IPL 2024: SRH vs GT ಪಂದ್ಯ ರದ್ದು; RCB vs CSK ಪ್ಲೇಆಫ್ ಮೇಲೆ ಪರಿಣಾಮವೇನು?

ಗುರುವಾರ, ಮೇ 16ರಂದು ಹೈದರಾಬಾದ್‌ನಲ್ಲಿ ನಡೆಯಬೇಕಿದ್ದ ಸನ್‌ರೈಸರ್ಸ್ ಹೈದರಾಬಾದ್ ಮತ್ತು ಗುಜರಾತ್ ಟೈಟನ್ಸ್ ತಂಡಗಳ ನಡುವಿನ 2024ರ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ನಿರ್ಣಾಯಕ ಪಂದ್ಯ ನಿರಂತರ ಮಳೆಯಿಂದಾಗಿ ಪಂದ್ಯ ರದ್ದುಗೊಂಡಿದೆ.

ಮಳೆಯಿಂದ ಈ ಪಂದ್ಯ ರದ್ದುಗೊಂಡರೆ ಐಪಿಎಲ್ 2024ರ ಪ್ಲೇಆಫ್ ರೇಸ್ ಮೇಲೆ ಹೆಚ್ಚು ಪರಿಣಾಮ ಬೀರುತ್ತದೆ. ಈವರೆಗೆ, ಕೋಲ್ಕತ್ತಾ ನೈಟ್ ರೈಡರ್ಸ್ 13 ಪಂದ್ಯಗಳಲ್ಲಿ 19 ಅಂಕಗಳು ಮತ್ತು ರಾಜಸ್ಥಾನ್ ರಾಯಲ್ಸ್ 13 ಪಂದ್ಯಗಳಲ್ಲಿ 16 ಅಂಕಗಳನ್ನು ಗಳಿಸಿ ಪ್ಲೇಆಫ್ ಸ್ಥಾನ ಖಚಿತಪಡಿಸಿಕೊಂಡ ಎರಡು ತಂಡಗಳಾಗಿವೆ.

ಡೆಲ್ಲಿ ಕ್ಯಾಪಿಟಲ್ಸ್ 14 ಪಂದ್ಯಗಳಲ್ಲಿ -0.377 ನೆಟ್ ರನ್-ರೇಟ್‌ನೊಂದಿಗೆ 14 ಅಂಕಗಳು ಮತ್ತು ಲಕ್ನೋ ಸೂಪರ್ ಜೈಂಟ್ಸ್ 13 ಪಂದ್ಯಗಳಲ್ಲಿ -0.787 ನೆಟ್ ರನ್-ರೇಟ್‌ನೊಂದಿಗೆ 12 ಅಂಕಗಳನ್ನು ಹೊಂದಿದ್ದು, ಪ್ಲೇಆಫ್‌ಗೆ ಅರ್ಹತೆ ಪಡೆಯುವ ಕಡಿಮೆ ಭರವಸೆಯನ್ನು ಹೊಂದಿದೆ.

ನಿಜವಾದ ಪ್ಲೇಆಫ್ ಪೈಪೋಟಿ ಇರುವುದು ಚೆನ್ನೈ ಸೂಪರ್ ಕಿಂಗ್ಸ್ 13 ಪಂದ್ಯಗಳಲ್ಲಿ +0.528 ನೆಟ್ ರನ್-ರೇಟ್‌ನೊಂದಿಗೆ 14 ಅಂಕಗಳು, ರಾಯಲ್ ಚಾಲೆಂಜರ್ಸ್ ಬೆಂಗಳೂರು 13 ಪಂದ್ಯಗಳಲ್ಲಿ +0.387 ನೆಟ್ ರನ್-ರೇಟ್‌ನೊಂದಿಗೆ 12 ಅಂಕಗಳು, ಮತ್ತು ಸನ್‌ ರೈಸರ್ಸ್ ಹೈದರಾಬಾದ್ 12 ಪಂದ್ಯಗಳಲ್ಲಿ +0.406 ನೆಟ್ ರನ್-ರೇಟ್‌ನೊಂದಿಗೆ 14 ಅಂಕಗಳನ್ನು ಹೊಂದಿವೆ.

ಸನ್‌ ರೈಸರ್ಸ್ ಹೈದರಾಬಾದ್ ತಂಡಕ್ಕೆ ಗುರುವಾರದಂದು ಗುಜರಾತ್ ಟೈಟನ್ಸ್ ವಿರುದ್ಧ, ಭಾನುವಾರದಂದು ಪಂಜಾಬ್ ಕಿಂಗ್ಸ್ ವಿರುದ್ಧ) ಎರಡು ಪಂದ್ಯಗಳು ಉಳಿದಿವೆ.

ಎಸ್‌ಆರ್‌ಹೆಚ್ ತಂಡ ಒಂದು ಪಂದ್ಯ ಗೆದ್ದರೂ ಪ್ಲೇಆಫ್‌ಗೆ ಲಗ್ಗೆ ಇಡುವುದು ಖಚಿತ. ಆರ್‌ಸಿಬಿ ಮತ್ತು ಸಿಎಸ್‌ಕೆ ಎರಡೂ ತಂಡಗಳು ಅರ್ಹತೆ ಪಡೆಯಬೇಕಾದರೆ, ಅವರು ಎಸ್‌ಆರ್‌ಹೆಚ್ ತಮ್ಮ ಎರಡೂ ಪಂದ್ಯಗಳನ್ನು ಸೋಲುತ್ತಾರೆ ಮತ್ತು ನಂತರ ನೆಟ್ ರನ್-ರೇಟ್ ಮುನ್ನೆಲೆಗೆ ಬರುತ್ತದೆ ಎಂದು ಭಾವಿಸಬೇಕಾಗುತ್ತದೆ.

ಆದಾಗ್ಯೂ, ಆರ್‌ಸಿಬಿ ಮತ್ತು ಸಿಎಸ್‌ಕೆ ತಂಡಗಳು ಇದೀಗ ಮತ್ತೊಂದು ದೊಡ್ಡ ಭೀತಿ ಎದುರಿಸುತ್ತಿವೆ. ಗುರುವಾರದಂದು ಹೈದರಾಬಾದ್‌ನಲ್ಲಿ ಧಾರಾಕಾರ ಮಳೆಯಾಗುತ್ತಿರುವ ದೃಶ್ಯಾವಳಿಗಳನ್ನು ಗಮನಿಸಿದರೆ. accuweather.com ಪ್ರಕಾರ, ಹೈದರಾಬಾದ್‌ನಲ್ಲಿ ಮಳೆಯ ಸಾಧ್ಯತೆಯು ರಾತ್ರಿಯುದ್ದಕ್ಕೂ ಶೇಕಡಾ 50ರಷ್ಟಿದೆ.

ಸನ್ ರೈಸರ್ಸ್ ಹೈದರಾಬಾದ್ vs ಗುಜರಾತ್ ಟೈಟನ್ಸ್ ಪಂದ್ಯವು ಮಳೆಯಿಂದ ರದ್ದುಗೊಂಡರೆ, ಎರಡು ತಂಡಗಳು ತಲಾ ಒಂದು ಅಂಕವನ್ನು ಹಂಚಿಕೊಳ್ಳುತ್ತವೆ. ಇದರರ್ಥ ಸನ್ ರೈಸರ್ಸ್ ಹೈದರಾಬಾದ್ 15 ಅಂಕಗಳಿಗೆ ತಲುಪುತ್ತದೆ ಮತ್ತು ಪ್ಲೇಆಫ್‌ಗೆ ಅರ್ಹತೆ ಪಡೆಯುತ್ತದೆ.

ಆರ್‌ಸಿಬಿ vs ಸಿಎಸ್‌ಕೆ ಪ್ಲೇಆಫ್ ಸನ್ನಿವೇಶ

ಶನಿವಾರದಂದು ಬೆಂಗಳೂರಿನಲ್ಲಿ ನಡೆಯಲಿರುವ ಆರ್‌ಸಿಬಿ ಮತ್ತು ಸಿಎಸ್‌ಕೆ ನಡುವಿನ ಪಂದ್ಯದ ನಂತರ, ಎರಡು ತಂಡಗಳಲ್ಲಿ ಒಂದು ತಂಡ ಮಾತ್ರ ಪ್ಲೇಆಫ್‌ಗೆ ಮುನ್ನಡೆಯುವುದರೊಂದಿಗೆ ನೇರ ನಾಕೌಟ್ ಆಗುತ್ತದೆ.

ಆರ್‌ಸಿಬಿ 14 ಅಂಕ ಗಳಿಸಲು ಸಿಎಸ್‌ಕೆ ತಂಡವನ್ನು ಸೋಲಿಸಬೇಕು. ಕೇವಲ ಸೋಲಿಸಿದರೆ ಸಾಲದು, ಆರ್‌ಸಿಬಿ ತನ್ನ ನೆಟ್ ರನ್ ರೇಟ್ ಅನ್ನು ಸಿಎಸ್‌ಕೆ ತಂಡಕ್ಕಿಂತ ಮೇಲಿರಿಸಬೇಕು.

ಸಿಎಸ್‌ಕೆ ಕೂಡ ಗೆಲುವಿನ ನಿರೀಕ್ಷೆಯಲ್ಲಿದೆ. ಆದರೆ ಸೋಲು ಅವರನ್ನು ಪ್ಲೇಆಫ್‌ನಿಂದ ಹೊರಹಾಕದಿರಬಹುದು. ಸೋತರೂ ಸೋಲಿನ ಅಂತರವನ್ನು ಆದಷ್ಟು ಕಡಿಮೆ ಮಾಡಿಕೊಳ್ಳುವ ಗುರಿಯನ್ನು ಹೊಂದಿರಬೇಕು.

ಆ ಸನ್ನಿವೇಶದಲ್ಲಿ, ಸಿಎಸ್‌ಕೆ ನೆಟ್ ರನ್ ರೇಟ್ ಆರ್‌ಸಿಬಿ ತಂಡಕ್ಕಿಂತ ಮೇಲಿರುವಂತೆ ನೋಡಿಕೊಳ್ಳಬೇಕು. ಆಗ ಸಿಎಸ್‌ಕೆ ನಾಲ್ಕನೇ ಪ್ಲೇಆಫ್ ಸ್ಥಾನವನ್ನು ಪಡೆದುಕೊಳ್ಳಲು ಸಹಾಯ ಮಾಡುತ್ತದೆ.