Dinesh Karthik: ಆರ್‌ಸಿಬಿ ತಂಡದ ಬ್ಯಾಟಿಂಗ್ ಕೋಚ್, ಮೆಂಟರ್ ಆಗಿ ದಿನೇಶ್ ಕಾರ್ತಿಕ್ ನೇಮಕ

ಭಾರತ ಹಾಗೂ ಆರ್‌ಸಿಬಿಯ ಮಾಜಿ ಕ್ರಿಕೆಟಿಗ ದಿನೇಶ್ ಕಾರ್ತಿಕ್ ಅವರು ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) ತಂಡದ ಬ್ಯಾಟಿಂಗ್ ಕೋಚ್ ಮತ್ತು ಮೆಂಟರ್ ಆಗಿ ನೇಮಕಗೊಂಡಿದ್ದಾರೆ.

ಈ ವರ್ಷದ ಆರಂಭದಲ್ಲಿ 2024ರ ಐಪಿಎಲ್ ನಂತರ ತನ್ನ ಐಪಿಎಲ್ ವೃತ್ತಿಜೀವನವನ್ನು ಕೊನೆಗೊಳಿಸಲು ದಿನೇಶ್ ಕಾರ್ತಿಕ್ ನಿರ್ಧರಿಸಿದ್ದರು. ಅದೇ ರೀತಿ ಪ್ರಭಾವಶಾಲಿ ಋತುವಿನ ನಂತರ ನಿವೃತ್ತಿ ಘೋಷಿಸಿದ್ದರು.

ದಿನೇಶ್ ಕಾರ್ತಿಕ್ ಐಪಿಎಲ್ 2024ರಲ್ಲಿ ಅತಿ ಹೆಚ್ಚಿನ ರನ್-ಸ್ಕೋರರ್‌ಗಳಲ್ಲಿ ಒಬ್ಬರಾಗಿ ಮುಗಿಸಿದರು. ಆಡಿದ 15 ಪಂದ್ಯಗಳಿಂದ 36.22ರ ಸರಾಸರಿ ಮತ್ತು 187.35ರ ಸ್ಟ್ರೈಕ್-ರೇಟ್‌ನಲ್ಲಿ 326 ರನ್‌ ಕಲೆಹಾಕಿದರು. ಇದರಲ್ಲಿ 83 ರನ್‌ಗಳ ಅತ್ಯುತ್ತಮ ಸ್ಕೋರ್‌ನೊಂದಿಗೆ 2 ಅರ್ಧಶತಕ ಬಾರಿಸಿದರು.

ಐಪಿಎಲ್ 2024ರ ನಂತರ ದಿನೇಶ್ ಕಾರ್ತಿಕ್ ತಮ್ಮ 39ನೇ ಹುಟ್ಟುಹಬ್ಬ ದಿನದಂದು ಭಾವನಾತ್ಮಕ ಹೇಳಿಕೆಯ ಮೂಲಕ ತಮ್ಮ ಅಲಂಕೃತ ಕ್ರಿಕೆಟ್ ವೃತ್ತಿಜೀವನಕ್ಕೆ ನಿವೃತ್ತಿ ಘೋಷಿಸಿದರು.

ಉತ್ತಮ ಮತ್ತು ಕಳಪೆ ಫಾರ್ಮ್‌ನಲ್ಲಿ ತಮ್ಮನ್ನು ಬೆಂಬಲಿಸಿದ್ದಕ್ಕಾಗಿ ದಿನೇಶ್ ಕಾರ್ತಿಕ್ ಅವರು ತಮ್ಮ ಹತ್ತಿರದ ಮತ್ತು ಆತ್ಮೀಯರಿಗೆ 'ಆಳವಾದ ಕೃತಜ್ಞತೆ' ವ್ಯಕ್ತಪಡಿಸಿದರು. ದಿನೇಶ್ ಕಾರ್ತಿಕ್ ಅವರು ಸ್ವಲ್ಪ ಸಮಯದಿಂದ ನಿವೃತ್ತಿಯ ಬಗ್ಗೆ ಯೋಚಿಸುತ್ತಿದ್ದೆ ಮತ್ತು 'ಹೊಸ ಸವಾಲುಗಳ' ಬಗ್ಗೆ ಯೋಚಿಸುತ್ತಿದ್ದೆ ಎಂದು ಹೇಳಿದ್ದರು.

ಇದೀಗ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) ಫ್ರಾಂಚೈಸಿಯು ಜುಲೈ 1ರ ಸೋಮವಾರದಂದು ತಮ್ಮ ಹೊಸ ಬ್ಯಾಟಿಂಗ್ ಕೋಚ್ ಮತ್ತು ಮೆಂಟರ್ ಆಗಿ ದಿನೇಶ್ ಕಾರ್ತಿಕ್ ಅವರನ್ನು ಅನಾವರಣಗೊಳಿಸಿತು.

ಆರ್‌ಸಿಬಿ ತಂಡದ ಬ್ಯಾಟಿಂಗ್ ಲೈನ್‌ಅಪ್‌ನಲ್ಲಿ ಅವರ ಅಸಾಧಾರಣ ಉಪಸ್ಥಿತಿಯೊಂದಿಗೆ, ದಿನೇಶ್ ಕಾರ್ತಿಕ್ ಅನುಭವದ ಸಂಪತ್ತನ್ನು ಮತ್ತು ತಂಡದ ನೀತಿಯ ಆಳವಾದ ತಿಳುವಳಿಕೆಯನ್ನು ತರುವುದರ ಜೊತೆಗೆ ಕೋಚಿಂಗ್ ಸಿಬ್ಬಂದಿಯನ್ನು ಹೆಚ್ಚಿಸಲು ಸಜ್ಜಾಗಿದೆ.

ತಮ್ಮ ಪ್ರತಿಭೆಯನ್ನು ಪೋಷಿಸುತ್ತ ದಿನೇಶ್ ಕಾರ್ತಿಕ್ ಅವರ ಗಮನವು ಆರ್‌ಸಿಬಿ ತಂಡದ ಮುಂದಿನ ಯಶಸ್ವಿ ಕ್ರಿಕೆಟ್ ಅಭಿಯಾನಕ್ಕೆ ದಾರಿ ಮಾಡಿಕೊಡಲಿದೆ.

ದಿನೇಶ್ ಕಾರ್ತಿಕ್ 2015 ಮತ್ತು 2016ರಲ್ಲಿ ಮೊದಲ ಬಾರಿಗೆ ಆರ್‌ಸಿಬಿ ಪರ ಆಡಿದ್ದರು. ನಂತರ 2022ರ ಮೆಗಾ ಹರಾಜಿನಲ್ಲಿ ಮತ್ತೆ ಆರ್‌ಸಿಬಿಗೆ ಖರೀದಿಯಾದರು. 2022ರ ಆವೃತ್ತಿಯ ಬ್ಯಾಟಿಂಗ್ ಪ್ರದರ್ಶನವು ಅವರನ್ನು 16 ವರ್ಷಗಳ ಬಳಿಕ ಭಾರತೀಯ ಟಿ20 ತಂಡಕ್ಕೆ ಆಯ್ಕೆಯಾಗುವಂತೆ ಮಾಡಿತು.

ದಿನೇಶ್ ಕಾರ್ತಿಕ್ ಅವರ ನೇಮಕದ ಬಗ್ಗೆ ಮಾತನಾಡಿದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಕ್ರಿಕೆಟ್ ನಿರ್ದೇಶಕ ಮೊ ಬೊಬಾಟ್, ""ನಮ್ಮ ಕೋಚಿಂಗ್ ಗುಂಪಿಗೆ ದಿನೇಶ್ ಕಾರ್ತಿಕ್ ಅತ್ಯುತ್ತಮ ಸೇರ್ಪಡೆಯಾಗಿದೆ. ಅವರನ್ನು ಮೈದಾನದಲ್ಲಿ ವೀಕ್ಷಿಸಲು ರೋಮಾಂಚನಗೊಂಡಿದ್ದೇವು ಮತ್ತು ತರಬೇತುದಾರನಾಗಿ ಪ್ರಭಾವಶಾಲಿಯಾಗುತ್ತಾರೆ ಎಂದು ನನಗೆ ಖಾತ್ರಿಯಿದೆ,'' ಎಂದರು.

"ಆಟಗಾರನಾಗಿ ದಿನೇಶ್ ಕಾರ್ತಿಕ್ ಅವರ ದೀರ್ಘಾಯುಷ್ಯ ಮತ್ತು ಟ್ರ್ಯಾಕ್ ರೆಕಾರ್ಡ್ ಅವನ ಕೌಶಲ್ಯ ಮತ್ತು ಸಮರ್ಪಣೆಯ ಬಗ್ಗೆ ಹೇಳುತ್ತದೆ. ಈ ಹೊಸ ವೃತ್ತಿಪರ ಅಧ್ಯಾಯಕ್ಕೆ ಅವರು ಅದೇ ಗುಣಮಟ್ಟ ಮತ್ತು ಬದ್ಧತೆಯನ್ನು ತರುತ್ತಾರೆ ಎಂದು ನನಗೆ ತಿಳಿದಿದೆ," ಎಂದು ಮೊ ಬೊಬಾಟ್ ತಿಳಿಸಿದರು.

2004ರಲ್ಲಿ 19 ವರ್ಷ ವಯಸ್ಸಿನವನಾಗಿ ಭಾರತ ತಂಡಕ್ಕಾಗಿ ತನ್ನ ಚೊಚ್ಚಲ ಏಕದಿನ ಪಂದ್ಯವನ್ನು ಆಡಿದ ದಿನೇಶ್ ಕಾರ್ತಿಕ್ ಅವರಿಗೆ ಇದೀಗ 39 ವರ್ಷ. ಅವರು ಭಾರತದ ಪರ 26 ಟೆಸ್ಟ್, 94 ಏಕದಿನ ಅಂತಾರಾಷ್ಟ್ರೀಯ ಪಂದ್ಯಗಳು ಮತ್ತು 60 ಟಿ20 ಅಂತರಾಷ್ಟ್ರೀಯ ಪಂದ್ಯಗಳನ್ನು ಆಡಿರುವ ಎರಡು ದಶಕಗಳಿಂದ ಅಪಾರ ಬ್ಯಾಟಿಂಗ್ ಅನುಭವವನ್ನು ಹೊಂದಿದ್ದಾರೆ.

ಐಪಿಎಲ್‌ನಲ್ಲಿ ಹಲವು ತಂಡಗಳನ್ನು ಪ್ರತಿನಿಧಿಸಿರುವ ದಿನೇಶ್ ಕಾರ್ತಿಕ್, ಆಡಿದ 257 ಐಪಿಎಲ್ ಪಂದ್ಯಗಳಲ್ಲಿ 22 ಅರ್ಧಶತಕಗಳನ್ನು ಒಳಗೊಂಡಂತೆ ಒಟ್ಟರೆ 4842 ರನ್ ಗಳಿಸಿದರು.

ಬ್ಯಾಟಿಂಗ್ ಕೋಚ್ ಮತ್ತು ಬ್ಯಾಟಿಂಗ್ ಮೆಂಟರ್ ಆಗಿ ನೇಮಕಗೊಂಡ ಕುರಿತು ದಿನೇಶ್ ಕಾರ್ತಿಕ್ ಮಾತನಾಡಿ, "ವೃತ್ತಿಪರ ಮಟ್ಟದಲ್ಲಿ ಕೋಚಿಂಗ್ ನೀಡುವುದು ನನಗೆ ನಂಬಲಾಗದಷ್ಟು ಉತ್ತೇಜನಕಾರಿಯಾಗಿದೆ ಮತ್ತು ನನ್ನ ಜೀವನದಲ್ಲಿ ಹೊಸ ಅಧ್ಯಾಯವಾಗಿ ನಾನು ನಿಜವಾಗಿಯೂ ಉತ್ಸುಕನಾಗಿದ್ದೇನೆ," ಎಂದಿದ್ದಾರೆ.