ತಲೆಗೆ ಚೆಂಡು ಬಡಿದು ಕ್ಲಬ್ ಕ್ರಿಕೆಟರ್ ದುರಂತ ಸಾವು

ಕರಾಚಿ, ಆಗಸ್ಟ್ 16: ಪಾಕಿಸ್ತಾನದ ಕ್ಲಬ್ ಕ್ರಿಕೆಟ್ ಆಟಗಾರನೊಬ್ಬ ದುರಂತ ಸಾವನ್ನಪ್ಪಿದ್ದಾರೆ. ಜುಬೇರ್ ಅಹ್ಮದ್ ಎಂಬಾತ ತಲೆಗೆ ಪೆಟ್ಟು ಬಿದ್ದು ಮೈದಾನದಲ್ಲೇ ಅಸುನೀಗಿದ ಘಟನೆ ನಡೆದಿದೆ. ಈ ಬಗ್ಗೆ ಪಾಕಿಸ್ತಾನ ಕ್ರಿಕೆಟ್ ಮಂಡಳಿಯು ಬುಧವಾರ(ಆಗಸ್ಟ್ 16) ದಂದು ಅಧಿಕೃತ ಪ್ರಕಟಣೆ ಹೊರಡಿಸಿದೆ.

ದುರಂತ ಅಂತ್ಯ ಕಂಡ ಕ್ರಿಕೆಟರ್ಸ್ ಪಟ್ಟಿ

ಮರ್ದಾನ್ ಜಿಲ್ಲೆಯ ಖೈಬರ್ ಪ್ರಾಂತ್ಯದಲ್ಲಿ ನಡೆಯುತ್ತಿದ್ದ ಕ್ಲಬ್ ಪಂದ್ಯದಲ್ಲಿ ಜುಬೈರ್ ಅವರು ಬ್ಯಾಟಿಂಗ್ ಮಾಡುವಾಗ ತಲೆಗೆ ಚೆಂಡು ಬಡಿದು ಕುಸಿದು ಬಿದ್ದಿದ್ದಾರೆ. ತಕ್ಷಣವೇ ಪ್ರಾಥಮಿಕ ಚಿಕಿತ್ಸೆ ಕೊಡಿಸಿ, ಆಸ್ಪತ್ರೆಗೆ ಸೇರಿಸುವ ಪ್ರಯತ್ನ ಮಾಡಿದರೂ ಫಲ ನೀಡಲಿಲ್ಲ.

'ಆಟಗಾರರು ಸುರಕ್ಷತೆ ಬಗ್ಗೆ ಗಮನಹರಿಸಬೇಕು, ಹೆಲ್ಮೆಟ್ ಧರಿಸದೇ ಆಡಬಾರದು ಅಂತಾನೂ ಮನವಿ ಸಹಿತ, ಸಾವಿನ ಸುದ್ದಿಯನ್ನು ಪಾಕಿಸ್ತಾನ ಕ್ರಿಕೆಟ್ ಮಂಡಳಿ ಟ್ವೀಟ್ ಮಾಡಿದೆ.

ಎದೆಗೆ ಚೆಂಡು ಬಡಿದು ಯುವ ಕ್ರಿಕೆಟರ್ 'ದುರಂತ' ಸಾವು

ಫಖರ್ ಜಮಾನ್ ಅಕಾಡೆಮಿ ಪರವಾಗಿ ಜುಬೈನ್ ಅವರು ಆಡುತ್ತಿದ್ದರು. ಬ್ಯಾಟಿಂಗ್ ಮಾಡುತ್ತಿದ್ದ ಜುಬೇರ್ ತಲೆಗೆ ಹೆಲ್ಮೆಟ್ ಹಾಕಿರಲಿಲ್ಲ. ಶಾರ್ಟ್ ಪಿಚ್ ಬಾಲ್ ಒಂದು ವೇಗವಾಗಿ ಬಂದು ತಲೆಗೆ ಬಡಿದಿದ್ದರಿಂದ ಸಾವನ್ನಪ್ಪಿದ್ದಾನೆ.

Tragic death of Zubair Ahmed is another reminder that safety gear i.e. helmet must be worn at all times. Our sympathies with Zubair's family pic.twitter.com/ZNmWDYaT5w

— PCB Official (@TheRealPCB) August 16, 2017

ಇತ್ತೀಚೆಗೆ ಅಭ್ಯಾಸ ಪಂದ್ಯವೊಂದರಲ್ಲಿ ಆಸ್ಟ್ರೇಲಿಯಾದ ಉಪನಾಯಕ ಡೇವಿಡ್ ವಾರ್ನರ್ ಕುತ್ತಿಗೆಗೆ ಕೂಡ ಪೆಟ್ಟು ಬಿದ್ದಿತ್ತು. ಜೋಶ್ ಹೇಜಲ್ವುಡ್ ಎಸೆದ ಚೆಂಡು ವಾರ್ನರ್ ಕುತ್ತಿಗೆಗೆ ತಗುಲಿತ್ತು. ವಾರ್ನರ್ ಚೇತರಿಸಿಕೊಳ್ಳುತ್ತಿದ್ದು, ಬಾಂಗ್ಲಾ ವಿರುದ್ಧದ ಟೆಸ್ಟ್ ಗೆ ಫಿಟ್ ಆಗಲಿದ್ದಾರೆ ಎಂದು ಕ್ರಿಕೆಟ್ ಆಸ್ಟ್ರೇಲಿಯಾ ಹೇಳಿದೆ.