ಕ್ವಾಲಿಫೈಯರ್ ಪಂದ್ಯಕ್ಕೂ ಮುನ್ನ, 'ಬ್ರೇಕ್ ದಿ ಬಿಯರ್ಡ್' ಚಾಲೆಂಜ್ ಮುಗಿಸಿದ ಬುಮ್ರಾ, ಅಯ್ಯರ್

ದುಬೈ ಇಂಟರ್‌ನ್ಯಾಷ್‌ನಲ್ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಡೆಲ್ಲಿ ಕ್ಯಾಪಿಟಲ್ಸ್ ಮತ್ತು ಮುಂಬೈ ಇಂಡಿಯನ್ಸ್ ನಡುವಿನ ಮೊದಲ ಕ್ವಾಲಿಫೈಯರ್ ಪಂದ್ಯಕ್ಕೂ ಮೊದಲು ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ಶ್ರೇಯಸ್ ಅಯ್ಯರ್ ಹಾಗೂ ಮುಂಬೈ ಪ್ರೈಮ್ ಬೌಲರ್ ಜಸ್ಪ್ರೀತ್ ಬುಮ್ರಾ ಹೊಸ ಲುಕ್‌ನೊಂದಿಗೆ ಕಾಣಿಸಿಕೊಂಡಿದ್ದಾರೆ.

ಪ್ರಮುಖ ಪಂದ್ಯದಲ್ಲಿ ಇಬ್ಬರು ಆಟಗಾರರು ಮುಖಾಮುಖಿಯಾಗುವ ಮೊದಲು, ಮುಂಬೈ ವೇಗದ ಬೌಲರ್ ಜಸ್ಪ್ರಿತ್ ಬುಮ್ರಾ ಅವರು ತಮ್ಮ ಅಧಿಕೃತ ಇನ್‌ಸ್ಟಾಗ್ರಾಮ್ ಅಕೌಂಟ್‌ನಲ್ಲಿ ದೆಹಲಿ ನಾಯಕ ಶ್ರೇಯಸ್ ಅಯ್ಯರ್‌ಗೆ 'ಬ್ರೇಕ್ ದಿ ಬಿಯರ್ಡ್' ಸ್ಪರ್ಧೆಗೆ ಸವಾಲು ಹಾಕಿದರು. ಬುಮ್ರಾ ಸ್ವತಃ ಸವಾಲನ್ನು ತೆಗೆದುಕೊಂಡು ನಿರ್ಣಾಯಕ ಆಟದ ಮುಂದೆ ತನ್ನ ಹೊಸ ಲುಕ್‌ನೊಂದಿಗೆ ವೀಡಿಯೊವನ್ನು ಪೋಸ್ಟ್ ಮಾಡಿದ್ದಾರೆ.

ಬುಮ್ರಾ ಪೋಸ್ಟ್‌ ಮಾಡಿರುವ ವೀಡಿಯೋಗೆ "ನಾನು ಮತ್ತು # ಪಲ್ಟನ್ ಸಿದ್ಧವಾಗಿದೆ!" ಎಂದು ಶೀರ್ಷಿಕೆ ನೀಡಿದ್ದಾರೆ. ದೆಹಲಿ ನೀವು ಎಲ್ಲಿದ್ದೀರಿ? @ shreyas41 ನಿಮ್ಮನ್ನು ಮೈದಾನದಲ್ಲಿ ನೋಡುತ್ತೇನೆ'' ಎಂದು ಪೋಸ್ಟ್‌ ಮಾಡಿದ್ದಾರೆ.

ಮುಂಬೈ ಸೀಮರ್ ನೀಡಿದ ಸವಾಲಿಗೆ ಪ್ರತಿಕ್ರಿಯೆಯಾಗಿ ಶ್ರೇಯಸ್ ಹಿಂದೆ ಸರಿಯದೇ ಬ್ರೇಕ್ ದಿ ಬಿಯರ್ಡ್ ಚಾಲೆಂಜ್ ಮುಗಿಸಿದ್ದಾರೆ. ಮತ್ತು ಹೊಸ ಲುಕ್‌ನಲ್ಲಿ ಕಾಣಿಸಿಕೊಂಡಿರುವ ವೀಡಿಯೊವನ್ನು ಹಂಚಿಕೊಂಡ ಶ್ರೇಯಸ್, "#DC ಬಂದಿದೆ #BreakTheBeard! ಸ್ವಾಗತ್ ನಿ ಕರೋಗೆ ಹಮಾರಾ? @ jaspritb1 ಬೆಸ್ಟ್ ಮ್ಯಾನ್ ಗೆಲ್ಲಬಹುದು'' ಎಂದು ವೀಡಿಯೋ ಹಂಚಿಕೊಂಡಿದ್ದಾರೆ.