ಕಾರ್ಲೋಸ್ ಬ್ರಾಥ್‌ವೇಟ್ ಜಗತ್ತಿಗೆ ಪರಿಚಯವಾದ ದಿನವಿದು!

ಕೊನೇ ಓವರ್‌ ರೋಚಕವೆನಿಸಿದ್ದ ಪಂದ್ಯ

ಕೊನೇ ಓವರ್‌ಗೆ ತಂಡ ಗೆಲ್ಲಲು 19 ರನ್ ಬೇಕಿದ್ದಾಗ ಸ್ಟ್ರೈಕ್‌ನಲ್ಲಿದ್ದ ಕಾರ್ಲೋಸ್ ಬ್ರಾತ್‌ವೇಟ್ ಬೆನ್ ಸ್ಟೋಕ್ಸ್ ಅವರ ಸತತ ನಾಲ್ಕು ಎಸೆತಗಳನ್ನು ಸಿಕ್ಸ್‌ ಲೈನ್‌ನತ್ತ ಅಟ್ಟಿದ್ದರು. ಅಂದಿನ ಪಂದ್ಯದಲ್ಲಿ ವೆಸ್ಟ್‌ ಇಂಡೀಸ್ ತಂಡ 4 ವಿಕೆಟ್‌ಗಳ ಜಯ ದಾಖಲಿಸಿತ್ತು. ಅದೂ ಕೂಡ ರೋಚಕ ಪಂದ್ಯದಲ್ಲಿ ಇನ್ನೂ 2 ಎಸೆತಗಳು ಬಾಕಿಯುಳಿಸಿ ವಿಂಡೀಸ್ ಎರಡನೇ ಟಿ20 ವಿಶ್ವಕಪ್‌ ಟ್ರೋಫಿ ಗೆದ್ದಿತ್ತು. (ಸ್ಕೋರ್‌ಕಾರ್ಡ್: ಇಂಗ್ಲೆಂಡ್ 155/9 wkts, 20 Ov, ವೆಸ್ಟ್‌ ಇಂಡೀಸ್ 161/6, 19.4 Ov)

ಕೆಳ ಕ್ರಮಾಂಕದಲ್ಲಿ ಸ್ಫೋಟಕ ಬ್ಯಾಟಿಂಗ್

ಆ ವಿಶ್ವಕಪ್‌ ಫೈನಲ್‌ ಪಂದ್ಯದಲ್ಲಿ 8ನೇ ಬ್ಯಾಟಿಂಗ್‌ ಕ್ರಮಾಂಕದಲ್ಲಿ ಬ್ಯಾಟಿಂಗ್‌ಗೆ ಬಂದಿದ್ದ ಬ್ರಾತ್‌ವೇಟ್ 10 ಎಸೆತಗಳಿಗೆ ಅಜೇಯ 34 ರನ್ ಬಾರಿಸಿದ್ದರು. ಇದರಲ್ಲಿ 1 ಫೋರ್‌, 4 ಸಿಕ್ಸರ್ ಸೇರಿತ್ತು. ವಿಂಡೀಸ್ ಮತ್ತೊಬ್ಬ ದಾಂಡಿಗ ಮಾರ್ಲಸ್ ಸ್ಯಾಮುವೆಲ್ಸ್ ಕೂಡ ಅಂದು 66 ಎಸೆತಗಳಲ್ಲಿ ಅಜೇಯ 85 ರನ್ ಬಾರಿಸಿ ತಂಡದ ಗೆಲುವಿಗೆ ಕಾರಣರಾಗಿದ್ದರು.

ವಿಂಡೀಸ್‌ ಮೊದಲ ಟಿ20 ವಿಶ್ವಕಪ್‌ ಗೆದ್ದಿದ್ದು

2016ರ ಟಿ20 ವಿಶ್ವಕಪ್‌ ಟ್ರೋಫಿಗೂ ಮುನ್ನ ವಿಂಡೀಸ್ 2012ರಲ್ಲಿ ಮೊದಲ ಟಿ20 ವಿಶ್ವಕಪ್‌ ಜಯಿಸಿತ್ತು. ಅಂದ್ಹಾಗೆ ಆವತ್ತು ಹೀರೋ ಆಗಿ ಮಿನುಗಿದ್ದ ಬ್ರಾತ್‌ ವೇಟ್ ಈ ಹಿಂದೆ ಐಪಿಎಲ್‌ನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್, ಸನ್ ರೈಸರ್ಸ್ ಹೈದರಾಬಾದ್ ಮತ್ತು ಕೋಲ್ಕತ್ತಾ ನೈಟ್ ರೈಸರ್ಡ್ ಪರ ಆಡಿದ್ದರು. ಈ ಬಾರಿಯ ಐಪಿಎಲ್‌ನಲ್ಲಿ ಬ್ರಾತ್‌ವೇಟ್ ಆಡುತ್ತಿಲ್ಲ.