ಇನ್ನೊಂದು ತುದಿಯಲ್ಲಿ ರೋಹಿತ್ ನಿಂತಿದ್ದರೆ ಆಟ ಕಷ್ಟವೇ ಅಲ್ಲ: ಕೊಹ್ಲಿ

300ರ ಗುರಿ ಮುಟ್ಟೋದು ಸುಲಭವಿಲ್ಲ

ಅಂತಾರಾಷ್ಟ್ರೀಯ ಏಕದಿನ ಪಂದ್ಯದಲ್ಲಿ 300ಕ್ಕೂ ಹೆಚ್ಚಿನ ರನ್ ಗುರಿ ಮುಟ್ಟೋದು ಸುಲಭವಿಲ್ಲ. ಟೆಸ್ಟ್ ನಲ್ಲಿ ಹೀನಾಯ ಸೋಲು ಕಂಡಿದ್ದ ವೆಸ್ಟ್ ಇಂಡೀಸ್ ಏಕದಿನದಲ್ಲಿ ಭಾರತಕ್ಕೆ ತಿರುಗೇಟು ನೀಡಲು ಯೋಚಿಸಿತ್ತು. ಹೀಗಾಗಿಯೇ ಚತುರ ಆಟ ಆಡಿದ ವಿಂಡೀಸ್ ಭಾರತಕ್ಕೆ 323 ರನ್ ಗುರಿ ನೀಡಿತ್ತು.

ಎಲ್ಲಾ ಜೊತೆಯಾಟದಲ್ಲಿದೆ

ಆರಂಭಿಕ ಆಟಗಾರ ಶಿಖರ್ ಧವನ್ 10 ರನ್ನಿಗೆ ಔಟಾದಾಗ ಬಂದ ಕೊಹ್ಲಿ, ರೋಹಿತ್ ಗೆ ಉತ್ತಮ ಜೊತೆಯಾಟ ನೀಡಿದ್ದರು. ಇಬ್ಬರ ಜೊತೆಯಾಟ 246 ರನ್ ಕಲೆ ಹಾಕಿತ್ತು. ಪಂದ್ಯದ ಬಳಿಕ ಮಾತನಾಡುತ್ತ ಇದನ್ನೇ ನೆನಪಿಸಿಕೊಂಡ ಕೊಹ್ಲಿ, 'ಗರಿಷ್ಠ ಮೊತ್ತ ಎದುರಿಗಿತ್ತು. ಆದರೆ ಉತ್ತಮ ಜೊತೆಯಾಟ ಎಲ್ಲವನ್ನೂ ನಿಭಾಯಿಸಬಲ್ಲದು ಎಂಬುದು ನಮಗೆ ಗೊತ್ತಿತ್ತು' ಎಂದರು.

ವಿಂಡೀಸ್ ಉತ್ತಮ ಬ್ಯಾಟಿಂಗ್

ವೆಸ್ಟ್ ಇಂಡೀಸ್ ಉತ್ತಮ ಬ್ಯಾಟಿಂಗ್ ಮಾಡಿತ್ತು. ಅದರಲ್ಲೂ 320+ ರನ್ ಬೇಧಿಸೋಸು ನಿಜಕ್ಕೂ ಸವಾಲಿನ ಕೆಲಸ. ಆದರೆ ಕ್ರೀಸಿನ ಇನ್ನೊಂದು ಬದಿಯಲ್ಲಿ ರೋಹಿತ್ ಇದ್ದಿದ್ದರಿಂದ ಬದುಕು (ಆಟ) ಕಷ್ಟ ಅನ್ನಿಸಲಿಲ್ಲ' ಎಂದು ಕೊಹ್ಲಿ ಹೇಳಿದರು.

ಇಬ್ಬರೂ ಆಕರ್ಷಕ ಶತಕ

107 ಎಸೆತಗಳಿಗೆ 140 ರನ್ ಪೇರಿಸುವ ಮೂಲಕ ಕೊಹ್ಲಿ ತನ್ನ 36ನೇ ಏಕದಿನ ಶತಕ ಪೂರೈಸಿದರೆ, 117 ಎಸೆತಗಳಲ್ಲಿ 152 ರನ್ ಸಿಡಿಸಿದ ಶರ್ಮಾ 20ನೇ ಶತಕದ ಸಾಧನೆ ಮೆರೆದರು. ಈ ವೇಳೆ ಕೊಹ್ಲಿ 21 ಬೌಂಡರಿ, 2 ಸಿಕ್ಸರ್ ಗಳನ್ನು ಬಾರಿಸಿದ್ದರು. ಶರ್ಮಾ 15 ಬೌಂಡರಿ, 8 ಸಿಕ್ಸರ್ ಗಳನ್ನು ಚಚ್ಚಿದ್ದರು.