Mohammed Shami: ಟೀಮ್ ಇಂಡಿಯಾ ಸ್ಟಾರ್‌ಗಳ ನಡುವೆ ಲೈಕ್‌ ವಾರ್‌

ಮೊಹಮ್ಮದ್ ಶಮಿ ಟೀಮ್ ಇಂಡಿಯಾ ಸ್ಟಾರ್‌ ವೇಗದ ಬೌಲರ್‌. ಇವರು ಸಿಕ್ಕ ಅವಕಾಶದಲ್ಲಿ ಭರ್ಜರಿ ಪ್ರದರ್ಶನ ನೀಡಿ ಅಭಿಮಾನಿಗಳ ಮನದಲ್ಲಿ ಶಾಶ್ವತ ಸ್ಥಾನ ಪಡೆದ ಪ್ಲೇಯರ್‌. ಏಕದಿನ ವಿಶ್ವಕಪ್‌ನಲ್ಲಿ ಇವರು ನೀಡಿದ ಪ್ರದರ್ಶನವನ್ನು ನೋಡಿದರೆ, ಲೀಗ್‌ ಹಂತದ ಮೊದಲ ಪಂದ್ಯಗಳಿಂದ ಇವರನ್ನು ಹೊರಗಿಟ್ಟಿದ್ದೇ ತಪ್ಪಾಯಿತು ಎನ್ನುವಹಾಗೆ ಆಗಿತ್ತು.

ಭಾರತದಲ್ಲಿ ನಡೆದ ಏಕದಿನ ವಿಶ್ವಕಪ್‌ನಲ್ಲಿ ಶಮಿ, ಹಾರ್ದಿಕ್ ಪಾಂಡ್ಯ ಬಲದಿಗೆ ತಂಡದಲ್ಲಿ ಸ್ಥಾನ ಪಡೆದರು. ಬಾಂಗ್ಲಾದೇಶದ ವಿರುದ್ಧ ನಡೆದ ಪಂದ್ಯದಲ್ಲಿ ಗಾಯಕ್ಕೆ ತುತ್ತಾಗಿದ್ದ ಆಲ್‌ರೌಂಡರ್ ಹಾರ್ದಿಕ್ ಪಾಂಡ್ಯ, ಟೂರ್ನಿಯಿಂದ ಹೊರ ನಡೆದಿದ್ದರು. ಇವರ ಸ್ಥಾನದಲ್ಲಿ ಮೊಹಮ್ಮದ್ ಶಮಿ ತಂಡ ಸೇರಿಕೊಂಡರು.

ಭಾರತ ತಂಡದ ವೇಗದ ಬೌಲರ್ ಮೊಹಮ್ಮದ್ ಶಮಿ ಗಾಯದ ಕಾರಣ 2023 ರ ವಿಶ್ವಕಪ್‌ನಿಂದ ಮೈದಾನದಿಂದ ದೂರವಿದ್ದಾರೆ. ವಿಶ್ವಕಪ್‌ನ ಸೆಮಿಫೈನಲ್‌ನಲ್ಲಿ ನ್ಯೂಜಿಲೆಂಡ್ ವಿರುದ್ಧ ಶಮಿ 7 ವಿಕೆಟ್‌ಗಳನ್ನು ಪಡೆದರು. ಅವರು ಇತ್ತೀಚೆಗೆ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದಾರೆ. ಇದೀಗ ಶಮಿ ಅವರು ನಿರಂತರವಾಗಿ ಚೇತರಿಸಿಕೊಳ್ಳಲು ಶ್ರಮಿಸುತ್ತಿದ್ದಾರೆ ಎಂದು ಸಾಮಾಜಿಕ ಮಾಧ್ಯಮದಲ್ಲಿ ತಿಳಿಸಿದ್ದಾರೆ.

ಮೊಹಮ್ಮದ್ ಶಮಿ ತಮ್ಮ ಫಿಟ್ನೆಸ್ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ತಮ್ಮ ಗಾಯದ ಬಗ್ಗೆ ಅಪ್‌ಡೇಟ್ ಮಾಡಿದ್ದಾರೆ. ಎಲ್ಲರಿಗೂ ನಮಸ್ಕಾರ! ನನ್ನ ಚೇತರಿಕೆಯ ಕುರಿತು ನಿಮಗೆಲ್ಲರಿಗೂ ಅಪ್‌ಡೇಟ್‌ ನೀಡಲು ನಾನು ಬಯಸುತ್ತೇನೆ. ನನ್ನ ಶಸ್ತ್ರಚಿಕಿತ್ಸೆಯಿಂದ 15 ದಿನಗಳು ಕಳೆದಿವೆ ಮತ್ತು ಇತ್ತೀಚೆಗೆ ನನ್ನ ಹೊಲಿಗೆಗಳನ್ನು ತೆಗೆಯಲಾಗಿದೆ ಎಂದು ಬರೆದಿದ್ದರು.

ಪೋಸ್ಟ್‌ಗೆ ಅಭಿಮಾನಿ ಕಮೆಂಟ್

ಪೋಸ್ಟ್‌ಗೆ ಪ್ರತಿಕ್ರಿಯೆಯಾಗಿ, ಬಳಕೆದಾರರು ಗಾಯಗೊಂಡ ನಂತರವೂ ಶಮಿ ವಿಶ್ವಕಪ್ ಆಡಿದ್ದಾರೆ ಎಂದು ಬರೆದಿದ್ದಾರೆ. ನಂತರ ಆಟಗಾರರೊಬ್ಬರು ಐಪಿಎಲ್‌ನಲ್ಲಿ ಆಡಲು ವಿಶ್ವಕಪ್‌ನಲ್ಲಿ ಗಾಯಗೊಂಡಂತೆ ನಟಿಸಿದ್ದಾರೆ. ಬಳಕೆದಾರರು ಇಲ್ಲಿ ಹಾರ್ದಿಕ್ ಪಾಂಡ್ಯ ಅವರನ್ನು ಗುರಿಯಾಗಿಸಿ ಬರೆದಿದ್ದಾರೆ. ಪೋಸ್ಟ್‌ನಲ್ಲಿ, 'ಶಮಿ ಭಾಯ್ ಅವರು ವಿಶ್ವಕಪ್ ಸಮಯದಲ್ಲಿ ನೋವಿನಲ್ಲಿದ್ದಾಗಲೂ ತಮ್ಮ 100 ಪ್ರತಿಶತವನ್ನು ನೀಡಿದರು.

ಮೊಹಮ್ಮದ್‌ ಶಮಿ ಹಾಗೂ ಹಾರ್ದಿಕ್ ಪಾಂಡ್ಯ ಅವರ ನಡುವೆ ಎಲ್ಲವೂ ಸರಿಯಾಗಿಲ್ಲ ಎಂಬುದು ಮತ್ತೊಮ್ಮೆ ಸಾಬೀತಾಗಿದೆ. ಇದಕ್ಕೂ ಮೊದಲು ಐಪಿಎಲ್‌ನಲ್ಲಿ ಶಮಿ ಹಾಗೂ ಪಾಂಡ್ಯ ನಡುವೆ ಚಿಕ್ಕ ಮಾತಿನ ಚಕಮಕಿ ನಡೆದಿತ್ತು.