MLC 2023: ಕ್ರಿಕೆಟ್ ಲೋಕಕ್ಕೆ ಮತ್ತೊಂದು ಫ್ರಾಂಚೈಸಿ ಲೀಗ್ ಎಂಟ್ರಿ; ಅಮೇರಿಕದಲ್ಲಿ ಕ್ರಿಕೆಟ್ ಕ್ರಾಂತಿ

ಕ್ರಿಕೆಟ್ ಆಡುವ ಹಲವು ಪ್ರಮುಖ ರಾಷ್ಟ್ರಗಳಲ್ಲಿ ಈಗಾಗಲೇ ಫ್ರಾಂಚೈಸಿ ಟಿ20 ಲೀಗ್‌ಗಳು ನಡೆಯುತ್ತಿವೆ. ಭಾರತದಲ್ಲಿ ಐಪಿಎಲ್, ಆಸ್ಟ್ರೇಲಿಯಾದಲ್ಲಿ ಬಿಬಿಎಲ್, ಪಾಕಿಸ್ತಾನದಲ್ಲಿ ಪಿಎಸ್ಎಲ್, ದಕ್ಷಿಣ ಆಫ್ರಿಕಾದಲ್ಲಿ ಎಸ್ಎ ಟಿ20 ಲೀಗ್‌ಗಳು ಆಯೋಜನೆಗೊಳ್ಳುತ್ತವೆ.

ಈ ಫ್ರಾಂಚೈಸಿ ಲೀಗ್‌ಗಳಲ್ಲಿ ದೇಶ-ವಿದೇಶಿ ಆಟಗಾರರು ಪಾಲ್ಗೊಂಡು ತಮ್ಮ ಪ್ರತಿಭೆ ಅನಾವರಣಗೊಳಿಸುವ ವೇದಿಕೆಯಾಗಿದೆ. ಅದಕ್ಕಿಂತ ಮುಖ್ಯವಾಗಿ ಕ್ರಿಕೆಟ್ ಅನ್ನು ವಿಶ್ವದ ಮೂಲೆಮೂಲೆಗೂ ತಲುಪಿಸುವುದು ಬಹುದೊಡ್ಡ ಉದ್ದೇಶವಾಗಿದೆ.

ಅದೇ ರೀತಿಯಾಗಿ ಯುನೈಟೆಡ್ ಸ್ಟೇಟ್ಸ್ ಆಫ್ ಅಮೇರಿಕದಲ್ಲಿ ಮೇಜರ್ ಲೀಗ್ ಕ್ರಿಕೆಟ್ (MLC) ಎಂಬ ಹೊಸ ಫ್ರಾಂಚೈಸಿ ಲೀಗ್ ಬರುತ್ತಿದೆ. ಇದಕ್ಕಾಗಿ ಹೂಸ್ಟನ್‌ನಲ್ಲಿ ಸೋಮವಾರ, ಮಾರ್ಚ್ 20ರಂದು ತನ್ನ ಉದ್ಘಾಟನಾ ಋತುವಿನ ಡ್ರಾಫ್ಟ್ (ಹರಾಜು) ನಡೆಸುತ್ತಿದೆ.

ಮೇಜರ್ ಲೀಗ್ ಕ್ರಿಕೆಟ್ (MLC)ನ ಮೊದಲ ಕರಡು ರಚನೆ ನಾಸಾದ ಜಾನ್ಸನ್ ಬಾಹ್ಯಾಕಾಶ ಕೇಂದ್ರದಲ್ಲಿರುವ ಸ್ಪೇಸ್ ಸೆಂಟರ್ ಹೂಸ್ಟನ್‌ನಲ್ಲಿ ನಡೆಯಲಿದೆ.

ಅಮೇರಿಕದ ಮೇಜರ್ ಲೀಗ್ ಕ್ರಿಕೆಟ್ (MLC)ನ ಮೊದಲ ಋತುವಿನಲ್ಲಿ ಆರು ತಂಡಗಳು ಭಾಗವಹಿಸಲಿದ್ದು, ಸ್ಯಾನ್ ಫ್ರಾನ್ಸಿಸ್ಕೊ ​​​​ಯುನಿಕಾರ್ನ್ಸ್, ಲಾಸ್ ಏಂಜಲೀಸ್, ನ್ಯೂಯಾರ್ಕ್, ಸಿಯಾಟಲ್ ಓರ್ಕಾಸ್, ಟೆಕ್ಸಾಸ್ ಮತ್ತು ವಾಷಿಂಗ್ಟನ್ ಡಿಸಿ ತಂಡಗಳು ಚೊಚ್ಚಲ ಟಿ20 ಪಂದ್ಯಾವಳಿಯಲ್ಲಿ ಸ್ಪರ್ಧಿಸಲಿವೆ.

ಮೇಜರ್ ಲೀಗ್ ಕ್ರಿಕೆಟ್ (ಎಂಎಲ್‌ಸಿ) ಪಂದ್ಯಾವಳಿಯು 2023ರ ಜುಲೈ 13ರಂದು ಟೆಕ್ಸಾಸ್‌ನ ಗ್ರ್ಯಾಂಡ್ ಪ್ರೈರಿಯಲ್ಲಿ ಹೊಸದಾಗಿ ನಿರ್ಮಿಸಲಾದ ಕ್ರಿಕೆಟ್ ಸ್ಟೇಡಿಯಂನಲ್ಲಿ ಪ್ರಾರಂಭವಾಗಲಿದೆ.

ಈ ಹೊಸ ಕ್ರಿಕೆಟ್‌ ಲೀಗ್‌ನಲ್ಲಿ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಫ್ರಾಂಚೈಸಿಗಳ ಮಾಲೀಕರಾದ ಮುಂಬೈ ಇಂಡಿಯನ್ಸ್, ಕೋಲ್ಕತ್ತಾ ನೈಟ್ ರೈಡರ್ಸ್ (ಕೆಕೆಆರ್), ಚೆನ್ನೈ ಸೂಪರ್ ಕಿಂಗ್ಸ್ (ಸಿಎಸ್‌ಕೆ) ಮತ್ತು ಡೆಲ್ಲಿ ಕ್ಯಾಪಿಟಲ್ಸ್ ಎಂಎಲ್‌ಸಿ ತಂಡಗಳಲ್ಲಿ ಹೂಡಿಕೆ ಮಾಡಿದ್ದಾರೆ.

ಸಿಎಸ್‌ಕೆ ಫ್ರಾಂಚೈಸಿಯು ಬಿಡ್ಡಿಂಗ್‌ನಲ್ಲಿ ಟೆಕ್ಸಾಸ್ ತಂಡವನ್ನು ಸ್ವಾಧೀನಪಡಿಸಿಕೊಂಡಿದ್ದರೆ, ಡೆಲ್ಲಿ ಕ್ಯಾಪಿಟಲ್ಸ್ ಫ್ರಾಂಚೈಸಿಯು ಸಿಯಾಟಲ್ ತಂಡದಲ್ಲಿ ಪಾಲನ್ನು ಹೊಂದಿದೆ. ಕೆಕೆಆರ್ ಫ್ರಾಂಚೈಸಿಯು ಲಾಸ್ ಏಂಜಲೀಸ್ ತಂಡವನ್ನು ಖರೀದಿಸಿದ್ದರೆ, ಮುಂಬೈ ಇಂಡಿಯನ್ಸ್ ಫ್ರಾಂಚೈಸಿಯು ನ್ಯೂಯಾರ್ಕ್ ತಂಡದ ಮಾಲೀಕನಾಗಿದೆ.

ಹಲವು ತಂಡಗಳು ಈಗಾಗಲೇ ತಮ್ಮ ಹೆಸರು ಮತ್ತು ಲೋಗೋವನ್ನು ಮೇಜರ್ ಲೀಗ್ ಕ್ರಿಕೆಟ್ (MLC)ನ ಆಡಳಿತ ಮಂಡಳಿ ಮುಂದೆ ಇರಿಸಿವೆ. ಎಲ್ಲ ತಂಡಗಳು ಆಯ್ಕೆಯಾದ ವಿದೇಶಿ ಆಟಗಾರರನ್ನು ಶೀಘ್ರದಲ್ಲೇ ಘೋಷಿಸಲಿವೆ.

ಆಟಗಾರರ ಡ್ರಾಫ್ಟ್‌ (ಹರಾಜು) ನಂತರ MLC ಟಿ20 2023 ತಂಡಗಳು:

ಲಾಸ್ ಏಜಲೀಸ್ ನೈಟ್ ರೈಡರ್ಸ್: ಅಲಿ ಖಾನ್, ಉನ್ಮುಕ್ತ್ ಚಾಂದ್, ಜಸ್ಕರನ್ ಮಲ್ಹೋತ್ರಾ, ನಿತೀಶ್ ಕುಮಾರ್, ಕಾರ್ನೆ ಡ್ರೈ, ಅಲಿ ಶೇಖ್, ಸೈಫ್ ಬದರ್, ಶಾಡ್ಲಿ ವ್ಯಾನ್ ಶಾಲ್ಹಿವ್, ಭಾಸ್ಕರ್ ಯಡ್ರಾಮ್.

ಸಿಯಾಟಲ್ ಓರ್ಕಾಸ್: ಕ್ವಿಂಟನ್ ಡಿ ಕಾಕ್, ಮಿಚೆಲ್ ಮಾರ್ಷ್, ಹರ್ಮೀತ್ ಸಿಂಗ್, ಶೆಹನ್ ಜಯಸೂರ್ಯ, ಶುಭಂ ರಂಜನಿ, ಕ್ಯಾಮರೂನ್ ಗ್ಯಾನನ್, ಆರೋನ್ ಜೋನ್ಸ್, ನೌಮನ್ ಅನ್ವರ್, ಫಣಿ ಸಿಂಹಾದ್ರಿ, ಏಂಜೆಲೊ ಪೆರೆರಾ, ಮ್ಯಾಥ್ಯೂ ಟ್ರಾಂಪ್.

ಎಂಐ ನ್ಯೂಯಾರ್ಕ್: ಸ್ಟೀವನ್ ಟೇಲರ್, ಹಮ್ಮದ್ ಅಜಮ್, ಎಹ್ಸಾನ್ ಆದಿಲ್, ನೋಸ್ತೂಶ್ ಹೆಂಜಿಗೆ, ಮೊನಾಂಕ್ ಪಟೇಲ್, ಸರ್ಬ್ಜೀತ್ ಲಡ್ಡಾ, ಶಯಾನ್ ಜಹಾಂಗೀರ್, ಉಸ್ಮಾನ್ ರಫೀಕ್, ಸಾಯಿದೀಪ್ ಗಣೇಶ್.

ಟೀಂ ಟೆಕ್ಸಾಸ್: ರಸ್ಟಿ ಥರಾನ್, ಕ್ಯಾಲ್ವಿನ್ ಸಾವೇಜ್, ಲಹಿರು ಮಿಲಂತಹಾ, ಮಿಲಿಂದ್ ಕುಮಾರ್, ಸಮಿ ಅಸ್ಲಾಮ್, ಕ್ಯಾಮೆರಾನ್ ಸ್ಟೀವನ್ಸನ್, ಕೋಡಿ ಚೆಟ್ಟಿ, ಜಿಯಾ ಶಹಜಾದ್, ಸೈತೇಜಾ ಮುಕಮಲ್ಲ.

ವಾಷಿಂಗ್ಟನ್ ಪ್ರೀಡಮ್: ಅನ್ರಿಚ್ ನಾರ್ಟ್ಜೆ, ವನಿಂದು ಹಸರಂಗ, ಆಂಡ್ರೀಸ್ ಗೌಸ್, ಮುಖ್ತಾರ್ ಅಹ್ಮದ್, ಒಬುಸ್ ಪಿನಾರ್, ಸೌರಭ್ ನೇತ್ರವಲ್ಹರ್, ಸಾದ್ ಅಲಿ, ಡೇನ್ ಪಿಯೆಡ್, ಸುಜಿತ್ ಗೌಡ, ಜಸ್ಟಿನ್ ಡಿಲ್, ಅಖಿಲೇಶ್ ಬೊಡುಗುಮ್.

ಸ್ಯಾನ್ ಫ್ರಾನ್ಸಿಸ್ಕೋ ಯುನಿಕಾರ್ನ್ಸ್: ಆರೋನ್ ಫಿಂಚ್, ಮಾರ್ಕಸ್ ಸ್ಟೊಯಿನಿಸ್, ಕೋರಿ ಆಂಡರ್ಸನ್, ಲಿಯಾಮ್ ಪ್ಲಂಕೆಟ್, ತಾಜಿಂದರ್ ಸಿಂಗ್, ಚೈತನ್ಯ ಬಿಷ್ಣೋಯ್, ಕಾರ್ಮಿ ಲೆ ರೌಕ್ಸ್, ಬ್ರಾಡಿ ಕೌಚ್, ಡೇವಿಡ್ ವೈಟ್, ಸ್ಮಿತ್ ಪಟೇಲ್, ಸಂಜಯ್ ಕೃಷ್ಣಮೂರ್ತಿ.