ವೇಗದ 1000 ರನ್ ದಾಖಲೆ
ಅಂತಾರಾಷ್ಟ್ರೀಯ ಟಿ20ಯಲ್ಲಿ ಕೆಎಲ್ ರಾಹುಲ್ ಕೇವಲ 24 ಇನ್ನಿಂಗ್ಸ್ಗಳಲ್ಲಿ 879 ರನ್ ಗಳಿಸಿದ್ದಾರೆ. ಇನ್ನು 121 ರನ್ ಪೇರಿಸಿದರೆ ರಾಹುಲ್, ಟಿ20ಐನಲ್ಲಿ 1000 ರನ್ ಪೂರೈಸಲಿದ್ದಾರೆ. ಶನಿವಾರದ ಪಂದ್ಯದಲ್ಲೇ ರಾಹುಲ್ 121 ರನ್ ಗಳಿಸಿದರೆ ವಿರಾಟ್ ಕೊಹ್ಲಿ ಮತ್ತು ಬಾಬರ್ ಅಝಾಮ್ ವಿಶ್ವದಾಖಲೆ ಮುರಿದು ಹೋಗಲಿದೆ.
ಕೊಹ್ಲಿ-ಬಾಬರ್ ಸಾಧನೆ ಬದಿಗೆ
ಟಿ20ಐನಲ್ಲಿ ಅತೀ ವೇಗದ ವಿಶ್ವ ದಾಖಲೆ ಸಾಲಿನಲ್ಲಿ ಮೊದಲ ಸ್ಥಾನದಲ್ಲಿ ಪಾಕ್ ಕ್ರಿಕೆಟರ್ ಬಾಬರ್, ಕೊಹ್ಲಿ ದ್ವಿತೀಯ ಸ್ಥಾನದಲ್ಲಿದ್ದಾರೆ. ಬಾಬರ್ 26 ಇನ್ನಿಂಗ್ಸ್ಗಳಲ್ಲಿ (2 ವರ್ಷ, 58 ದಿನಗಳು) ಮತ್ತು ಕೊಹ್ಲಿ 27 ಇನ್ನಿಂಗ್ಸ್ಗಳಲ್ಲಿ (5 ವರ್ಷ, 112 ದಿನಗಳು) ಟಿ20ಐ 1000 ರನ್ ಮಾಡಿದ್ದರು.
ಫಿಂಚ್ಗೆ 3ನೇ ಸ್ಥಾನ
ಅಂತಾರಾಷ್ಟ್ರೀಯ ಟಿ20 ವೇಗದ 1000 ರನ್ ಸಾಲಿನಲ್ಲಿ ತೃತೀಯ ಸ್ಥಾನದಲ್ಲಿ ಆಸ್ಟ್ರೇಲಿಯಾದ ಆ್ಯರನ್ ಫಿಂಚ್ (29 ಇನ್ನಿಂಗ್ಸ್), ನಾಲ್ಕನೇ ಸ್ಥಾನದಲ್ಲಿ ಇಂಗ್ಲೆಂಡ್ನ ಕೆವಿನ್ ಪೀಟರ್ಸನ್ (32 ಇನ್ನಿಂಗ್ಸ್), 5ನೇ ಸ್ಥಾನದಲ್ಲಿ ಇಂಗ್ಲೆಂಡ್ನ ಅಲೆಕ್ಸ್ ಹೇಲ್ಸ್ (32 ಇನ್ನಿಂಗ್ಸ್), 6 ಸ್ಥಾನದಲ್ಲಿ ದಕ್ಷಿಣ ಆಫ್ರಿಕಾದ ಫಾ ಡು ಪ್ಲೆಸಿಸ್ (32 ಇನ್ನಿಂಗ್ಸ್) ಇದ್ದಾರೆ.
ಅಗ್ರಸ್ಥಾನಕ್ಕೇರಲು ಅವಕಾಶ
ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಕಿಂಗ್ಸ್ XI ಪಂಜಾಬ್ ಪರ ಭರ್ಜರಿ ಬ್ಯಾಟ್ ಬೀಸುವ ಕೆಎಲ್ ರಾಹುಲ್ಗೆ ವಿಂಡೀಸ್ ವಿರುದ್ಧದ ಈ ಮೊದಲ ಟಿ20 ಪಂದ್ಯ 25ನೇ ಇನ್ನಿಂಗ್ಸ್ ಆಗಿರಲಿದೆ. ಹೀಗಾಗಿ ಈ ಪಂದ್ಯದಲ್ಲೇ ರಾಹುಲ್ 121 ರನ್ ಗಳಿಸಿದರೆ ಟಿ20ಐ ವೇಗದ 1000 ರನ್ ದಾಖಲೆಗಾಗಿ ರಾಹುಲ್ ಮೊದಲ ಸ್ಥಾನಕ್ಕೇರಲಿದ್ದಾರೆ. ವಿಂಡೀಸ್ ಟಿ20 ಸರಣಿ 3 ಪಂದ್ಯಗಳನ್ನು ಒಳಗೊಂಡಿದೆ.