೆ ಹಿಂತಿರುಗಿದ್ದಾರೆ".

"ಇದು ಅವರ ಅಂತಿಮ ಆವೃತ್ತಿ ಆಗಲಿದೆಯೇ? ಯಾರಿಗೂ ತಿಳಿದಿಲ್ಲ. ಅವರು ಕೇವಲ ಈ ಡೀಸೆಲ್ ಎಂಜಿನ್ ಎಂದು ತೋರುತ್ತದೆ, ಅದು ಎಂದಿಗೂ ಕೊನೆಗೊಳ್ಳುವುದಿಲ್ಲ. ಅವನು ಓಡುತ್ತಲೇ ಇರುತ್ತಾನೆ. ಎಂತಹ ಅದ್ಭುತ ಆಟಗಾರ, ಎಂತಹ ಅದ್ಭುತ ನಾಯಕ," ಎಂದು ಎಬಿ ಡಿವಿಲಿಯರ್ಸ್ ತಮ್ಮ ಯೂಟ್ಯೂಬ್ ಚಾನೆಲ್‌ ವಿಡಿಯೋದಲ್ಲಿ ತಿಳಿಸಿದ್ದಾರೆ.

ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) ತಂಡವಲ್ಲಿ ತಮ್ಮ ಹೆಚ್ಚಿನ ಕ್ರಿಕೆಟ್ ಆಡಿರುವ ಎಬಿ ಡಿವಿಲಿಯರ್ಸ್, ಸಿಎಸ್‌ಕೆ ಫ್ರಾಂಚೈಸಿ ಮತ್ತು ತಂಡವನ್ನು ಹೊಗಳುವುದನ್ನು ಮುಂದುವರೆಸಿದರು.

ಎಂಎಸ್ ಧೋನಿಯಂತಹ ನಾಯಕ ಮತ್ತು ಸ್ಟೀಫನ್ ಫ್ಲೆಮಿಂಗ್ ಅವರ ಕೋಚ್ ರೂಪದಲ್ಲಿ ಶಾಂತವಾದ ತಲೆಯನ್ನು ಒಳಗೊಂಡಂತೆ ಸ್ಪರ್ಧೆಯಲ್ಲಿ ಅತ್ಯುತ್ತಮ ತಂಡವಾಗಲು ಅವರ ಬಳಿ ಎಲ್ಲಾ ಅಂಶಗಳಿವೆ ಎಂದು ಎಬಿಡಿ ಹೇಳಿದರು.

"ಇದು ಅವರ ಉಪಸ್ಥಿತಿಯ ಮೂಲಕ ಎಂದು ನಾನು ನಂಬುತ್ತೇನೆ. ಇದು ಎಂಎಸ್‌ ಧೋನಿ ನಾಯಕತ್ವದ ಮೂಲಕ, ಸ್ಟೀಫನ್ ಫ್ಲೆಮಿಂಗ್ ಅವರ ಶಾಂತ ಕೋಚ್, ರವೀಂದ್ರ ಜಡೇಜಾ ಅವರಂತಹ ಹಿರಿಯ ಆಟಗಾರರು ನಿಜವಾಗಿಯೂ ಈ ಅದ್ಭುತ ಸಂಸ್ಕೃತಿಯನ್ನು ಜೀವಂತವಾಗಿಟ್ಟಿದ್ದಾರೆ. ಅದು ಬೆದರಿಸುವ ತಂಡವಾಗಿದೆ. ಅವರನ್ನು ಸೋಲಿಸುವುದು ಎಂದಿಗೂ ಸುಲಭವಲ್ಲ," ಎಂದು ಎಬಿ ಡಿವಿಲಿಯರ್ಸ್ ತಿಳಿಸಿದರು.

ಎಂಎಸ್ ಧೋನಿಗೆ 42 ವರ್ಷ ವಯಸ್ಸಾಗಿದೆ ಮತ್ತು ಇದು ಅವರ ಕೊನೆಯ ಐಪಿಎಲ್ ಆಗಿರಬಹುದು ಎಂದು ಹಲವರು ಊಹಿಸುತ್ತಿದ್ದಾರೆ. ಅವರು ಚೆನ್ನೈ ಸೂಪರ್ ಕಿಂಗ್ಸ್ ತಂಡವನ್ನು ಲೀಗ್‌ನಲ್ಲಿ ಅತ್ಯಂತ ಯಶಸ್ವಿ ಫ್ರಾಂಚೈಸಿ ಮಾಡಿದ ನಂತರ ನಿವೃತ್ತಿ ಹೇಳಲು ಬಯಸಬಹುದು.

ಸಿಎಸ್‌ಕೆ ಮತ್ತು ಮುಂಬೈ ಇಂಡಿಯನ್ಸ್ ಎರಡೂ 5 ಐಪಿಎಲ್ ಪ್ರಶಸ್ತಿಗಳನ್ನು ಗೆದ್ದಿವೆ. ಪ್ರಶಸ್ತಿ ಗೆಲುವಿನ ವಿಷಯದಲ್ಲಿ ಬೇರೆ ಯಾವುದೇ ತಂಡವು ಅವರ ಹತ್ತಿರವಿಲ್ಲ ಮತ್ತು ದಾಖಲೆಯ ಆರನೇ ಪ್ರಶಸ್ತಿಯನ್ನು ಗೆದ್ದ ನಂತರ, ಎಂಎಸ್ ಧೋನಿ ನಿವೃತ್ತಿ ಹೇಳಲು ಬಯಸುತ್ತಾರೆ.