ಟೀಮ್ ಇಂಡಿಯಾದ 10 ಖ್ಯಾತ ಕ್ರಿಕೆಟಿಗರ ಪ್ರೀತಿಯ ಸಹೋದರಿಯರಿವರು

# ವಿರಾಟ್ ಕೊಹ್ಲಿ-ಭಾವನಾ

ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಮತ್ತು ಅವರ ಸೋದರಿ ಭಾವನಾ ಧಿಂಗ್ರ ಬಾಲ್ಯದಿಂದಲೂ ಆತ್ಮೀಯತೆ ಹಂಚಿಕೊಂಡು ಬೆಳೆದವರು. ರಕ್ಷಾ ಬಂಧನ ದಿನ ಭಾವನಾ ಜೊತೆಗಿರುವ ಫೋಟೋ ಶೇರ್ ಮಾಡಿರುವ ಕೊಹ್ಲಿ, 'ಹ್ಯಾಪೀ ಸಿಬ್ಲಿಂಗ್ಸ್ ಡೇ' ಎಂದು ಬರೆದುಕೊಂಡಿದ್ದಾರೆ.

# ಶಿಖರ್ ಧವನ್-ಶ್ರೇಷ್ಠ

ಭಾರತದ ಆರಂಭಿಕ ಬ್ಯಾಟ್ಸ್‌ಮನ್ ಶಿಖರ್ ಧವನ್‌ಗೆ ಶ್ರೇಷ್ಠ ಹೆಸರಿನ ಸಹೋದರಿಯಿದ್ದಾರೆ. ಪರಸ್ಪರ ಪ್ರೀತಿಯಿಂದಿರುವ ಶಿಖರ್-ಶ್ರೇಷ್ಠ ಪ್ರತೀ ವರ್ಷವೂ ತಪ್ಪದೆ ರಕ್ಷಾಬಂಧನ ಆಚರಿಸಿಕೊಳ್ಳುತ್ತಾರೆ, ಅದರ ಸಂಭ್ರಮ ಹಂಚಿಕೊಳ್ಳುತ್ತಾರೆ.

# ಎಂಎಸ್ ಧೋನಿ-ಜಯಂತಿ

ಕೂಲ್ ಕ್ಯಾಪ್ಟನ್ ಖ್ಯಾತಿಯ ಭಾರತದ ಮಾಜಿ ನಾಯಕ ಎಂಎಸ್ ಧೋನಿ ಅವರಿಗೆ ಜಯಂತಿ ಎನ್ನುವ ಸಹೋದರಿಯಿದ್ದಾರೆ. ಧೋನಿಗೆ ಅಕ್ಕನಾಗಿರುವ ಜಯಂತಿ ಧೋನಿ ಬಗ್ಗೆ ಅಷ್ಟೇ ಕಾಳಜಿ ವಹಿಸುತ್ತಾರೆ. ಅಂದ್ಹಾಗೆ ಜಯಂತಿ ಶಿಕ್ಷಕಿಯಾಗಿ ಕೆಲಸ ಮಾಡುತ್ತಿದ್ದಾರೆ.

# ಜಸ್‌ಪ್ರೀತ್ ಬೂಮ್ರಾ-ಜೂಹಿಕಾ

ಭಾರತದ ವೇಗಿ ಜಸ್‌ಪ್ರೀತ್ ಬೂಮ್ರಾ ತನ್ನ ಸಹೋದರಿ ಜೂಹಿಕಾ ಅವರನ್ನು ತುಂಬಾ ಪ್ರೀತಿಸುತ್ತಾರೆ. ಅಣ್ಣ-ತಂಗಿಯ ಕ್ಷಣಗಳ ಚಿತ್ರಗಳನ್ನು ಬೂಮ್ರಾ ಆಗೀಗ ಹಂಚಿಕೊಳ್ಳುತ್ತಿರುತ್ತಾರೆ. ಇತ್ತೀಚೆಗಷ್ಟೇ ಜೂಹಿಕಾರ ಬರ್ತ್‌ಡೇಗೆ ಬೂಮ್ರಾ ಭಾವನಾತ್ಮಕವಾಗಿ ಸಂದೇಶ ಬರೆದು ಶುಭ ಕೋರಿದ್ದರು.

# ದೀಪಕ್-ರಾಹುಲ್-ಮಾಲತಿ

ಭಾರತದ ವೇಗಿಗಳಾದ ದೀಪಕ್ ಚಾಹರ್ ಮತ್ತು ರಾಹುಲ್ ಚಾಹರ್‌ಗೆ ಮಾಲತಿ ಹೆಸರಿನ ಸಹೋದರಿಯಿದ್ದಾರೆ. ತನ್ನ ಸಹೋದರರ ಬಗ್ಗೆ ಸದಾ ಕಾಳಜಿ ವಹಿಸುವ ಮಾಲತಿ, ಸಹೋದರರ ಸಾಧನೆಯತ್ತ ಗಮನ ಹರಿಸುತ್ತಿರುತ್ತಾರೆ.

# ಸುರೇಶ್ ರೈನಾ-ರೇಣು

ಭಾರತದ ಸ್ಫೋಟಕ ಬ್ಯಾಟ್ಸ್‌ಮನ್ ಸುರೇಶ್ ರೈನಾ ಪ್ರತೀ ವರ್ಷವೂ ರಕ್ಷಾ ಬಂಧನದ ದಿನ ತನ್ನ ಸಹೋದರಿ ರೇಣು ಜೊತೆಗೆ ಫೋಟೋ ಹಂಚಿಕೊಳ್ಳುತ್ತಾರೆ. ಈ ಚಿತ್ರವನ್ನು 2018ರ ರಕ್ಷಾ ಬಂಧನ ದಿನ ರೈನಾ ಶೇರ್ ಮಾಡಿದ್ದರು.

# ಸಚಿನ್ ತೆಂಡೂಲ್ಕರ್-ಸವಿತಾ

'ಕ್ರಿಕೆಟ್ ದೇವರು', ಭಾರತದ ದಂತಕತೆ ಸಚಿನ್ ತೆಂಡೂಲ್ಕರ್‌ಗೆ ಸವಿತಾ ಹೆಸರಿನ ಸಹೋದರಿಯಿದ್ದಾರೆ. ಸಚಿನ್ ತೆಂಡೂಲ್ಕರ್ ಕ್ರಿಕೆಟ್ ವೃತ್ತಿ ಜೀವನದಲ್ಲಿ ಸವಿತಾ ಮಹತ್ವದ ಪಾತ್ರ ವಹಿಸಿದ್ದಾರೆ. ಸಚಿನ್ ಕೂಡ ಸವಿತಾ ಅವರನ್ನು ಅಷ್ಟೇ ಪ್ರೀತಿಯಿಂದ ಕಾಣುತ್ತಾರೆ.

# ಅಜಿಂಕ್ಯ ರಹಾನೆ-ಅಪೂರ್ವಾ

ಭಾರತದ ಟೆಸ್ಟ್ ತಂಡದ ಉಪನಾಯಕ ಅಜಿಂಕ್ಯ ರಹಾನೆ ಮತ್ತು ಸಹೋದರಿ ಅಪೂರ್ವಾ ಉತ್ತಮ ಬಾಂಧವ್ಯ ಹೊಂದಿದ್ದಾರೆ. ಕಳೆದ ವರ್ಷ ರಹಾನೆ ರಾಖಿ ದಿನ ಇಂಗ್ಲೆಂಡ್‌ನಲ್ಲಿದ್ದರು. ಈ ಬಾರಿ ಅವರಿಗೆ ರಕ್ಷಾ ಬಂಧನ ಆಚರಿಸುವ ಅವಕಾಶ ಸಿಕ್ಕಿದೆ.

# ಸೆಹ್ವಾಗ್-ಮಂಜು-ಅಂಜು

ಭಾರತದ ಮಾಜಿ ಬ್ಯಾಟ್ಸ್‌ಮನ್ ವೀರೇಂದ್ರ ಸೆಹ್ವಾಗ್‌ಗೆ ಇಬ್ಬರು ಪ್ರೀತಿಯ ಸಹೋದರಿಯರಿದ್ದಾರೆ. ಅವರು ಹೆಸರು ಮಂಜು ಮತ್ತು ಅಂಜು. ರಕ್ಷಾ ಬಂಧನ ದಿನ ಸೆಹ್ವಾಗ್ ತನ್ನ ಸಹೋದರಿಯರೊಂದಿಗಿನ ಫೋಟೋ ಹಂಚಿಕೊಳ್ಳುತ್ತಿರುತ್ತಾರೆ.

# ಶ್ರೇಯಸ್ ಐಯ್ಯರ್-ನತಾಶಾ

ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ನಾಯಕ, ಟೀಮ್ ಇಂಡಿಯಾದಲ್ಲಿ 4ನೇ ಸ್ಥಾನಕ್ಕೆ ಗಟ್ಟಿಯಾಗುತ್ತಿರುವ ಶ್ರೇಯಸ್ ಐಯ್ಯರ್ ಅವರ ಸಹೋದರಿಯ ಹೆಸರು ನತಾಶಾ. ಸಾಮಾಜಿಕ ತಾಲತಾಣದಲ್ಲಿ ಶ್ರೇಯಸ್ ಮ್ಯಾಜಿಕ್ ಮಾಡಿ ಗಮನ ಸೆಳೆಯುವಾಗ ಆಗೀಗ ನತಾಶಾ ಕೂಡ ಕಾಣಿಸಿಕೊಂಡಿದ್ದರು.