ಜೊತೆಯಾಗಿ ಊಟ, ತಡರಾತ್ರಿಯ ಹರಟೆ: ಧೋನಿ ಜೊತೆಗಿನ ಆಫ್‌ಫೀಲ್ಡ್ ಕ್ಷಣಗಳ ಮೆಲುಕು ಹಾಕಿದ ಶಮಿ

ತಡರಾತ್ರಿಯವರೆಗೂ ಹರಟೆ

ಧೋನಿ ಬಗೆಗಿನ ತುಂಬಾ ಇಷ್ಟಾಗುವ ಅಂಶವೇನೆಂದರೆ ಅವರು ಎಲ್ಲರ ಜೊತೆಗೆ ಕೂಡಿಕೊಂಡು ಊಟ ಮಾಡಲು ಬಯಸುತ್ತಿದ್ದರು. ಅವರ ಜೊತೆಗೆ ಯಾವಾಗಲೂ ಎರಡರಿಂದ ನಾಲ್ಕು ಜನರ ಗುಂಪು ಇದ್ದೇ ಇರುತ್ತಿತ್ತು. ಅವರೊಂದಿಗೆ ತಡ ರಾತ್ರಿಯವರೆಗೂ ಹರಟುತ್ತಾ ಕಾಲ ಕಳೆಯುತ್ತಿದ್ದೆವು. ಇವುಗಳನ್ನು ನಾನು ತುಂಬಾ ಮಿಸ್ ಮಾಡಿಕೊಳ್ಳುತ್ತಿದ್ದೇನೆ ಎಂದು ಶಮಿ ಹೇಳಿದ್ದಾರೆ.

ಸಾಮಾನ್ಯರಂತೆಯೇ ಬೆರೆಯುತ್ತಾರೆ

ನಾನು ಧೋನಿಯ ಜೊತೆಗೆ ಐಪಿಎಲ್ ಒಂದು ಬಿಟ್ಟು ಎಲ್ಲಾ ಮಾದರಿಯ ಕ್ರಿಕೆಟ್‌ನಲ್ಲೂ ಆಟವಾಡಿದ್ದೇನೆ. ಅಗತ್ಯ ಮಾರ್ಗದರ್ಶನಗಳನ್ನು ಸಹ ಆಟಗಾರರಿಗೆ ನೀಡುತ್ತಾ ಇರುತ್ತಾರೆ. ಅವರೊಂದಿಗೆ ಇರುವ ಸಂದರ್ಭದಲ್ಲಿ ನಿಮಗೆ ಅವರು ಮಹೇಂದ್ರ ಸಿಂಗ್ ಧೋನಿ ಎಂದು ಅನಿಸುವುದೇ ಇಲ್ಲ. ಅಷ್ಟು ಸಾಮಾನ್ಯರಂತೆ ಬೆರೆಯುತ್ತಾರೆ ಎಂದಿದ್ದಾರೆ ಮೊಹಮದ್ ಶಮಿ.

ವಿಶ್ವಕಪ್‌ ಬಳಿಕ ಧೋನಿ ಅಜ್ಞಾತವಾಸ

ಮಹೇಂದ್ರ ಸಿಂಗ್ ಧೋನಿ ಈ ಬಾರಿ ಐಪಿಎಲ್‌ನಲ್ಲಿ ಮತ್ತೆ ಕಣಕ್ಕಿಳಿಯಲು ಸಿದ್ಧರಾಗಿದ್ದರು. ಆದರೆ ಕೊರೊನಾ ವೈರಸ್‌ನ ಕಾರಣದಿಂದಾಗಿ ಅನಿರ್ದಿಷ್ಟಾವಧಿಗೆ ಮುಂದೂಡಲ್ಪಟ್ಟಿದೆ. ಕಳೆದ ಏಕದಿನ ವಿಶ್ವಕಪ್‌ನಲ್ಲಿ ಟೀಮ್ ಇಂಡಿಯಾ ಸೆಮಿ ಫೈನಲ್‌ನಲ್ಲಿ ಹೊರಬಿದ್ದ ಬಳಿಕ ಧೋನಿ ಕ್ರಿಕೆಟ್‌ನಿಂದ ದೂರವುಳಿದುಕೊಂಡಿದ್ದಾರೆ.