ಒಂದೇ ಇನ್ನಿಂಗ್ಸ್‌ನಲ್ಲಿ ಭಾರತದ ತ್ರಿಮೂರ್ತಿಗಳು ಶತಕ ಬಾರಿಸಿದ್ದ ವಿಶೇಷ ದಿನವಿದು!

ನನಿಗೆ ಡ್ರೆಸ್ ಸೆನ್ಸ್ ಹೇಳಿಕೊಟ್ಟಿದ್ದೆ ಇವರು! | Oneindia Kannada

ಸಚಿನ್ ತಂಡೂಲ್ಕರ್, ಸೌರವ್ ಗಂಗೂಲಿ, ರಾಹುಲ್ ದ್ರಾವಿಡ್ ಅಬ್ಬರ

ಇಂಗ್ಲೆಂಡ್‌ಗೆ ಪ್ರವಾಸ ಹೋಗಿದ್ದ ಭಾರತ 2002ರಲ್ಲಿ ಲೀಡ್ಸ್‌ನ ಹೆಡಿಂಗ್ಲಿಯಲ್ಲಿ ಮೂರನೇ ಟೆಸ್ಟ್‌ ಪಂದ್ಯ ಆಡಿತ್ತು. ಈ ವೇಳೆ ಟಾಸ್ ಗೆದ್ದು ಬ್ಯಾಟಿಂಗ್‌ ಆಯ್ದುಕೊಂಡಿದ್ದ ಭಾರತ, ಸಂಜಯ್ ಬಂಗಾರ್ 68, ವೀರೇಂದ್ರ ಸೆಹ್ವಾಗ್ 8, ರಾಹುಲ್ ದ್ರಾವಿಡ್ 148 (307), ಸಚಿನ್ ತೆಂಡೂಲ್ಕರ್ 193 (330), ಸೌರವ್ ಗಂಗೂಲಿ 128 (167), ವಿವಿಎಸ್ ಲಕ್ಷ್ಮಣ್ 6, ಅಜಿತ್ ಅಗರ್ಕರ್ 2, ಪಾರ್ಥಿವ್ ಪಟೇಲ್ ಅಜೇಯ 7, ಹರ್ಭಜನ್ ಸಿಂಗ್ 18 ರನ್‌ನೊಂದಿಗೆ 180.1 ಓವರ್‌ಗೆ 8 ವಿಕೆಟ್ ಕಳೆದು 628 ರನ್ ಗಳಿಸಿ ಡಿಕ್ಲೇರ್ ಘೋಷಿಸಿತ್ತು. ಇಂಗ್ಲೆಂಡ್ ಬೌಲರ್‌ಗಳಲ್ಲಿ ಮ್ಯಾಥ್ಯೂ ಹಾಗಾರ್ಡ್ 1, ಆಂಡಿ ಕ್ಯಾಡಿಕ್ 3, ಅಲೆಕ್ಸ್ ಟ್ಯೂಡರ್ 2, ಆಂಡ್ರ್ಯೂ ಫ್ಲಿಂಟಾಫ್ 1, ಆಶ್ಲೇ ಗೈಲ್ಸ್ 1 ವಿಕೆಟ್‌ ಪಡೆದಿದ್ದರು.

ಇಂಗ್ಲೆಂಡ್ ಆರಂಭಿಕ ಇನ್ನಿಂಗ್ಸ್‌ನಲ್ಲಿ ಆಂಗ್ಲರಿಂದ ನೀರಸ ಬ್ಯಾಟಿಂಗ್‌

ಇಂಗ್ಲೆಂಡ್ ಆರಂಭಿಕ ಇನ್ನಿಂಗ್ಸ್‌ನಲ್ಲಿ ನೀರಸ ಬ್ಯಾಟಿಂಗ್‌ ನೀಡಿತ್ತು. ಅಲೆಕ್ ಸ್ಟೆವರ್ಟ್ ಮತ್ತು ಮೈಕಲ್ ವಾನ್ ಅರ್ಧ ಶತಕ ಬಾರಿಸಿದ್ದು ಬಿಟ್ಟರೆ ಉಳಿದ ಯಾರಿಂದಲೂ ಗಮನಾರ್ಹ ರನ್ ಬರಲಿಲ್ಲ. ರಾಬ್ ಕೀ 30, ಮೈಕಲ್ ವಾನ್ 61, ಮಾರ್ಕ್ ಬುಚರ್ 16, ನಾಯಕ ನಾಸೆರ್ ಹುಸೇನ್ 25, ಜಾನ್ ಕ್ರಾವ್ಲೆ 13, ಅಲೆಕ್ ಸ್ಟೆವರ್ಟ್ 78, ಅಲೆಕ್ಸ್ ಟ್ಯೂಡರ್ 1, ಆಶ್ಲೇ ಗೈಲ್ಸ್ 25 ರನ್ ಕೊಡುಗೆಯೊಂದಿಗೆ ಇಂಗ್ಲೆಂಡ್ 89 ಓವರ್‌ಗೆ ಎಲ್ಲಾ ವಿಕೆಟ್ ಕಳೆದು 273 ರನ್ ಗಳಿಸಿತ್ತು. ಈ ವೇಳೆ ಭಾರತದ ಝಹೀರ್ ಖಾನ್ 2, ಅಜಿತ್ ಅಗರ್ಕರ್ 2, ಅನಿಲ್ ಕುಂಬ್ಳೆ 3, ಹರ್ಭಜನ್ ಸಿಂಗ್ 3 ವಿಕೆಟ್‌ನೊಂದಿಗೆ ಗಮನ ಸೆಳೆದಿದ್ದರು.

ಭಾರತಕ್ಕೆ ಇನ್ನಿಂಗ್ಸ್‌ ಸಹಿತ ಭರ್ಜರಿ ಗೆಲುವು

ಆರಂಭಿಕ ಇನ್ನಿಂಗ್ಸ್‌ನಲ್ಲಿ ಇಂಗ್ಲೆಂಡ್ ದೊಡ್ಡ ರನ್ ಗಳಿಸದಿದ್ದರಿಂದ ಆಂಗ್ಲರಿಗೆ ದ್ವಿತೀಯ ಇನ್ನಿಂಗ್ಸ್‌ಗೆ ಫಾಲೋ ಆನ್ ನೀಡಲಾಗಿತ್ತು. ರಾಬ್ ಕೀ 34, ಮೈಕಲ್ ವಾನ್ 15, ಮಾರ್ಕ್ ಬುಚರ್ 42, ನಾಯಕ ನಾಸೆರ್ ಹುಸೇನ್ 110, ಜಾನ್ ಕ್ರಾವ್ಲೆ 12, ಅಲೆಕ್ ಸ್ಟೆವರ್ಟ್ 47, ಅಲೆಕ್ಸ್ ಟ್ಯೂಡರ್ 21, ಆಶ್ಲೇ ಗೈಲ್ಸ್ 10 ರನ್ ನೊಂದಿಗೆ 110.5 ಓವರ್‌ಗೆ ಎಲ್ಲಾ ವಿಕೆಟ್ ಕಳೆದು 309 ಬಾರಿಸುವ ಮೂಲಕ 46 ರನ್‌ನಿಂದ ಸೋತಿತ್ತು. ಇಂಗ್ಲೆಂಡ್ ದ್ವಿತೀಯ ಇನ್ನಿಂಗ್ಸ್‌ನಲ್ಲಿ ಭಾರತದ ಝಹೀರ್ ಖಾನ್ 1, ಅಜಿತ್ ಅಗರ್ಕರ್ 1, ಅನಿಲ್ ಕುಂಬ್ಳೆ 4, ಹರ್ಭಜನ್ ಸಿಂಗ್ 1, ಸಂಜಯ್ ಬಂಗಾರ್ 2 ವಿಕೆಟ್ ಪಡೆದಿದ್ದರು. ಇಂಗ್ಲೆಂಡ್ ಆವತ್ತು ಇನ್ನಿಂಗ್ಸ್‌ ಸಹಿತ ಗೆದ್ದಿತ್ತು. ರಾಹುಲ್ ದ್ರಾವಿಡ್ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದುಕೊಂಡಿದ್ದರು. ಆವತ್ತು ನಾಲ್ಕು ಪಂದ್ಯಗಳ ಟೆಸ್ಟ್‌ ಸರಣಿ 1-1ರಿಂದ ಸಮಬಲಗೊಂಡಿತ್ತು. ಎರಡು ಪಂದ್ಯಗಳು ಡ್ರಾ ಅನ್ನಿಸಿದ್ದವು.