ಸೆಹ್ವಾಗ್, ಬಟ್ಲರ್ ಅಪರೂಪದ ದಾಖಲೆ ಸರಿಗಟ್ಟಲಿದ್ದಾರೆ ಡೇವಿಡ್ ವಾರ್ನರ್!

ಸೆಹ್ವಾಗ್-ಬಟ್ಲರ್ ದಾಖಲೆ ಬದಿಗೆ

ಜೈಪುರ್‌ನ ಸವಾಯ್ ಮಾನ್‌ಸಿಂಗ್ ಸ್ಟೇಡಿಯಂನಲ್ಲಿ ಶನಿವಾರ ನಡೆಯುವ ರಾಜಸ್ಥಾನ್ ರಾಯಲ್ಸ್ ವಿರುದ್ಧದ ಪಂದ್ಯದಲ್ಲಿ ಡೇವಿಡ್ ವಾರ್ನರ್ ಏನಾದರೂ ಅರ್ಧಶತಕ ಬಾರಿಸಿದರೆ, ಐಪಿಎಲ್‌ನಲ್ಲಿ ಸತತ ಐದು ಬಾರಿ ಅರ್ಧಶತಕ ಬಾರಿಸಿರುವ ವಿರೇಂದ್ರ ಸೆಹ್ವಾಗ್ ಮತ್ತು ಜೋಸ್ ಬಟ್ಲರ್ ದಾಖಲೆ ಮುರಿದು ಬೀಳಲಿದೆ.

ಸತತ ಐದು ಇನ್ನಿಂಗ್ಸ್‌ಗಳಲ್ಲಿ ಅರ್ಧ ಶತಕ

ವಾರ್ನರ್ ಈಗ ಐಪಿಎಲ್‌ನಲ್ಲಿ ಸತತ ಐದು ಬಾರಿ ಅರ್ಧಶತಕದ ದಾಖಲೆಯೊಂದಿಗೆ ಸೆಹ್ವಾಗ್ ಮತ್ತು ಬಟ್ಲರ್ ಜೊತೆ ಸ್ಥಾನ ಹಂಚಿಕೊಂಡಿದ್ದಾರೆ. 2019ರ ಐಪಿಎಲ್‌ನಲ್ಲಿ ಸಿಎಸ್‌ಕೆ ವಿರುದ್ಧ 57, ಕೆಕೆಆರ್‌ ವಿರುದ್ಧ 67, ಸಿಎಸ್‌ಕೆ ವಿರುದ್ಧ 50, ಡಿಸಿ ವಿರುದ್ಧ 51 ಮತ್ತು ಕೆ‍XIಪಿ ವಿರುದ್ಧ ಅಜೇಯ 71 ರನ್‌ಗಳೊಂದಿಗೆ ಹಿಂದಿನ ಐದು ಇನ್ನಿಂಗ್ಸ್‌ಗಳಲ್ಲಿ ವಾರ್ನರ್ ಅರ್ಧಶತಕ ಬಾರಿಸಿದ್ದಾರೆ.

2018ರಲ್ಲಿ ಮಿಂಚಿದ್ದ ಬಟ್ಲರ್

ಸ್ಫೋಟಕ ಬ್ಯಾಟಿಂಗ್‌ಗಾಗಿ ಭಾರತ ತಂಡದಲ್ಲಿ ಗುರುತಿಸಿಕೊಂಡಿದ್ದ ಮಾಜಿ ಕ್ರಿಕೆಟಿಗ ಸೆಹ್ವಾಗ್ 2012ರ ಐಪಿಎಲ್‌ನಲ್ಲಿ ಸತತ ಐದು ಇನ್ನಿಂಗ್ಸ್‌ಗಳಲ್ಲಿ 50+ ರನ್‌ ಬಾರಿಸಿ ದಾಖಲೆ ನಿರ್ಮಿಸಿದ್ದರು. ಅದಾಗಿ 2018ರಲ್ಲಿ ಬಟ್ಲರ್ ಇದೇ ಸಾಧನೆ ಮಾಡಿದ್ದರು. ಈಗ ಡೇವಿಡ್ ವಾರ್ನರ್ ಒಂದು ಅರ್ಧ ಶತಕ ಬಾರಿಸಿದರೂ ಸತತ 6 ಐಪಿಎಲ್ ಇನ್ನಿಂಗ್ಸ್‌ಗಳಲ್ಲಿ 50+ ರನ್ ಇತಿಹಾಸ ನಿರ್ಮಾಣವಾಗಲಿದೆ.

ಮೂರನೇ ಸಾರಿ ಆರೆಂಜ್ ಕ್ಯಾಪ್

ಐಪಿಎಲ್‌ ಸೀಸನ್‌ನಲ್ಲಿ ಅತ್ಯಧಿಕ ರನ್‌ ಬಾರಿಸಿದವರಿಗೆ ಗೌರವದ ಕುರುಹಾಗಿ ಆರೆಂಜ್ ಕ್ಯಾಪ್ ನೀಡಲಾಗುತ್ತದೆ. ಫೈನಲ್ ಪಂದ್ಯ ಆರೆಂಜೆ ಕ್ಯಾಪ್ ಉಳಿಸಿಕೊಂಡ ಕಡೆಯ ಆಟಗಾರನನ್ನು ನಿರ್ಧರಿಸಲಿದೆ. ಈ ಬಾರಿಯ ಐಪಿಎಲ್‌ನಲ್ಲಿ ಸದ್ಯ ಆರೆಂಜ್ ಕ್ಯಾಚ್ ವಾರ್ನರ್ ತಲೆ ಮೇಲಿದೆ. ವಾರ್ನರ್ ಆರೆಂಜ್ ಕ್ಯಾಪ್ ಧರಿಸುತ್ತಿರುವುದು ಇದು ಮೂರನೇ ಸಾರಿ. ಒಟ್ಟು 10 ಇನ್ನಿಂಗ್ಸ್‌ಗಳಲ್ಲಿ ವಾರ್ನರ್ 574 ರನ್‌ ಗಳಿಸಿದ್ದಾರೆ. ದ್ವಿತೀಯ ಸ್ಥಾನದಲ್ಲಿರುವ ಹೈದರಾಬಾದ್‌ ಇನ್ನೊಬ್ಬ ಆಟಗಾರ ಜಾನಿ ಬೇರ್ಸ್ಟೋವ್ 445 ರನ್ ಗಳಿಸಿದ್ದಾರೆ.