IPL 2024 Auction: ಮಿನಿ ಹರಾಜಿನಲ್ಲಿ 2 ಕೋಟಿ ರೂಪಾಯಿ ಮೂಲ ಬೆಲೆಗೆ 25 ಆಟಗಾರರು ನೋಂದಣಿ!

2024ರ ಐಪಿಎಲ್ ಆವೃತ್ತಿಗಾಗಿ ಎಲ್ಲ ತಯಾರಿಗಳು ಆರಂಭವಾಗಿವೆ. ಇದಕ್ಕೂ ಮುನ್ನ ಡಿಸೆಂಬರ್ 19ರಂದು ದುಬೈನಲ್ಲಿ ಮಿನಿ ಹರಾಜು ಪ್ರಕ್ರಿಯೆ ನಡೆಯಲಿದೆ. ಭಾರತದ ಹೊರಗೆ ಹರಾಜು ನಡೆಯುತ್ತಿರುವುದು ಇದೇ ಮೊದಲ ನಿದರ್ಶನವಾಗಿದೆ.

ಈ ಬಾರಿ ಒಟ್ಟು 1166 ಆಟಗಾರರು ಮಿನಿ ಹರಾಜಿಗೆ ನೋಂದಾಯಿಸಿಕೊಂಡಿದ್ದು, ಅದರಲ್ಲಿ 25 ಜನರು ತಮ್ಮನ್ನು ಅತಿ ಹೆಚ್ಚು ಮೂಲ ಬೆಲೆಯ 2 ಕೋಟಿ ರೂಪಾಯಿಗೆ ನೋಂದಾಯಿಸಿಕೊಂಡಿದ್ದಾರೆ. ಎಲ್ಲಾ ಹತ್ತು ಫ್ರಾಂಚೈಸಿಗಳು ಕೇವಲ 77 ಸ್ಲಾಟ್‌ಗಳನ್ನು ಭರ್ತಿ ಮಾಡಬೇಕಿದ್ದು, ಅದರಲ್ಲಿ 30 ವಿದೇಶಿ ಆಟಗಾರರಿಗೆ ಮೀಸಲಿವೆ.

ಹರಾಜಿನಲ್ಲಿ ಸಾಗರೋತ್ತರ (ವಿದೇಶಿ) ಕಾಣಿಸಿಕೊಳ್ಳುವ ಕೆಲವು ದೊಡ್ಡ ಹೆಸರುಗಳೆಂದರೆ: ಪ್ಯಾಟ್ ಕಮ್ಮಿನ್ಸ್, ಮಿಚೆಲ್ ಸ್ಟಾರ್ಕ್, ರಚಿನ್ ರವೀಂದ್ರ, ಟ್ರಾವಿಸ್ ಹೆಡ್, ಹ್ಯಾರಿ ಬ್ರೂಕ್, ಸ್ಟೀವ್ ಸ್ಮಿತ್ ಇತರರಾಗಿದ್ದಾರೆ.

ಭಾರತದಿಂದ ಶಾರ್ದೂಲ್ ಠಾಕೂರ್, ಉಮೇಶ್ ಯಾದವ್, ಕೇದಾರ್ ಜಾಧವ್ ಮತ್ತು ಹರ್ಷಲ್ ಪಟೇಲ್ ಹರಾಜಿಗೆ ಬರಲಿದ್ದಾರೆ.

ಐಪಿಎಲ್ ಹರಾಜು 2 ಕೋಟಿ ರೂ. ಮೂಲ ಬೆಲೆ ಹೊಂದಿರುವ ಆಟಗಾರರ ಪಟ್ಟಿ

ಭಾರತ: ಹರ್ಷಲ್ ಪಟೇಲ್, ಶಾರ್ದೂಲ್ ಠಾಕೂರ್, ಉಮೇಶ್ ಯಾದವ್, ಕೇದಾರ್ ಜಾಧವ್.

ಆಸ್ಟ್ರೇಲಿಯಾ: ಸೀನ್ ಅಬಾಟ್, ಪ್ಯಾಟ್ ಕಮ್ಮಿನ್ಸ್, ಜೋಶ್ ಹ್ಯಾಜಲ್‌ವುಡ್, ಟ್ರಾವಿಸ್ ಹೆಡ್, ಜೋಶ್ ಇಂಗ್ಲಿಸ್, ಮಿಚೆಲ್ ಸ್ಟಾರ್ಕ್, ಸ್ಟೀವ್ ಸ್ಮಿತ್.

ಇಂಗ್ಲೆಂಡ್: ಟಾಮ್ ಬ್ಯಾಂಟನ್, ಹ್ಯಾರಿ ಬ್ರೂಕ್, ಬೆನ್ ಡಕೆಟ್, ಜೇಮೀ ಓವರ್‌ಟನ್, ಆದಿಲ್ ರಶೀದ್, ಡೇವಿಡ್ ವಿಲ್ಲಿ, ಕ್ರಿಸ್ ವೋಕ್ಸ್.

ದಕ್ಷಿಣ ಆಫ್ರಿಕಾ: ಜೆರಾಲ್ಡ್ ಕೋಟ್ಜಿ, ರಿಲೀ ರೊಸ್ಸೌ, ರಾಸ್ಸಿ ವ್ಯಾನ್ ಡೆರ್ ಡಸ್ಸೆನ್.

ಅಫ್ಘಾನಿಸ್ತಾನ: ಮುಜೀಬ್ ಉರ್ ರೆಹಮಾನ್

ಬಾಂಗ್ಲಾದೇಶ: ಮುಸ್ತಾಫಿಜುರ್ ರೆಹಮಾನ್

ನ್ಯೂಜಿಲೆಂಡ್: ಲಾಕಿ ಫರ್ಗುಸನ್

ಶ್ರೀಲಂಕಾ: ಏಂಜೆಲೊ ಮ್ಯಾಥ್ಯೂಸ್

ಈ ಮೇಲಿನ ಆಟಗಾರರ ಪಟ್ಟಿಯಲ್ಲಿ ಅತ್ಯಂತ ಆಘಾತಕಾರಿ ಎರಡು ಹೆಸರುಗಳೆಂದರೆ ಕೇದಾರ್ ಜಾಧವ್ ಮತ್ತು ಏಂಜೆಲೊ ಮ್ಯಾಥ್ಯೂಸ್ ಅವರದ್ದಾಗಿದೆ. ಏಕೆಂದರೆ ಅವರು 2 ಕೋಟಿ ರೂಪಾಯಿಗೆ ಮೂಲ ಬೆಲೆಗೆ ನೋಂದಾಯಿಸಿಕೊಂಡಿದ್ದಾರೆ.

ಕೇದಾರ್ ಜಾಧವ್‌ಗೆ ಈಗ 38 ವರ್ಷ ಮತ್ತು ಕಳೆದ ಬಾರಿ ಯಾವುದೇ ಐಪಿಎಲ್ ತಂಡವನ್ನು ಪಡೆಯಲಿಲ್ಲ. ಆದರೂ ಕೇದಾರ್ ಜಾಧವ್ ತನ್ನನ್ನು 2 ಕೋಟಿ ರೂಪಾಯಿಗೆ ನೋಂದಣಿ ಮಾಡಿಕೊಂಡಿದ್ದಾರೆ. ಇವರನ್ನು ಇಷ್ಟು ದೊಡ್ಡ ಮೊತ್ತಕ್ಕೆ ಖರೀದಿಸಲು ಯಾವುದೇ ಕಡೆ ಆಸಕ್ತಿ ತೋರಿದರೆ ಆಶ್ಚರ್ಯವಾಗುತ್ತದೆ.

ಇನ್ನು 36 ವರ್ಷದ ಆಲ್‌ರೌಂಡರ್ ಏಂಜೆಲೊ ಮ್ಯಾಥ್ಯೂಸ್ ಕೂಡ ಆಶ್ಚರ್ಯಕರವಾಗಿದೆ ಮತ್ತು ಗಮನ ಸೆಳೆಯುವ ಪ್ರದರ್ಶನ ನೀಡಲಿದ್ದರೂ, 2 ಕೋಟಿ ರೂಪಾಯಿ ಮೂಲ ಬೆಲೆ ಪಡೆದಿದ್ದಾರೆ.

ಸಾಕಷ್ಟು ಕುತೂಹಲಕಾರಿ ಅಂಶವೆಂದರೆ, ಬೆಂಗಳೂರು ಮೂಲದ ನ್ಯೂಜಿಲೆಂಡ್‌ನ ಉದಯೋನ್ಮುಖ ಆಲ್‌ರೌಂಡರ್ ರಚಿನ್ ರವೀಂದ್ರ ಅವರು ತಮ್ಮ ಮೂಲ ಬೆಲೆಯನ್ನು 50 ಲಕ್ಷ ರೂಪಾಯಿಗಳಲ್ಲಿ ಇಟ್ಟುಕೊಂಡಿದ್ದಾರೆ. ಆದರೆ ಅವರಿಗಾಗಿ ತೀವ್ರವಾದ ಬಿಡ್ಡಿಂಗ್ ನಡೆಯುವುದರಿಂದ ಈ ಮೊತ್ತವು ಏರಿಕೆಯಾಗುವ ನಿರೀಕ್ಷೆಯಿದೆ.

ರಚಿನ್ ರವೀಂದ್ರ ಹೊರತುಪಡಿಸಿ, ಆಟಗಾರರು ಟ್ರಾವಿಸ್ ಹೆಡ್ ಮತ್ತು ಮಿಚೆಲ್ ಸ್ಟಾರ್ಕ್ ಎಲ್ಲಾ ಹತ್ತು ಫ್ರಾಂಚೈಸಿಗಳ ಗಮನ ಸೆಳೆದಿದ್ದಾರೆ. ವಿಶ್ವಕಪ್ ವಿಜೇತ ಆಟಗಾರರು ಈ ವರ್ಷ ಐಪಿಎಲ್‌ಗೆ ತಮ್ಮನ್ನು ತಾವು ಲಭ್ಯವಾಗುವಂತೆ ಮಾಡಿದ್ದಾರೆ.

ಸುದೀರ್ಘ ವಿರಾಮದ ನಂತರ ಮಿಚೆಲ್ ಸ್ಟಾರ್ಕ್ ಐಪಿಎಲ್‌ಗೆ ಮರಳುತ್ತಿದ್ದಾರೆ. ಇದೇ ಸಮಯದಲ್ಲಿ ಟ್ರಾವಿಸ್ ಹೆಡ್ ಭಾರತ ವಿರುದ್ಧದ ವಿಶ್ವಕಪ್ ಫೈನಲ್‌ನಲ್ಲಿ ಪ್ಲೇಯರ್ ಆಫ್ ದಿ ಮ್ಯಾಚ್ ಪ್ರಶಸ್ತಿ ಪಡೆದರು.

ಟ್ರಾವಿಸ್ ಹೆಡ್ ಅಗ್ರ ಕ್ರಮಾಂಕದ ಸ್ಫೋಟಕ ಬ್ಯಾಟರ್ ಆಗಿದ್ದಾರೆ ಮತ್ತು ಕೋಲ್ಕತ್ತಾ ನೈಟ್ ರೈಡರ್ಸ್, ಪಂಜಾಬ್ ಕಿಂಗ್ಸ್‌ನಂತಹವರು ಫ್ರಾಂಚೈಸಿಗಳು ಅವರ ಹಿಂದೆ ಹೋಗಲಿದ್ದಾರೆ. ಮಿನಿ ಹರಾಜಿನಲ್ಲಿ ಬಿಡ್ಡಿಂಗ್ ವಾರ್ ಮೂಲಕ ಯಾವ ತಂಡವನ್ನು ಸೇರಿಕೊಳ್ಳಲಿದ್ದಾರೆ ಎಂಬುದು ಕುತೂಹಲ ಮೂಡಿಸಿದೆ.