ಪಾಕಿಸ್ತಾನದ ಯುವ ಕ್ರಿಕೆಟಿಗನಿಗೆ ಭಾರತದ ಹಿಟ್‌ಮ್ಯಾನ್‌ ಆದರ್ಶ!

ಯಾರು ಈ ಯುವ ಪ್ರತಿಭೆ

ಪಾಕಿಸ್ತಾನ ಕ್ರಿಕೆಟ್‌ನಲ್ಲಿ ಮಿಂಚು ಹರಿಸುತ್ತಿರುವ ಈ ಯುವ ಪ್ರತಿಭೆ ಬೇರೆ ಯಾರೂ ಅಲ್ಲ. ಅದು ಹೈದರ್ ಅಲಿ. ಪಾಕಿಸ್ತಾನ ಅಂಡರ್ 19 ಮತ್ತು ಪಿಎಸ್‌ಎಲ್‌ನಲ್ಲಿ ಅದ್ಭುತ ಪ್ರದರ್ಶನವನ್ನು ನೀಡಿ ಪಾಕಿಸ್ತಾನ ರಾಷ್ಟ್ರೀಯ ತಂಡದ ಕದ ತಟ್ಟುತ್ತಿದ್ದಾರೆ

ಕೊಹ್ಲಿ, ಬಾಬರ್‌ಗೆ ಹೋಲಿಕೆ

ಈ ಬಾರಿಯ ಪಿಎಸ್ಎಲ್‌ನಲ್ಲಿ ಅದ್ಭುತ ಪ್ರದರ್ಶನವನ್ನು ನೀಡಿರುವ ಹೈದರ್ ಅಲಿಯನ್ನು ಪಾಕಿಸ್ತಾನದ ಕ್ರಿಕೆಟ್ ಪಂಡಿತರು ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಮತ್ತು ಪಾಖಿಸ್ತಾನದ ಸೂಪರ್ ಸ್ಟಾರ್ ಬಾಬರ್ ಅಝಮ್‌ಗೆ ಹೋಲಿಕೆ ಮಾಡುತ್ತಿದ್ದಾರೆ. ಆದರೆ ಹೈದರ್ ಮಾತ್ರ ತನಗೆ ಆದರ್ಶ ಟೀಮ್ ಇಂಡಿಯಾದ ಇನ್ನೊಬ್ಬ ಆಟಗಾರ ಎಂದು ಹೇಳಿ ಅಚ್ಚರಿ ಮೂಡಿಸಿದ್ದಾರೆ.

ಹೈದರ್‌ಗೆ ರೋಹಿತ್ ಶರ್ಮಾ ಆದರ್ಶ

ಹೈದರ್ ಅಲಿಗೆ ರೋಲ್‌ಮಾಡೆಲ್ ಬೇರೆ ಯಾರೂ ಅಲ್ಲ. ಅದು ಟೀಮ್ ಇಂಡಿಯಾದ ಸೀಮಿತ ಓವರ್‌ಗಳ ಉಪನಾಯಕ ರೋಹಿತ್ ಶರ್ಮಾ. ಈ ಮಾತನ್ನು ಸ್ವತಃ ಹೈದರ್ ಹೇಳಿಕೊಂಡಿದ್ದಾರೆ. ರೋಹಿತ್ ಶರ್ಮಾ ನನಗೆ ಆದರ್ಶ ಕ್ರಿಕೆಟಿಗ ಎಂದು ಹೇಳಿಕೆ ನೀಡಿದ್ದಾರೆ.

ರೋಹಿತ್ ರೀತಿ ಬ್ಯಾಟ್ ಬೀಸುವಾಸೆ

ಹೈದರ್ ಅಲಿಗೆ ಟೀಮ್ ಇಂಡಿಯಾದ ಸ್ಪೋಟಕ ಆರಂಭಿಕ ಆಟಗಾರ ರೋಹಿತ್ ಶರ್ಮಾ ರೀತಿ ಬ್ಯಾಟಿಂಗ್ ಮಾಡುವ ಆಸೆ ಎಂದು ಹೈದರ್ ಹೇಳಿಕೊಂಡಿದ್ದಾರೆ. ಆತನ ಸ್ಟ್ರೈಕ್ ರೇಟ್ ಆತನ ಹೆಚ್ಚುಗಾರಿಕೆ ಎಂದು ಕ್ರಿಕೆಟ್ ಪಾಕಿಸ್ತಾನದ ವಿಡಿಯೋದಲ್ಲಿ ಮಾತನಾಡಿಡಿರುವ ಹೈದರ್ ಹೇಳಿಕೊಂಡಿದ್ದಾರೆ.

ಪಿಎಸ್‌ಎಲ್‌ನಲ್ಲಿ ಹೈದರ್ ಮಿಂಚು

ಪಾಕಿಸ್ತಾನ ಸೂಪರ್‌ ಲೀಗ್‌ನಲ್ಲಿ ಪೇಶಾವರ್ ಝಲ್ಮಿ ತಂಡವನ್ನು ಹೈದರ್ ಅಲಿ ಪ್ರತಿನಿಧಿಸುತ್ತಿದ್ದಾರೆ. ಲೀಗ್‌ನಲ್ಲಿ ಆಡಿದ 9 ಪಂದ್ಯಗಳಲ್ಲಿ ಹೈದರ್ 239 ರನ್‌ಗಳನ್ನು ಗಳಿಸಿದ್ದು ಪಾಕಿಸ್ತಾನ ಕ್ರಿಕೆಟ್‌ನಲ್ಲಿ ಹೊಸ ಭರವಸೆಗೆ ಕಾರಣವಾಗಿದ್ದಾನೆ.