ನ್ಯೂಜಿಲೆಂಡ್ ಸರಣಿ ಮಾತ್ರವಲ್ಲ, ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್ ಸರಣಿಗೂ ಬುಮ್ರಾ ಆಯ್ಕೆ ಅನುಮಾನ

ಫಿಟ್‌ನೆಸ್ ಮೇಲೆ ಮತ್ತೆ ಕೆಲಸ

ಬಾರ್ಡರ್-ಗವಾಸ್ಕರ್ ಟ್ರೋಫಿಯ ಎಲ್ಲಾ ನಾಲ್ಕು ಟೆಸ್ಟ್‌ಗಳಿಗೆ ಆಡುವ ಬಗ್ಗೆ ಜನವರಿ ತಿಂಗಳ ಕೊನೆಯಲ್ಲಿ ಈ ಬಗ್ಗೆ ನಿರ್ಧಾರ ತೆಗೆದುಕೊಳ್ಳುವ ಸಾಧ್ಯತೆ ಇದೆ.

"ಬುಮ್ರಾರನ್ನು ನ್ಯೂಜಿಲೆಂಡ್ ವಿರುದ್ಧದ ಸರಣಿಗೆ ಪರಿಗಣಿಲಾಗುವುದಿಲ್ಲ. ಬುಮ್ರಾ ತಮ್ಮ ಪುನರ್ವಸತಿಯಲ್ಲಿ ಕೆಲಸ ಮಾಡುತ್ತಾರೆ. ಅವರು ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್ ಸರಣಿಗೆ ಸಿದ್ಧರಾಗುವ ಬಗ್ಗೆ ಯಾವುದೇ ಖಚಿತ ಮಾಹಿತಿ ಇಲ್ಲ, ಇನ್ನೂ ಕೆಲವು ವಾರಗಳಿದ್ದು, ನಂತರ ಈ ಬಗ್ಗೆ ನಿರ್ಧಾರ ಮಾಡಲಾಗುವುದು" ಎಂದು ಬಿಸಿಸಿಐ ಉನ್ನತ ಅಧಿಕಾರಿಯೊಬ್ಬರು ತಿಳಿಸಿರುವುದಾಗಿ ಇನ್‌ಸೈಡ್ ಸ್ಪೋರ್ಟ್ಸ್ ವರದಿ ಮಾಡಿದೆ.

ಗಾಯದಿಂದ ಚೇತರಿಸಿಕೊಂಡ ನಂತರ ಟೆಸ್ಟ್ ಆಡುವುದು ಕಠಿಣವಾಗಿರುತ್ತದೆ. ಸತತ ಐದು ದಿನಗಳ ಟೆಸ್ಟ್ ಆಡುವುದು ಬೌಲಿಂಗ್ ಮಾಡುವುದು ಆಟಗಾರನ ಮೇಲೆ ಹಚ್ಚಿನ ಒತ್ತಡ ಹೇರುವುದರಿಂದ ಬುಮ್ರಾ ಟೆಸ್ಟ್‌ ಸರಣಿಯಲ್ಲಿ ಆಡುವುದು ಕೂಡ ಅನುಮಾನವಾಗಿದೆ.

ಈ ವರ್ಷ ಕೊಹ್ಲಿ ತಮ್ಮ ನೈಜ ಆಟ ಆಡಲಿದ್ದಾರೆ: ಭವಿಷ್ಯ ನುಡಿದ ಸಂಜಯ್ ಮಂಜ್ರೇಕರ್

ಇನ್ನೂ ಫಿಟ್ ಆಗಿಲ್ಲ

ಎನ್‌ಸಿಎನಲ್ಲಿ ನಿರಂತರ ಅಭ್ಯಾಸ ಮಾಡಿದ ಬಳಿಕ ಜಸ್ಪ್ರೀತ್ ಬುಮ್ರಾ ಬೌಲಿಂಗ್ ಮಾಡಲು ಕಷ್ಟಪಟ್ಟಿದ್ದಾರೆ ಎಂದು ಬಿಸಿಸಿಐ ಮತ್ತು ನಾಯಕ ರೋಹಿತ್ ಶರ್ಮಾ ತಿಳಿಸಿದ್ದಾರೆ. ಬೆನ್ನಿನ ಸೆಳೆತದಿಂದ ಬಳಲಿದ ಕಾರಣ ಮುಂಜಾಗ್ರತಾ ಕ್ರಮವಾಗಿ ಅವರನ್ನು ಹೊರಗಿಡಲಾಗಿದೆ.

ಕ್ರಿಕೆಟ್‌ಗೆ ಮತ್ತೆ ವಾಪಸಾಗುವ ಮುನ್ನ ಎನ್‌ಸಿಎನಲ್ಲಿ ಮ್ಯಾಚ್-ಸಿಮ್ಯುಲೇಶನ್ ಕೆಲಸದ ಹೊರೆಗೆ ಒಳಗಾಗಬೇಕಿತ್ತು. ಬೆಂಗಳೂರಿನಲ್ಲಿ ನಡೆದ ಫಿಟ್ನೆಸ್ ಪರೀಕ್ಷೆಯಲ್ಲಿ ಅವರು ಪಾಸಾಗಿದ್ದರು. ನಂತರ ಮುಂಬೈನಲ್ಲಿ ಬೌಲಿಂಗ್ ಅಭ್ಯಾಸ ಮಾಡುವಾಗ ಅವರು ಮತ್ತೆ ನೋವನುಭವಿಸಿದರು.

ಬುಮ್ರಾ ಬಗ್ಗೆ ಹೆಚ್ಚಿನ ಜಾಗ್ರತೆ

2022ರ ಏಷ್ಯಾಕಪ್‌ಗಾಗಿ ಹೊರಗುಳಿದಿದ್ದ ಬುಮ್ರಾ ಟಿ20 ವಿಶ್ವಕಪ್‌ಗೆ ಮುನ್ನ ನಡೆದ ಆಸ್ಟ್ರೇಲಿಯಾ ವಿರುದ್ಧದ ಟಿ20 ಸರಣಿಗೆ ಆಯ್ಕೆಯಾಗಿದ್ದರು. ಸರಣಿಯಲ್ಲಿ ಒಂದು ಪಂದ್ಯವನ್ನು ಆಡಿದ ನಂತರ ಅವರಿಗೆ ಬೆನ್ನು ನೋವು ಕಾಣಿಸಿಕೊಂಡ ಕಾರಣ ಮತ್ತೆ ದಕ್ಷಿಣ ಆಫ್ರಿಕಾ ವಿರುದ್ಧದ ಟಿ20 ಸರಣಿಯಿಂದ ಹೊರಗುಳಿದರು.

ಗಾಯದ ಪರೀಕ್ಷೆ ಮಾಡಿದ ನಂತರ ಅವರು ಟಿ20 ವಿಶ್ವಕಪ್‌ನಿಂದ ಕೂಡ ಹೊರಗುಳಿಯಬೇಕಾಯಿತು. ಅಂದಿನಿಂದಲೂ ವಿಶ್ರಾಂತಿಯಲ್ಲಿದ್ದ ಬುಮ್ರಾ ಮತ್ತೆ ಕ್ರಿಕೆಟ್‌ಗೆ ಮರಳಲು ಸಜ್ಜಾಗಿದ್ದರು. 2023ರಲ್ಲಿ ಏಕದಿನ ವಿಶ್ವಕಪ್ ನಡೆಯುವುದರಿಂದ ಬಿಸಿಸಿಐ ಬುಮ್ರಾ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸುತ್ತಿದ್ದು, ಯಾವುದೇ ಅವಸರದ ತೀರ್ಮಾನ ಮಾಡದಿರಲು ನಿರ್ಧರಿಸಿದೆ.