ಬಾಂಗ್ಲಾದೇಶ ವಿರುದ್ಧ 6 ವಿಕೆಟ್ ಉರುಳಿಸಿದ್ದರು ಕನ್ನಡಿಗ ಪ್ರಸಿದ್ಧ್ ಕೃಷ್ಣ!

49 ರನ್‌ಗೆ 5 ವಿಕೆಟ್

ಆವತ್ತು ಬಾಂಗ್ಲಾದೇಶ 'ಎ' ಮೊದಲ ಇನ್ನಿಂಗ್ಸ್‌ನಲ್ಲಿ 12 ಓವರ್‌ ಎಸೆದಿದ್ದ ಪ್ರಸಿದ್ಧ್ ಕೃಷ್ಣ 49 ರನ್‌ಗೆ 5 ವಿಕೆಟ್ ಮುರಿದಿದ್ದರು. ಬಾಂಗ್ಲಾದೇಶ ದ್ವಿತೀಯ ಇನ್ನಿಂಗ್ಸ್‌ನಲ್ಲಿ 15 ಓವರ್‌ ಎಸೆದು 1 ವಿಕೆಟ್ ಪಡೆದಿದ್ದರು. ಒಟ್ಟಿಗೆ ಆ ಪಂದ್ಯದಲ್ಲಿ 6 ವಿಕೆಟ್‌ಗಳು ಕೃಷ್ಣ ಪಾಲಾಗಿತ್ತು. ಪಂದ್ಯದಲ್ಲಿ ಕರ್ನಾಟಕ ತಂಡ 4 ವಿಕೆಟ್‌ಗಳ ಜಯ ಗಳಿಸಿತ್ತು.

ಸಂಕ್ಷಿಪ್ತ ಸ್ಕೋರ್‌ಕಾರ್ಡ್

* ಭಾರತಕ್ಕೆ ಪ್ರವಾಸ ಬಂದಿದ್ದ ಬಾಂಗ್ಲಾದೇಶ ಎ, ಮೈಸೂರಿನಲ್ಲಿ ಪಂದ್ಯ, 2015 ಸೆಪ್ಟೆಂಬರ್ 22-24.
* ಟಾಸ್ ಗೆದ್ದು ಬ್ಯಾಟಿಂಗ್‌ ಆಯ್ದುಕೊಂಡಿದ್ದ ಬಾಂಗ್ಲಾ 'ಎ': 158/10 (38.4 Ov), 309/10 (76 Ov),
* ಕರ್ನಾಟಕ ತಂಡ: 287/10 (92.3 Ov), 185/6 (40.5 Ov, 40.5 ov target 181)

ಪಾದಾರ್ಪಣೆ ಪಂದ್ಯದಲ್ಲೇ ದಾಖಲೆ

ಭಾರತ ಮತ್ತು ಇಂಗ್ಲೆಂಡ್ ನಡುವಿನ ಮೂರು ಪಂದ್ಯಗಳ ಏಕದಿನ ಸರಣಿಯಲ್ಲಿ ಪಾದಾರ್ಪಣೆ ಮಾಡಿರುವ ಪ್ರಸಿದ್ಧ್ ಆರಂಭಿಕ ಪಂದ್ಯದಲ್ಲಿ 8.1 ಓವರ್‌ನಲ್ಲಿ 54 ರನ್ನಿಗೆ 4 ವಿಕೆಟ್ ಮುರಿದು ಗಮನ ಸೆಳೆದಿದ್ದರು. ಐಪಿಎಲ್‌ನಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ಪರ ಆಡುವ ಕರ್ನಾಟಕದ ಪ್ರತಿಭೆಗೆ ಮುಂದೆ ಅತ್ಯುತ್ತಮ ಭವಿಷ್ಯವಿದೆ. ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಬಹುಕಾಲ ಮಿನುಗುವ ನಿರೀಕ್ಷೆ ಮೂಡಿಸಿದ್ದಾರೆ ಕೃಷ್ಣ.