ರಣಜಿ ಸಂಭಾವ್ಯ ತಂಡ: ಕುನಾಲ್, ಕೆಪಿ ಅಪ್ಪಣ್ಣ ಔಟ್

ಬೆಂಗಳೂರು, ಸೆ. 08: ಮುಂಬರುವ ರಣಜಿ ಋತುವಿನಲ್ಲಿ ಆಡುವ ಕರ್ನಾಟಕ ತಂಡಕ್ಕೆ ಸಂಭಾವ್ಯ ಆಟಗಾರರನ್ನು ಕರ್ನಾಟಕ ರಾಜ್ಯ ಕ್ರಿಕೆಟ್ ಮಂಡಳಿ (ಕೆಎಸ್ ಸಿಎ) ಪ್ರಕಟಿಸಿದೆ.

ವಿನಯ್ ಕುಮಾರ್ ನೇತೃತ್ವದ ಕರ್ನಾಟಕ ತಂಡ ಮತ್ತೊಮ್ಮೆ ರಣಜಿಯಲ್ಲಿ ತಮ್ಮ ಪ್ರಾಬಲ್ಯ ಮೆರೆಯಲು ಸಿದ್ದವಾಗುತ್ತಿದೆ. ಕೆಎಸ್​ಸಿಎ ಆಯ್ಕೆ ಸಮಿತಿ ಸೋಮವಾರ ಪ್ರಕಟಿಸಿದ ಸಂಭಾವ್ಯ 31 ಆಟಗಾರರ ತಂಡದಿಂದ ಕುನಾಲ್ ಕಪೂರ್ ಹಾಗೂ ಕೆಪಿ ಅಪ್ಪಣ್ಣ ತಂಡದಿಂದ ಹೊರಹಾಕಲಾಗಿದೆ.ವೇಗಿ ರೋನಿತ್ ಮೋರೆ ಹಿಮಾಚಲ ಪ್ರದೇಶ ತಂಡಕ್ಕೆ ವಲಸೆ ಹೋಗಿದ್ದಾರೆ.

ಕುನಾಲ್, ಅಪ್ಪಣ್ಣ ಅವರ ಜೊತೆಗೆ ಅಬ್ರಾರ್ ಖಾಜಿ, ವಿಕೆಟ್ ಕೀಪರ್ ಸಾದಿಕ್ ಕಿರ್ಮಾನಿ, ಸುನೀಲ್ ರಾಜು ಹಾಗೂ ಕೆ ಗೌತಮ್ ತಂಡದಲ್ಲಿ ಸ್ಥಾನ ಪಡೆಯುವಲ್ಲಿ ವಿಫಲವಾಗಿದ್ದಾರೆ. ಅನಿರುದ್ಧ್ ಜೋಶಿ, ಮಿರ್ ಕೌನೇನ್ ಅಬ್ಬಾಸ್, ಪ್ರಸಿದ್ಧ್ ಕೃಷ್ಣ, ಮಿತ್ರಕಾಂತ್ ಯಾದವ್, ನಿಶ್ಚಲ್ ಹಾಗೂ ನಿದೇಶ್ ಈ ಬಾರಿ ಸ್ಥಾನ ಪಡೆದ ಹೊಸಮುಖಗಳಾಗಿದ್ದಾರೆ.

ಸಂಭಾವ್ಯ ತಂಡ: ವಿನಯ್ ಕುಮಾರ್ ಆರ್, ರಾಬಿನ್ ಉತ್ತಪ್ಪ, ಕೆಎಲ್ ರಾಹುಲ್, ಮನೀಷ್ ಪಾಂಡೆ, ಕರುಣ್ ನಾಯರ್, ಸ್ಟುವರ್ಟ್ ಬಿನ್ನಿ, ಮಯಾಂಕ್ ಅಗರ್ವಾಲ್, ಶ್ರೇಯಸ್ ಗೋಪಾಲ್, ಶಿಶಿರ್ ಭವಾನಿ, ಸಮರ್ಥ್ ಆರ್, ಅಭಿಮನ್ಯು ಮಿಥುನ್, ಶರತ್ ಎಚ್​ಎಸ್, ಅರವಿಂದ್ ಎಸ್, ಉದಿತ್ ಪಟೇಲ್, ಜೆ.ಸುಚಿತ್, ಸಿಎಂ ಗೌತಮ್ ಅವಿನಾಶ್ ಕೆಸಿ, ಅಭಿಷೇಕ್ ರೆಡ್ಡಿ, ಕೆಸಿ ಕಾರಿಯಪ್ಪ, ಎಸ್​ಎಲ್ ಅಕ್ಷಯ್, ಜೀಶನ್ ಅಲಿ ಸಯ್ಯದ್, ಡೇವಿಡ್ ಮಥಾಯಿಸ್, ಕ್ರಾಂತಿ ಕುಮಾರ್, ಭರತ್ ಕೆಎನ್, ಪವನ್ ದೇಶಪಾಂಡೆ, ಡಿ.ನಿಶ್ಚಲ್, ಮಿರ್ ಕೌನೇನ್ ಅಬ್ಬಾಸ್, ಪ್ರಸಿದ್ಧ್ ಕೃಷ್ಣ, ಮಿತ್ರಕಾಂತ್ ಯಾದವ್, ನಿದೇಶ್ ಎಂ.

ರಣಜಿ ಟ್ರೋಫಿ, ವಿಜಯ್ ಹಜಾರೆ ಟ್ರೋಫಿ ಹಾಗೂ ಇರಾನಿ ಕಪ್ ಗೆದ್ದಿರುವ ಕರ್ನಾಟಕ ತಂಡ ನಗರದ ಎಂ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ತನ್ನ ತರಬೇತಿ ಆರಂಭಿಸಲಿದೆ. ಕೋಚ್ ಜೆ ಅರುಣ್ ಕುಮಾರ್ ಹಾಗು ಮನ್ಸೂರ್ ಅಲಿ ಖಾನ್ ಅವರ ನೇತೃತ್ವದ ಮಾರ್ಗದರ್ಶನ ತಂಡಕ್ಕಿದೆ. (ಒನ್ ಇಂಡಿಯಾ ಸುದ್ದಿ )