ಐಪಿಎಲ್‌ನಲ್ಲಿ ಆಡದಿರುವುದು ಪಾಕಿಸ್ತಾನಿ ಕ್ರಿಕೆಟಿಗರಿಗೆ ದೊಡ್ಡ ನಷ್ಟ: ಶಾಹಿದ್ ಅಫ್ರಿದಿ

ದ್ವಿಪಕ್ಷೀಯ ಸರಣಿಗೆ ಪಾಕ್ ಸಿದ್ಧ

ಇನ್ನು ಇದೇ ಸಂದರ್ಭದಲ್ಲಿ ಭಾರತ ಪಾಕಿಸ್ತಾನ ದ್ವಿಪಕ್ಷೀಯ ಕ್ರಿಕೆಟ್ ಸರಣಿಯ ಬಗ್ಗೆಯೂ ಶಾಹಿದ್ ಅಫ್ರಿದಿ ಮಾತನಾಡಿದ್ದು ಭಾರತದಲ್ಲಿ ನರೇಂದ್ರ ಮೋದಿ ಸರ್ಕಾರ ಅಸ್ತಿತ್ವದಲ್ಲಿ ಇರುವವರೆಗೆ ಭಾರತ ಪಾಕಿಸ್ತಾನ ಸರಣಿ ನಡೆಯುವುದು ಅಸಾಧ್ಯ ಎಂದಿದ್ದಾರೆ. ಪಾಕಿಸ್ತಾನ ಸರ್ಕಾರ ಭಾರತ ಪಾಕ್ ಸರಣಿಗೆ ಯಾವಾಗಲೂ ಸಿದ್ಧವಿದೆ ಎಂಬುದನ್ನು ಅಫ್ರಿದಿ ಹೇಳಿಕೆಯನ್ನು ನೀಡಿದ್ದಾರೆ.

ಭಾರತೀಯರಿಂದ ಅಪಾರ ಪ್ರೀತಿ

ಅರಬ್ ನ್ಯೂಸ್‌ಗೆ ನೀಡಿದ ಸಂದರ್ಶನದಲ್ಲಿ ಮಾತನಾಡಿದ ಶಾಹಿದ್ ಅಫ್ರಿದಿ ಭಾರತದ ನೆಲದಲ್ಲಿ ಕ್ರಿಕೆಟ್ ಆಡಿದ ಅನುಭವವನ್ನು ಕೂಡ ಹಂಚಿಕೊಂಡಿದ್ದಾರೆ. 'ನಾನು ಭಾರತದಲ್ಲಿ ಕ್ರಿಕೆಟ್ ಆಡಿದ ಅನುಭವವನ್ನು ಯಾವಾಗಲೂ ಆನಂದಿಸಿದ್ದೇನೆ. ಭಾರತೀಯರಿಂದ ಪ್ರೀತಿ ಹಾಗೂ ಗೌರವವನ್ನು ಪಡೆದುಕೊಂಡಿರುವುದನ್ನು ನಾನು ಯಾವಾಗಲೂ ಮೆಚ್ಚಿದ್ದೇನೆ. ಈಗಲೂ ನಾನು ಸಾಮಾಜಿಕ ಜಾಲತಾಣದಲ್ಲಿ ಮಾತನಾಡುವಾಗ ಭಾರತೀಯರಿಂದಲು ಹಲವು ಸಂದೇಶಗಳು ಬರುತ್ತವೆ' ಎಂದಿದ್ದಾರೆ.

ಐಪಿಎಲ್ ಮೊದಲ ವಾರದಲ್ಲಿ ಭರ್ಜರಿ ಮನರಂಜನೆ

ಸುದೀರ್ಘ ವಿರಾಮದ ಬಳಿಕ ಈ ಬಾರಿಯ ಐಪಿಎಲ್ ಯುಎಇನಲ್ಲಿ ಸೆಪ್ಟೆಂಬರ್ 19ರಿಂದ ಆರಂಭವಾಗಿದೆ. ಮೊದಲ ವಾರ ಅದ್ಭುತವಾಗಿ ಅಂತ್ಯವಾಗಿದ್ದು ಏಳು ಪಂದ್ಯಗಳು ನಡೆದಿದೆ. ಕ್ರಿಕೆಟ್ ಅಭಿಮಾನಿಗಳು ಸಾಕಷ್ಟು ಮನರಂಜನೆಯನ್ನು ಮೊದಲ ವಾರದಿಂದಲೇ ಪಡೆದುಕೊಳ್ಳುತ್ತಿದ್ದು, ಒಂದು ಸೂಪರ್ ಓವರ್, ಒಂದು ದಾಖಲೆಯ ಶತಕ ಹಾಗೂ ಸಿಕ್ಸರ್‌ಗಳ ಸುರಿಮಳೆಯನ್ನು ವೀಕ್ಷಕರು ಆನಂದಿಸಿದ್ದಾರೆ.

ಐಪಿಎಲ್‌ನಲ್ಲಿ ಪಾಕ್ ಆಟಗಾರರು

ಐಪಿಎಲ್‌ನ ಈ ಹಿಂದೆ ಪಾಕಿಸ್ತಾನದ ಆಟಗಾರರು ಪಾಲ್ಗೊಂಡಿರುವ ಇತಿಹಾಸವಿದೆ. ಐಪಿಎಲ್‌ನ ಆರಂಭಿಕ ಆವೃತ್ತಿಯಲ್ಲಿ ಶಾಹಿದ್ ಅಫ್ರಿದಿ ಸಹಿತ ಶೋಯೆಬ್ ಅಖ್ತರ್, ಯೂನಿಸ್ ಖಾನ್, ಸಲ್ಮಾನ್ ಭಟ್, ಮಿಸ್ಬಾ ಉಲ್ ಹಕ್, ಸೋಹೈಲ್ ತನ್ವೀರ್, ಉಮರ್ ಗುಲ್, ಶೋಯೆಬ್ ಮಲಿಕ್, ಕಮ್ರಾನ್ ಅಕ್ಮಲ್, ಮೊಹಮದ್ ಆಸಿಫ್ ಮತ್ತು ಮೊಹಮದ್ ಹಫೀಜ್ ಐಪಿಎಲ್‌ನ ಭಾಗವಾಗಿದ್ದರು.