ಭಾರತದಲ್ಲಿ ಟೆಸ್ಟ್ ಕ್ರಿಕೆಟ್ ನಲ್ಲಿ ಎಸ್‌ಜಿ ಬಾಲ್ ಬಳಕೆಗೆ ವಿರಾಟ್ ಕೊಹ್ಲಿ ಟೀಕೆ

ಯಾಕೀ ಅಸಮಾಧಾನ?

ಭಾರತದಲ್ಲಿ ನಡೆಸಲಾಗುವ ಟೆಸ್ಟ್ ಕ್ರಿಕೆಟ್ ನಲ್ಲಿ ಎಸ್‌ಜಿ ಬಾಲ್ ಗಳನ್ನು ಬಳಸುತ್ತಿರುವ ಬಗ್ಗೆ ನಾಯಕ ಕೊಹ್ಲಿಗೂ ಸೇರಿದಂತೆ ಕೆಲ ಆಟಗಾರರಿಗೆ ನಿರಾಶೆ ಆಗಲು ಕಾರಣ ಬಾಲ್ ನ ಗುಣಮಟ್ಟ. ಡ್ಯೂಕ್ಸ್ ಬಾಲ್‌ಗಳಿಗೆ ಹೋಲಿಸಿದರೆ ಎಸ್‌ಜಿ ಬಾಲ್ ಗಳ ಗುಣಮಟ್ಟ ಚೆನ್ನಾಗಿಲ್ಲ ಎಂಬುದು ಆಟಗಾರರ ಅಂಬೋಣ.

ಬೇಗನೆ ಸವೆಯುತ್ತೆ

ಎಸ್‌ಜಿ ಬಾಲ್ ಗಳ ಬಗ್ಗೆ ಮಾತನಾಡುತ್ತ ಕೊಹ್ಲಿ, ಬರೀ ಐದು ಓವರ್ ಗಳು ಮುಗಿಯುವಷ್ಟರಲ್ಲೇ ಚೆಂಡಿನ ಮೇಲ್ಪದರ ಸವೆಯಲಾರಂಭಿಸುತ್ತೆ. ಹೀಗಾದಾಗ ಆಡೋದು ಹ್ಯಾಗೆ? ಈ ಮೊದಲು ಬಾಲ್ ನ ಗುಣಮಟ್ಟ ಕೊಂಚ ಚೆನ್ನಾಗೇ ಇತ್ತು. ಆದರೆ ಈಗೀಗ ಆ ಗುಣಮಟ್ಟ ಕೆಳಗಿಳಿಯತೊಡಗಿದೆ. ಇದು ಯಾಕೆಂದೇ ನನಗೆ ಅರ್ಥಾಗುತ್ತಿಲ್ಲ' ಎಂದಿದ್ದಾರೆ.

ಉತ್ತಮ ಗುಣಮಟ್ಟದ ಬಾಲ್ ಡ್ಯೂಕ್ಸ್

ಡ್ಯೂಕ್ಸ್ ಬಾಲ್ ಗಳಿಗೆ ಹೋಲಿಸಿದರೆ ಎಸ್‌ಜಿ ಬಾಲ್ ಗಳ ಗುಣಮಟ್ಟ ಚೆನ್ನಾಗಿಲ್ಲ. ಇದೇ ಕಾರಣಕ್ಕೆ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಹೆಚ್ಚಾಗಿ ಡ್ಯೂಕ್ಸ್ ಬಾಲ್ ಗಳನ್ನೇ ಟೆಸ್ಟ್ ಕ್ರಿಕೆಟ್ ನಲ್ಲಿ ಬಳಸಲಾಗುತ್ತಿದೆ. ಆದರೆ ಭಾರತ ಮಾತ್ರ ಈಗಲೂ ಎಸ್‌ಜಿ ಚೆಂಡುಗಳನ್ನೇ ನೆಚ್ಚಿಕೊಂಡಿದೆ ಎನ್ನುತ್ತಾರೆ ಕೊಹ್ಲಿ.

ಸಂದರ್ಭಗಳಿಗೆ ಹೊಂದಿಕೊಳ್ಳುತ್ತೆ

'ಡ್ಯೂಕ್ಸ್ ಈಗಲೂ ಉತ್ತಮ ಗುಣಮಟ್ಟವನ್ನು ಹೊಂದಿದೆ. ಕೂಕಬುರ ಕೂಡ ಗುಣಮಟ್ಟ ಉಳಿಸಿಕೊಂಡಿದೆ. ಕೂಕಬುರ ಏನೇ ಮಿತಿಗಳನ್ನು ಒಳಗೊಂಡಿರಲಿ, ಆದರೆ ಗುಣಮಟ್ಟದ ವಿಚಾರದಲ್ಲಿ ಅದು ರಾಜಿಯಾಗಿಲ್ಲ. ಡ್ಯೂಕ್ಸ್ ಚೆಂಡು ಟೆಸ್ಟ್ ಕ್ರಿಕೆಟ್ ನ ಸಂದರ್ಭಗಳಿಗೆ ಹೊಂದಿಕೊಳ್ಳುತ್ತೆ ಕೂಡ' ಎಂದು ಕೊಹ್ಲಿ ತಿಳಿಸಿದ್ದಾರೆ.