IPL Mega Auction 2025: ಒಂದು ಕಿಂಗ್‌ ಬಲೆಯಿಂದ ಮತ್ತೊಂದು ಕಿಂಗ್ ಬಲೆಗೆ ಬಿದ್ದ ಸ್ಯಾಮ್

ಐಪಿಎಲ್ 2025ರ ಮೆಗಾ ಹರಾಜಿನಲ್ಲಿ ಅನೇಕ ಆಟಗಾರರನ್ನು ಅದೃಷ್ಟ ಕೈ ಹಿಡಿದಿದೆ. ಅನೇಕ ಆಟಗಾರರು ಭಾರಿ ನಷ್ಟವನ್ನು ಅನುಭವಿಸಿದ್ದಾರೆ. ಈ ಬಾರಿಯ ಮೆಗಾ ಹರಾಜಿನಲ್ಲಿ ಅರ್ಧದಷ್ಟು ಬೆಲೆಯನ್ನು ಸಹ ಪಡೆಯದ ಮಿಚೆಲ್ ಸ್ಟಾರ್ಕ್ ಬಗ್ಗೆ ಚರ್ಚೆ ಇತ್ತು. ಈಗ ಅದೇ ಪರಿಸ್ಥಿತಿಯನ್ನು ಇಂಗ್ಲೆಂಡ್ ಆಲ್‌ರೌಂಡರ್ ಸ್ಯಾಮ್ ಕರ್ರಾನ್‌ ಎದುರಿಸುತ್ತಿದ್ದಾರೆ. ಕಳೆದ ಬಾರಿಗೆ ಪಂಜಾಬ್ ಕಿಂಗ್ಸ್‌ ತಂಡ ಸ್ಯಾಮ್ ಕರ್ರಾನ್‌ ಅವರಿಗೆ ಹಣದ ಸುರಿಮಳೆ ಸುರಿಸಿತ್ತು. ಈಗ ಸ್ಯಾಮ್ ಕರ್ರಾನ್ ಹೇಳಿ ಕೊಳ್ಳುವಂತಹ ಮೊತ್ತಕ್ಕೆ ಬಿಡ್ ಆಗಿಲ್ಲ.

ಈ ಬಾರಿ ಮೆಗಾ ಹರಾಜಿನಲ್ಲಿ ಫ್ರಾಂಚೈಸಿಗಳು ಸ್ಯಾಮ್ ಕರ್ರನ್‌ ಅವರಿಗೆ ಯಾವುದೇ ಬೆಲೆ ನೀಡಲಿಲ್ಲ. ಐಪಿಎಲ್ 2024ರ ಮಿನಿ ಹರಾಜಿನಲ್ಲಿ ಪಂಜಾಬ್ ಕಿಂಗ್ಸ್ 18.50 ಕೋಟಿ ರೂ.ಗೆ ಅವರನ್ನು ಖರೀದಿಸಿತ್ತು. ಈ ಬಾರಿ ಸ್ಯಾಮ್ ಕರ್ರಾನ್ 2 ಕೋಟಿ ರೂ.ಗಳ ಮೂಲ ಬೆಲೆಯೊಂದಿಗೆ ಮೆಗಾ ಹರಾಜಿಗೆ ಪ್ರವೇಶಿಸಿದ್ದರು. ಆದರೆ ಚೆನ್ನೈ ಸೂಪರ್ ಕಿಂಗ್ಸ್ (ಸಿಎಸ್‌ಕೆ) 50 ಲಕ್ಷ ರೂಪಾಯಿ ಹೆಚ್ಚಿಸಿದ ಬೆಲೆಗೆ ಸಮನಾಗಿ ಬಿಡ್ ಮಾಡುವುದು ಸೂಕ್ತವಲ್ಲ ಎಂದು ಯಾವ ತಂಡವೂ ಮುಂದಾಗಲಿಲ್ಲ.

ಲಕ್ನೋ ತಂಡವು ಆರಂಭದಲ್ಲಿ ಸ್ಯಾಮ್ ಕರ್ರನ್‌ ಮೇಲೆ ಆಸಕ್ತಿಯನ್ನು ತೋರಿಸಿತ್ತು. ಲಕ್ನೋ ತಂಡ ಹೊರೆತುಪಡಿಸಿ ಯಾವುದೇ ತಂಡ ಹೆಚ್ಚು ಆಸಕ್ತಿ ತೋರದ ಕಾರಣ ಸ್ಯಾಮ್ ಕರ್ರನ್‌ ಬಿಡ್ ಕೇವಲ 2.50 ಕೋಟಿ ರೂ.ಗೆ ನಿಂತಿತು. ಸಿಎಸ್‌ಕೆ ಅವರನ್ನು 2.50 ಕೋಟಿ ರೂ.ಗೆ ತನ್ನ ಪಾಳಯಕ್ಕೆ ಸೇರಿಸಿಕೊಂಡಿತು.

ಪಂಜಾಬ್ ಪರ ಪ್ರದರ್ಶನ

ಐಪಿಎಲ್ 2024ರಲ್ಲಿ ಸ್ಯಾಮ್ ಕರ್ರಾನ್ ಉತ್ತಮ ಪ್ರದರ್ಶನ ನೀಡಿದ್ದರು. ಶಿಖರ್ ಧವನ್ ಅನುಪಸ್ಥಿತಿಯಲ್ಲಿ ತಂಡದ ನಾಯಕತ್ವವನ್ನೂ ವಹಿಸಿದ್ದರು. ಸ್ಯಾಮ್ ಕರ್ರನ್ 13 ಪಂದ್ಯಗಳಲ್ಲಿ 270 ರನ್ ಗಳಿಸಿ 16 ವಿಕೆಟ್ ಪಡೆದಿದ್ದರು. ಸ್ಯಾಮ್ ಕುರ್ರಾನ್ ತನ್ನ ತಂಡದ ಮೂರನೇ ಅಗ್ರ ವಿಕೆಟ್ ಟೇಕರ್ ಆಗಿದ್ದರು. ಹೀಗಿದ್ದರೂ ಪಂಜಾಬ್ ಅವರನ್ನು ಬಿಡುಗಡೆ ಮಾಡಿತ್ತು. ಈಗ ಕರಣ್ ಸಿಎಸ್‌ಕೆ ಪರ ಹೇಗೆ ಪ್ರದರ್ಶನ ನೀಡುತ್ತಿದ್ದಾರೆ ಎಂಬುದನ್ನು ನೋಡಬೇಕು.