ಸಚಿನ್ ಹೆಸರಲ್ಲಿರುವ 100 ಶತಕಗಳ ದಾಖಲೆ ಮುರಿಯುವ ಸಾಮರ್ಥ್ಯವಿರುವುದು ಆತನೊಬ್ಬನಿಗೆ: ಪಠಾಣ್

ಅನುಮಾನವೇ ಇಲ್ಲ ಅದು ವಿರಾಟ್

ಹೌದು, ಸಚಿನ್ ಹೆಸರಿನಲ್ಲಿರುವ ಅಸಾಧಾರಣ ದಾಖಲೆಯನ್ನು ಮುರಿಯಲು ಸಾಧ್ಯವಿರುವ ಕ್ರಿಕೆಟಿಗ ಎಂದು ಇರ್ಫಾನ್ ಪಠಾಣ್ ಹೆಸರಿಸಿದ್ದು ವಿರಾಟ್ ಕೊಹ್ಲಿಯನ್ನೇ.. ವಿರಾಟ್ ಕೊಹ್ಲಿ ಈ ದಾಖಲೆಯ ಬಗ್ಗೆ ಮಾತನಾಡದೇ ಇರಬಹುದು. ಆದರೆ 100 ಶತಕಗಳ ಸಾಧನೆಯನ್ನು ಮಾಡಲು ಸಾಧ್ಯವಿರುವ ಇನ್ನೊಬ್ಬ ಆಟಗಾರ ಅದು ವಿರಾಟ್ ಕೊಹ್ಲಿ ಮಾತ್ರ. ಕಡಿಮೆ ಅವಧಿಯಲ್ಲಿ ಆತ ಸಾಕಷ್ಟು ಸಾಧನೆಯನ್ನು ಮಾಡಿದ್ದಾರೆ. ಹಾಗಾಗಿ ಆತನಿಖದ ಮಾತ್ರವೇ ಈ ದಾಖಲೆಯನ್ನು ಮುರಿಯಲು ಸಾಧ್ಯ ಎಂದು ಇರ್ಫಾನ್ ಪಠಾಣ್ ಹೇಳಿದ್ದಾರೆ.

ವಿರಾಟ್ ಸಾಮರ್ಥ್ಯ ಹಾಗೂ ಫಿಟ್‌ಸೆನ್‌ಗೆ ಇದು ಸಾಧ್ಯ

ತೆಂಡೂಲ್ಕರ್ ಹೆಸರಿನಲ್ಲಿರುವ ಈ ದಾಖಲೆಯನ್ನು ಮುರಿಯಲು ವಿರಾಟ್ ಕೊಹ್ಲಿಯಲ್ಲಿನ ಸಾಮರ್ಥ್ಯ ಹಾಗೂ ಫಿಟ್‌ಸೆನ್ ಪ್ರಮುಖ ಕಾರಣವಾಗಿದೆ ಎಂದು ಇರ್ಫಾನ್ ಪಠಾಣ್ ಹೇಳಿದ್ದಾರೆ. ದುದೀರ್ಘ ಕಾಲ ಆಟದಲ್ಲಿ ಉಳಿಯುವ ಸಾಮರ್ಥ್ಯ ಅವರಿಗಿದ್ದು ಸಚಿನ್ ದಾಖಲೆಯನ್ನು ಅವರು ಮುರಿಯಲಿದ್ದಾರೆ ಎಂದು ಇರ್ಫಾನ್ ಪಠಾಣ್ ಹೇಳಿಕೆಯನ್ನು ನೀಡಿದ್ದಾರೆ.

ಭಾರತೀಯನೇ ಮುರಿಯಬೇಕು

"ಸಚಿನ್ ತೆಂಡೂಲ್ಕರ್ ಅವರ ವೃತ್ತಿ ಜೀವನದ ಪಯಣದಲ್ಲಿ ನಾನು ಕೂಡ ಭಾಗವಾಗಿದ್ದೆ. ಅವರು ನೂರನೇ ಶತಕವನ್ನು ಭಾರಿಸಿದಾಗ ನಾನೂ ಅವರ ಪಯಣದಲ್ಲಿದ್ದೆ. ಹಾಗಾಗಿ ಯಾರಾದರೂ ಸಚಿನ್ ತೆಂಡೂಲ್ಕರ್ ಸಾಧಿಸಿದ ಈ ಸಾಧನೆಯನ್ನು ಮುರಿಯುವವರಿದ್ದರೆ ಅದು ಭಾರತೀಯರೇ ಆಗಿರಬೇಕು ಎಂಬುದು ನನ್ನ ಆಶಯ" ಎಂದು ಇರ್ಫಾನ್ ಪಠಾಣ್ ಹೇಳಿದ್ದಾರೆ.

ಶತಕಗಳ ಪಟ್ಟಿಯಲ್ಲಿ ಮೂರನೇ ಸ್ಥಾನ

ವಿಶ್ವ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ಶತಕಗಳಿಸಿದ ಆಟಗಾರರ ಪಟ್ಟಿಯಲ್ಲಿ ವಿರಾಟ್ ಕೊಹ್ಲಿ ಮೂರನೇ ಸ್ಥಾನದಲ್ಲಿದ್ದಾರೆ. 70 ಶತಕಗಳು ವಿರಾಟ್ ಹೆಸರಿನಲ್ಲಿದೆ. ಎರಡನೇ ಸ್ಥಾನದಲ್ಲಿರುವ ಆಸ್ಟ್ರೇಲಿಯಾದ ಮಾಜಿ ನಾಯಕ ರಿಕಿ ಪಾಂಟಿಂಗ್ 71 ಶತಕ ಗಳಿಸಿದ್ದಾರೆ. ಸಚಿನ್ ದಾಖಲೆಯನ್ನು ಮುರಿಯಲಿ ವಿರಾಟ್ ಕೊಹ್ಲಿಗೆ ಇನ್ನು 30 ಶತಕಗಳ ಅಗತ್ಯವಿದೆ. ಆದರೆ ಏಕದಿನ ಕ್ರಿಕೆಟ್‌ನಲ್ಲಿ ಸಚಿನ್ ಬಾರಿಸಿದ 49 ಶತಕಗಳ ಸನಿಹದಲ್ಲಿ ವಿರಾಟ್ ಕೊಹ್ಲಿ ಇದ್ದು ಈಗಾಗಲೇ 43 ಶತಕಗಳನ್ನು ಹೊಂದಿದ್ದಾರೆ.