ಮಾರ್ಷ್ ಸ್ಫೋಟಕ ಅರ್ಧ ಶತಕ, ವೆಸ್ಟ್ ಇಂಡೀಸ್‌ ವಿರುದ್ಧ ಆಸ್ಟ್ರೇಲಿಯಾಕ್ಕೆ ರೋಚಕ ಜಯ

ಸೇಂಟ್ ಲೂಸಿಯಾ: ಸೇಂಟ್ ಲೂಸಿಯಾದ ಡ್ಯಾರೆನ್ ಸಾಮಿ ಸ್ಟೇಡಿಯಂನಲ್ಲಿ ಬುಧವಾರ (ಜುಲೈ 14) ನಡೆದ ಆಸ್ಟ್ರೇಲಿಯಾ ಮತ್ತು ವೆಸ್ಟ್‌ ಇಂಡೀಸ್ ನಡುವಿನ ನಾಲ್ಕನೇ ಟಿ20ಐ ಪಂದ್ಯದಲ್ಲಿ ಆಸ್ಟ್ರೇಲಿಯಾ ತಂಡ 4 ರನ್‌ಗಳ ರೋಚಕ ಜಯ ಗಳಿಸಿದೆ. ಮಿಚೆಲ್ ಮಾರ್ಷ್ ಅವರ ಸ್ಫೋಟಕ ಅರ್ಧ ಶತಕ ಮತ್ತು ಬೌಲಿಂಗ್‌ ಕೊಡುಗೆಯಿಂದ ಆಸ್ಟ್ರೇಲಿಯಾ ತಂಡ 5 ಪಂದ್ಯಗಳ ಸರಣಿಯಲ್ಲಿ 1 ಪಂದ್ಯ ಗೆದ್ದಿದೆ.

ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡಿದ್ದ ಆಸ್ಟ್ರೇಲಿಯಾ, ನಾಯಕ ಆ್ಯರನ್ ಫಿಂಚ್ 53 (37), ಮಿಚೆಲ್ ಮಾರ್ಷ್ 75 (44), ಡೇನಿಯಲ್ ಕ್ರಿಸ್ಚಿಯನ್ 22, ಮಿಚೆಲ್ ಸ್ಟಾರ್ಕ್ 8, ಮೋಯ್ಸಸ್ ಹೆನ್ರಿಕ್ಸ್ 6 ರನ್‌ನೊಂದಿಗೆ 20 ಓವರ್‌ಗಳಲ್ಲಿ 6 ವಿಕೆಟ್ ಕಳೆದು 189 ರನ್ ಗಳಿಸಿತ್ತು.

ಗುರಿ ಬೆನ್ನಟ್ಟಿದ ವೆಸ್ಟ್‌ ಇಂಡೀಸ್, ಲೆಂಡ್ಲ್ ಸಿಮನ್ಸ್ 72 (48), ಎವಿನ್ ಲೂಯಿಸ್ 31 (14), ನಾಯಕ ನಿಕೋಲಸ್ ಪೂರನ್ 16, ಆ್ಯಂಡ್ರೆ ರಸೆಲ್ ಅಜೇಯ 24, ಫ್ಯಾಬಿಯೆನ್ ಅಲೆನ್ 29 ರನ್‌ನೊಂದಿಗೆ 20 ಓವರ್‌ಗಳಲ್ಲಿ 6 ವಿಕೆಟ್ ಕಳೆದು 185 ರನ್ ಬಾರಿಸಿ ಶರಣಾಯಿತು.

ಆಸ್ಟ್ರೇಲಿಯಾ ಇನ್ನಿಂಗ್ಸ್‌ನಲ್ಲಿ ವೆಸ್ಟ್‌ ಇಂಡೀಸ್‌ನ ಹೇಡನ್ ವಾಲ್ಶ್ 3, ಫ್ಯಾಬಿಯೆನ್ ಅಲೆನ್ 1, ಆ್ಯಂಡ್ರೆ ರಸೆಲ್ 1, ಒಶಾನೆ ಥಾಮಸ್ 1 ವಿಕೆಟ್ ಪಡೆದರೆ, ವೆಸ್ಟ್ ಇಂಡೀಸ್ ಇನ್ನಿಂಗ್ಸ್‌ ನಲ್ಲಿ ಆಸ್ಟ್ರೇಲಿಯಾದ ಮಿಚೆಲ್ ಮಾರ್ಷ್ 3, ಆ್ಯಡಂ ಜಂಪಾ 2, ರಿಲೇ ಮೆರಿಡಿತ್ 1 ವಿಕೆಟ್ ಪಡೆದರು. ಮಾರ್ಷ್ ಪಂದ್ಯಶ್ರೇಷ್ಠರೆನಿಸಿದರು.