ಪಾಕಿಸ್ತಾನ ಎದುರಿನ ಸೋಲಿಗೆ ಜಿಂಬಾಬ್ವೆ ಹೀಯಾಳಿಸಿದ ಪಾಕ್ ಮಾಜಿ ಕ್ರಿಕೆಟಿಗ!

'ದುರ್ಬಲ ಪ್ರದರ್ಶನಕ್ಕೆ ಸಾಕ್ಷಿ'

ಪಾಕ್‌ ಮಾಜಿ ನಾಯಕರಾಗಿರುವ ರಮೀಜ್ ರಾಜ, ಜಿಂಬಾಬ್ವೆ ತಂಡ ದುರ್ಬಲ ಪ್ರಚಾರಕ್ಕೆ ಸಾಕ್ಷಿಯಾಗಿತ್ತು. ಆಫ್ರಿಕನ್ ರಾಷ್ಟ್ರ ಜಿಂಬಾಬ್ವೆ ವೈಟ್‌ಬಾಲ್‌ನತ್ತ ಗಮನ ಹರಿಸಬೇಕು ಎಂದು ಸಲಹೆ ನೀಡಿದ್ದಾರೆ. ಜೊತೆಗೆ ಪಾಕ್‌ ತಂಡ ಬಲಿಷ್ಠ ತಂಡಗಳ ಜೊತೆಗೆ ಪಂದ್ಯಗಳನ್ನಾಡಬೇಕು ಎಂದೂ ಹೇಳಿದ್ದಾರೆ.

'ತಮಾಷೆಯಾಗಿ ಕಾಣಿಸುತ್ತವೆ'

'ಇಂಥ ಒನ್‌ಸೈಡ್ ಪಂದ್ಯಗಳು ತಮಾಷೆಯಾಗಿ ಕಾಣಿಸುತ್ತವೆ. ಇಂಥವುಗಳು ಕ್ರಿಕೆಟ್‌ ಅಭಿಮಾನಿಗಳನ್ನು ಇತರ ಕ್ರೀಡೆಗಳತ್ತ ಹೊರಳುವಂತೆ ಮಾಡುತ್ತವೆ. ದುರ್ಬಲ ತಂಡಗಳು ಬಲಿಷ್ಠ ತಂಡಗಳ ಜೊತೆಗೆ ಆಡುವಾಗ ಫಲಿತಾಂಶ ಏನು ಬರುತ್ತೆ ಅನ್ನುವುದಕ್ಕಿಂತಲೂ ಪಂದ್ಯದಿಂದ ಏನನ್ನು ಕಲಿತೆವು ಅನ್ನುವುದರತ್ತ ಗಮನ ಹರಿಸಬೇಕಾಗುತ್ತದೆ. ಜಿಂಬಾಬ್ವೆ ಕೂಡ ಅದನ್ನು ಮಾಡಬೇಕು,' ಎಂದು ರಮೀಜ್ ಸಲಹೆ ನೀಡಿದ್ದಾರೆ.

'ಬಲಿಷ್ಠರೆದುರು ಪಾಕ್ ಆಡಲಿ'

ಜಿಂಬಾಬ್ವೆ ಹಿಂದಿನ ಸೋಲುಗಳಿಂದ ಹೊಸದೇನನ್ನೋ ಕಲಿತಂತಿಲ್ಲ. ಯಾಕಂದರೆ ಪಾಕ್‌ ಎದುರು ಜಿಂಬಾಬ್ವೆ ಹೀನಾಯವಾಗಿ ಸೋಲುತ್ತಲೇಯಿದೆ. ಆದ್ದರಿಂದ ಪಾಕ್‌ ತಂಡ ಇನ್ಮುಂದೆ ಬಲಿಷ್ಠ ತಂಡಗಳ ವಿರುದ್ಧ ಹೆಚ್ಚು ವೇಳಾಪಟ್ಟಿ ಇಟ್ಟುಕೊಳ್ಳಬೇಕು,' ಎಂದು ರಾಜ ಹೇಳಿದ್ದಾರೆ. ದ್ವಿತೀಯ ಟೆಸ್ಟ್‌ನಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್‌ ಆಯ್ದುಕೊಂಡಿದ್ದ ಪಾಕ್ 510 ರನ್ ಗಳಿಸಿ ಡಿಕ್ಲೇರ್ ಘೋಷಿಸಿದ್ದರೆ, ಜಿಂಬಾಬ್ವೆ 132+231 ರನ್ ಗಳಿಸಿ ಶರಣಾಗಿತ್ತು.