ಐಪಿಎಲ್ 10ರ ಮೇಲೆ ಬೆಟ್ಟಿಂಗ್ ಕರಿನೆರಳು, ಮಾಸ್ಟರ್ ಮೈಂಡ್ ಬಂಧನ

ಕಾನ್ಪುರ್, ಮೇ 12 : ಇಂಡಿಯನ್ ಪ್ರೀಮಿಯಗ್ರಳು (ಐಪಿಎಲ್) 10ರ ಮೇಲೆ ಬೆಟ್ಟಿಂಗ್ ಕರಿನೆರಳು ಆವರಿಸುವ ಲಕ್ಷಣಗಳು ಕಂಡು ಬಂದಿದೆ. ಕಾನ್ಪುರದ ಪಂಚತಾರಾ ಹೋಟೆಲ್ ಸೇರಿದಂತೆ ಹಲವೆಡೆ ನಡೆಸಿದ ದಾಳಿಯಲ್ಲಿ ಬುಕ್ಕಿಗಳನ್ನು ಬಂಧಿಸಲಾಗಿದೆ. ಈ ಪೈಕಿ ಮೂವರು ಆಟಗಾರರಿದ್ದ ಹೋಟೆಲ್ ನಲ್ಲಿದ್ದರು ಎಂದು ತಿಳಿದು ಬಂದಿದೆ.

ಗುಜರಾತ್ ಲಯನ್ಸ್ ಹಾಗೂ ಡೆಲ್ಲಿ ಡೇರ್​ಡೆವಿಲ್ಸ್ ತಂಡದ ಆಟಗಾರರು ವಾಸ್ತವ್ಯವಿದ್ದ ಟೀಮ್ ಹೋಟೆಲ್​ನಲ್ಲಿಯೇ ಮೂವರು ಬಂಧಿತರಾಗಿದ್ದಾರೆ.

ಕಾನ್ಪುರದ ಗ್ರೀನ್ ಪಾರ್ಕ್ ಸ್ಟೇಡಿಯಂನಲ್ಲಿ ನಡೆದಿದ್ದ ಪಂದ್ಯದಲ್ಲಿ ಡೆಲ್ಲಿ ಡೇರ್​ಡೆವಿಲ್ಸ್ 2 ವಿಕೆಟ್​ಗಳಿಂದ ರೋಚಕವಾಗಿ ಗುಜರಾತ್ ಲಯನ್ಸ್ ತಂಡವನ್ನು ಸೋಲಿಸಿತ್ತು. ಬುಕ್ಕಿಗಳಿಂದ ಬರೋಬ್ಬರಿ 40 ಲಕ್ಷ ರೂ. ನಗದು ಹಾಗೂ ಐದು ಮೊಬೈಲ್ ಫೋನ್​ಗಳನ್ನು ವಶಪಡಿಸಿಕೊಳ್ಳಲಾಗಿದೆ.

ಮುಂಬೈ ಮೂಲದ ಮಾಸ್ಟರ್​ವೆುೖಂಡ್ ರಮೇಶ್ ಷಾ, ವಿಕಾಸ್ ಚೌಹಾಣ್ ಹಾಗೂ ರಮೇಶ್ ಬಂಧಿತರು. ಪೊಲೀಸ್ ಮೂಲಗಳ ಪ್ರಕಾರ, ಭಾರತದ ಪ್ರಮುಖ ಸ್ಟೇಡಿಯಂಗಳನ್ನು ರಮೇಶ್ ಷಾ ತನ್ನ ನೆಟ್​ವರ್ಕ್ ಹೊಂದಿದ್ದು, ಪಿಚ್ ಕುರಿತಾಗಿ ಪ್ರಮುಖ ಮಾಹಿತಿಗಳನ್ನು ತಿಳಿದುಕೊಳ್ಳುತ್ತಿದ್ದ. ಹೋಟೆಲ್​ನ 17ನೇ ಮಹಡಿಯ 1733 ನಂಬರ್ ಕೋಣೆಯಲ್ಲಿ ಈ ಮೂವರು ವಾಸವಿದ್ದರು. ಬಂಧಿತರಿಂದ ಡೈರಿಯೊಂದನ್ನೂ ವಶ ಪಡಿಸಿಕೊಳ್ಳಲಾಗಿದೆ.