ಇಂಗ್ಲೆಂಡ್ ವಿರುದ್ಧ ಹೀನಾಯ ಸೋಲು: ನಾಯಕ ಬಾಬರ್ ಅಜಂ ಸ್ಥಾನ ಅಪಾಯದಲ್ಲಿ!

ಬೌಲರ್‌ಗಳು ಗಾಯಗೊಂಡಿದ್ದು ಸೋಲಿಗೆ ಕಾರಣ!

ಪಾಕಿಸ್ತಾನ ತಂಡದ ಮೂವರು ಪ್ರಮುಖ ವೇಗಿಗಳಾದ ಶಾಹೀನ್ ಅಫ್ರಿದಿ, ಹ್ಯಾರಿಸ್ ರೌಫ್ ಮತ್ತು ನಸೀಮ್ ಷಾ ಅವರು ಗಾಯಗೊಂಡಿದ್ದು ತಂಡದ ಯೋಜನೆಗಳ ಮೇಲೆ ಪರಿಣಾಮ ಬೀರಿತು. ಮೂವರು ಬೌಲರ್ ಅಲಭ್ಯತೆ ತಂಡದ ಬೌಲಿಂಗ್ ವಿಭಾಗವನ್ನು ದುರ್ಬಲಗೊಳಿಸಿತು ಎಂದು ಬಾಬರ್ ಸಭೆಯಲ್ಲಿ ತಿಳಿಸಿದರು.

ಇಂಗ್ಲೆಂಡ್, ಆಸ್ಟ್ರೇಲಿಯಾ ಮತ್ತು ನ್ಯೂಜಿಲೆಂಡ್‌ನಂತಹ ಪ್ರಮುಖ ಟೆಸ್ಟ್ ತಂಡಗಳನ್ನು ಎದುರಿಸುವ ಗುಣಮಟ್ಟ ಪಾಕಿಸ್ತಾನಕ್ಕೆ ಇಲ್ಲ ಎಂದು ಬಾಬರ್ ಅಜಂ ಸಭೆಯಲ್ಲಿ ಹೇಳಿದರು ಎನ್ನಲಾಗಿದೆ. ಡಿಸೆಂಬರ್ 26 ರಿಂದ ಎರಡು ಟೆಸ್ಟ್ ಮತ್ತು ಮೂರು ಏಕದಿನ ಪಂದ್ಯಗಳನ್ನು ಆಡಲು ನ್ಯೂಜಿಲೆಂಡ್ ಪಾಕಿಸ್ತಾನಕ್ಕೆ ತೆರಳಲಿದೆ.

ಭಾರತದಲ್ಲಿ ನಡೆಯುವ ಏಕದಿನ ವಿಶ್ವಕಪ್‌ಗೆ ಪಾಕಿಸ್ತಾನ ಬಹಿಷ್ಕಾರ ಹಾಕುವ ಬಗ್ಗೆ ನಿರ್ಧರಿಸಿಲ್ಲ ಎಂದ ಪಿಸಿಬಿ

2023ರ ಜುಲೈನಲ್ಲಿ ನಾಯಕತ್ವ ಬದಲಾವಣೆ

ಬಾಬರ್ ಅಜಮ್ ಟೆಸ್ಟ್ ನಾಯಕತ್ವಕ್ಕೆ ಸಂಬಂಧಿಸಿದಂತೆ ಸಭೆಯಲ್ಲಿ ಸಾಕಷ್ಟು ಚರ್ಚೆ ನಡೆಯಿತು. ಬಾಬರ್ ಮುಂದಿನ ದಿನಗಳಲ್ಲಿ ಏಕದಿನ ಮತ್ತು ಟಿ20 ತಂಡದ ನಾಯಕರಾಗಿ ಮುಂದುವರೆಯಲಿದ್ದಾರೆ. ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ನ (WTC) ಫೈನಲ್ ಮುಗಿದ ಬಳಿಕ, ಬಾಬರ್ ಅಜಂ ಟೆಸ್ಟ್ ನಾಯಕತ್ವ ತೊರೆಯಲಿದ್ದಾರೆ ಎಂದು ಹೇಳಲಾಗಿದೆ.

ತವರಿನಲ್ಲಿ ಸತತವಾಗಿ ನಾಲ್ಕು ಟೆಸ್ಟ್ ಪಂದ್ಯಗಳಲ್ಲಿ ಸೋತ ಮೊದಲ ನಾಯಕ ಎನ್ನುವ ಕೆಟ್ಟ ದಾಖಲೆ ಮಾಡಿದ್ದಾರೆ. 2023ರ ಜುಲೈನಲ್ಲಿ ಪಾಕಿಸ್ತಾನ ಟೆಸ್ಟ್ ನಾಯಕನಾಗಿ ಶಾನ್ ಮಸೂದ್ ಅಥವಾ ಮೊಹಮ್ಮದ್ ರಿಜ್ವಾನ್ ನೇಮಕವಾಗುವ ಸಾಧ್ಯತೆ ಇದೆ.

ಕೋಚ್ ಕೂಡ ಬದಲಾವಣೆ

ಸಭೆಯ ಅವಧಿಯಲ್ಲಿ, ಸಕ್ಲೇನ್ ಮುಷ್ತಾಕ್ ಅವರು ನ್ಯೂಜಿಲೆಂಡ್ ವಿರುದ್ಧದ ಸರಣಿಯ ನಂತರ ಜನವರಿ 2023 ರಲ್ಲಿ ಮುಖ್ಯ ತರಬೇತುದಾರನ ಪಾತ್ರವನ್ನು ತೊರೆಯಲು ಬಯಸುವುದಾಗಿ ಸ್ಪಷ್ಟವಾಗಿ ಹೇಳಿದ್ದಾರೆ.

ಮಿಸ್ಬಾ-ಉಲ್-ಹಕ್ ಅವರ ರಾಜೀನಾಮೆಯ ನಂತರ ಮಧ್ಯಂತರ ಆಧಾರದ ಮೇಲೆ ಸಕ್ಲೇನ್ ಸೆಪ್ಟೆಂಬರ್ 2021 ರಲ್ಲಿ ಕೋಚ್ ಆಗಿ ನೇಮಕವಾದರು. ಫೆಬ್ರವರಿ 2022 ರಲ್ಲಿ ಅವರನ್ನು ಖಾಯಂ ಮುಖ್ಯ ಕೋಚ್ ಆಗಿ ಅಂತಿಮಗೊಳಿಸಲಾಯಿತು.