Click it and Unblock the Notifications
'ಭಾರತ-ಇಂಗ್ಲೆಂಡ್ ಮ್ಯಾಚಿನಿಂದ ವಿಶ್ವಕಪ್ನಲ್ಲಿ ಪಾಕ್ ಹೊರ ಬಿದ್ದಿದ್ದಲ್ಲ!': ಹಫೀಜ್
ಲಾಹೋರ್: 2019ರ ವಿಶ್ವಕಪ್ನಲ್ಲಿ ಪಾಕಿಸ್ತಾನ ತಂಡ ಟೂರ್ನಿಯಿಂದ ಹೊರ ಬೀಳೋದಕ್ಕೆ ಭಾರತ-ಇಂಗ್ಲೆಂಡ್ ಪಂದ್ಯ ಕಾರಣ ಅಂತ ಕ್ರಿಕೆಟ್ ವಲಯ ಮಾತನಾಡಿಕೊಳ್ಳುತ್ತಿದೆ. ಮುಖ್ಯವಾಗಿ ಪಾಕ್ ಕೆಲ ಆಟಗಾರರೇ ಇಂಥದ್ದೊಂದು ಆರೋಪ ಮಾಡುತ್ತಿದ್ದಾರೆ. ಆದರೆ ಪಾಕ್ ಅನುಭವಿ ಆಲ್ ರೌಂಡರ್ ಮೊಹಮ್ಮದ್ ಹಫೀಜ್ ಇದಕ್ಕೆ ಕೊಂಚ ವ್ಯತಿರಿಕ್ತ ಹೇಳಿಕೆ ನೀಡಿದ್ದಾರೆ. ಪಂದ್ಯ ಗೆದ್ದರೆ ಮುಂದಿನ ಸುತ್ತಿಗೆ ಹೋಗಲು ಪಾಕಿಸ್ತಾನಕ್ಕೆ ಅವಕಾಶ ಸಿಗಲಿದೆ ಎಂದು ಭಾರತ ತಂಡಕ್ಕೆ ಆವತ್ತು ಗೊತ್ತಿತ್ತು. ಅದಕ್ಕಾಗೇ ಅವರು ಗೆಲ್ಲುವ ಉದ್ದೇಶದಿಂದ ಆಡಲಿಲ್ಲ ಎಂದು ಹಫೀಜ್ ಹೇಳಿದ್ದಾರೆ.
ಉಳಿದ ಪಾಕಿಸ್ತಾನ ಆಟಗಾರರು ಹೇಳಿದ ರೀತಿಯಲ್ಲೇ ಹಫೀಜ್ ಹೇಳಿಕೆ ನೀಡಿದ್ದಾರೆಯಾದರೂ ಇವರ ಹೇಳಿಕೆಯಲ್ಲಿ ಕೊಂಚ ಬದಲಾವಣೆಯೂ ಮಾಡಿಕೊಂಡಿದ್ದಾರೆ. ಇಂಗ್ಲೆಂಡ್ ವಿರುದ್ಧ ಭಾರತ ಗೆಲ್ಲುವತ್ತ ಮನಸಿಟ್ಟು ಆಡಲಿಲ್ಲ. ಹಾಗಂತ ಬರೀ ಇಂಗ್ಲೆಂಡ್-ಭಾರತ ಪಂದ್ಯದಿಂದಲೇ ಪಾಕಿಸ್ತಾನ ತಂಡ ಟೂರ್ನಿಯಿಂದ ಹೊರ ಬಿದ್ದಿತು ಎನ್ನಲಾಗೋಲ್ಲ ಎಂದು ಹಫೀಜ್ ಅಭಿಪ್ರಾಯಿಸಿದ್ದಾರೆ.
ಆನ್ ಲೈನ್ ಕಾನ್ಫರೆನ್ಸ್ನಲ್ಲಿ ಮಾತನಾಡಿದ ಹಫೀಜ್, ಭಾರತ vs ಇಂಗ್ಲೆಂಡ್ ಪಂದ್ಯದ ಬಗ್ಗೆ ಏನೆಲ್ಲ ವಿಚಾರ ಹಂಚಿಕೊಂಡಿದ್ದಾರೆ ನೋಡಿ.
ಆ ಪಂದ್ಯದಿಂದಲೇ ಹೊರ ಬಿದ್ದಿಲ್ಲ
'ನೀವೊಂದು ವೇಳೆ ಯಾವುದೇ ಕ್ರಿಕೆಟ್ ಅಭಿಮಾನಿಗೆ ಆ ಪಂದ್ಯವನ್ನು 100 ಬಾರಿ ತೋರಿಸಿದರೂ ಆ ಅಭಿಮಾನಿ ಕೇವಲ ಒಂದೇ ಫಲಿತಾಂಶವನ್ನು ಆ ಪಂದ್ಯದಿಂದ ತೆಗೆದುಕೊಳ್ಳುತ್ತಾನೆ. ಪ್ರತಿಯೊಬ್ಬರಿಗೂ ಆ ಪಂದ್ಯದ ಫಲಿತಾಂಶ ಹೇಗೆ ಪರಿಣಾಮ ಬೀರಿದೆ ಎಂಬುದು ನನಗೆ ಗೊತ್ತಿಲ್ಲ. ಆದರೆ ಪಾಕಿಸ್ತಾನ ತಂಡ ಇಂಗ್ಲೆಂಡ್-ಭಾರತ ಪಂದ್ಯದಿಂದಾಗಿಯೇ ಹೊರಬಿದ್ದಿಲ್ಲ,' ಎಂದು ಹಫೀಜ್ ಹೇಳಿದ್ದಾರೆ.
ನಮ್ಮ ತಪ್ಪುಗಳಿಂದಾಗಿ ಸೋತೆವು
ಮಾತು ಮುಂದುವರೆಸಿದ ಹಫೀಜ್, '2019ರ ವಿಶ್ವಕಪ್ನಲ್ಲಿ ನಾವು ಚೆನ್ನಾಗಿ ಆಡಿದ್ದೇವೆ. ಆದರೆ ನಾವು ಟೂರ್ನಿಯಿಂದ ಹೊರ ಬಿದ್ದಿದ್ದು ನಾವು ಮಾಡಿದ ತಪ್ಪುಗಳಿಂದಾಗಿ. ನಮ್ಮ ಸೋಲಿಗೆ ನಾನು ಯಾರನ್ನೂ ದೂರುವುದಿಲ್ಲ. ಆದರೆ ಯಾವುದೋ ಒಂದು ಫಲಿತಾಂಶದಿಂದಾಗಿ ನಾವು ಟೂರ್ನಿಯಿಂದ ಹೊರ ಬಿದ್ದೆವು ನಾವು ಯೋಚಿಸಬಾರದು,' ಎಂದರು.
ಚರ್ಚೆ ಶುರುವಾಗಿದ್ಯಾಕೆ?!
ಇಂಗ್ಲೆಂಡ್ vs ಭಾರತ ಪಂದ್ಯ ನಡೆದಿದ್ದು ಬರ್ಮಿಂಗ್ಹ್ಯಾಮ್ನ ಎಜ್ಬಾಸ್ಟನ್ ಸ್ಟೇಡಿಯಂನಲ್ಲಿ. ವಿಶ್ವಕಪ್ 38ನೇ ಪಂದ್ಯವಾಗಿ ಇತ್ತಂಡಗಳು ಅಂದು ಕಾದಾಡಿದ್ದವು. ಒಂದು ಲೆಕ್ಕಾಚಾರದ ಪ್ರಕಾರ ಈ ಪಂದ್ಯದಲ್ಲಿ ಭಾರತ ಗೆದ್ದಿದ್ದರೆ ಪಾಕಿಸ್ತಾನ ತಂಡದ ಸೆಮಿಫೈನಲ್ ಪ್ರವೇಶ ಜೀವಂತವಾಗಿರುತ್ತಿತ್ತು. ಆದರೆ ದುರದೃಷ್ಟವಶಾತ್ ಆ ಪಂದ್ಯದಲ್ಲಿ ಭಾರತ ಸೋತಿತು.
ಇತ್ತಂಡಗಳ ಸ್ಕೋರ್
ಅಂದಿನ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಇಯಾನ್ ಮಾರ್ಗನ್ ಬಳಗ, ಜೇಸನ್ ರಾಯ್ 66, ಜಾನಿ ಬೇರ್ಸ್ಟೋವ್ 111, ಜೋ ರೂಟ್ 44, ಬೆನ್ ಸ್ಟೋಕ್ಸ್ 79 ರನ್ನೊಂದಿಗೆ 50 ಓವರ್ಗೆ 7 ವಿಕೆಟ್ ನಷ್ಟದಲ್ಲಿ 337 ರನ್ ಗಳಿಸಿತ್ತು. ಗುರಿ ಬೆನ್ನಟ್ಟಿದ ಕೊಹ್ಲಿ ಪಡೆ, ರೋಹಿತ್ ಶರ್ಮಾ 102, ವಿರಾಟ್ 66, ರಿಷಬ್ ಪಂತ್ 32, ಹಾರ್ದಿಕ್ ಪಾಂಡ್ಯ 45, ಎಂಎಸ್ ಧೋನಿ 42 ರನ್ನೊಂದಿಗೆ 50 ಓವರ್ಗೆ 5 ವಿಕೆಟ್ ಕಳೆದು 306 ರನ್ ಕಲೆ ಹಾಕಿ, 31 ರನ್ನಿಂದ ಸೋಲೊಪ್ಪಿಕೊಂಡಿತ್ತು.
Story first published: Tuesday, June 16, 2020, 21:16 [IST]
Other articles published on Jun 16, 2020
Log in for Better Reading Experience!
Continue with Google By signing in, you agree to our Terms and Privacy Policy
Gender
Select your Gender
- Male
- Female
- Others
Age
Select your Age Range
- Under 18
- 18 to 25
- 26 to 35
- 36 to 45
- 45 to 55
- 55+