ಐಸಿಸಿ ಆದಾಯದಲ್ಲಿ 34.51 ಮಿಲಿಯನ್ ಡಾಲರ್ ಪಡೆದ ಪಿಸಿಬಿ; ಬಿಸಿಸಿಐ ಗಳಿಸಿದ್ದೆಷ್ಟು?

ಇತ್ತೀಚಿಗೆ ಅಂತಾರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ (ಐಸಿಸಿ) 2024-27ರ ಚಕ್ರದಲ್ಲಿ 600 ಮಿಲಿಯನ್ ಡಾಲರ್ ಮೊತ್ತದ ಆದಾಯ ಪಾಲು ಶೇಕಡಾವಾರುಗಳನ್ನು ಘೋಷಿಸಿತು. ಇದಕ್ಕೆ ಪಾಕಿಸ್ತಾನ ಕ್ರಿಕೆಟ್ ಮಂಡಳಿ (ಪಿಸಿಬಿ)ಗೆ ಮೊದಲು ಅಸಮಾಧಾನ ವ್ಯಕ್ತಪಡಿಸಿತು.

ಪಾಕಿಸ್ತಾನ ಕ್ರಿಕೆಟ್ ಮಂಡಳಿಗೆ ಒಟ್ಟಾರೆ ಮೊತ್ತದ ಶೇ.5.75ರಷ್ಟು ಆದಾಯವನ್ನು ಪಡೆದುಕೊಂಡಿದ್ದು, 2024-27ರ ಚಕ್ರದಲ್ಲಿ 34.51 ಮಿಲಿಯನ್ ಯುಎಸ್ ಡಾಲರ್ ಗಳಿಸಿತು.

ಮತ್ತೊಂದೆಡೆ, ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ನಿರೀಕ್ಷಿತವಾಗಿ ಅತಿದೊಡ್ಡ ಮೊತ್ತವನ್ನು ಪಡೆದುಕೊಂಡಿದೆ. ಇದು 230 ಮಿಲಿಯನ್ ಯುಎಸ್ ಡಾಲರ್ ಗಳಿಸಿದ್ದು, ಒಟ್ಟಾರೆ ಐಸಿಸಿ ಆದಾಯದ ಶೇ.38.5ರಷ್ಟು ಬರುತ್ತದೆ.

ಪಾಕಿಸ್ತಾನ ಕ್ರಿಕೆಟ್ ಮಂಡಳಿಯ ಪಾಲು ಈ ಹಿಂದೆ ಗಳಿಸಿದ ಮೊತ್ತಕ್ಕಿಂತ ಎರಡು ಪಟ್ಟು ಹೆಚ್ಚಾಗಿದೆ. ಆದರೂ ಆದಾಯದ ಪಾಲನ್ನು ನಿರ್ಧರಿಸುವ ಪ್ರಸ್ತುತ ವ್ಯವಸ್ಥೆಯಲ್ಲಿ ಪಿಸಿಬಿ ಭಿನ್ನಾಭಿಪ್ರಾಯವನ್ನು ಹೊಂದಿತ್ತು.

""ಪಿಸಿಬಿಯು ಅದರ ಸಾಂವಿಧಾನಿಕ ಹಕ್ಕಿಗೆ ಅನುಗುಣವಾಗಿ, ಕಳೆದ ಕೆಲವು ವಾರಗಳಿಂದ ಮತ್ತು ಐಸಿಸಿ ಸಭೆಗಳಲ್ಲಿ, ಪ್ರತಿ ಮಾನದಂಡಗಳಿಗೆ ಆದಾಯದ ಹಂಚಿಕೆ ಮತ್ತು ವಿತರಣೆಗಳ ಲೆಕ್ಕಾಚಾರದ ಹಿಂದಿನ ತಾರ್ಕಿಕತೆಯನ್ನು ಚೆನ್ನಾಗಿ ಅರ್ಥಮಾಡಿಕೊಳ್ಳಲು ಹೆಚ್ಚುವರಿ ಮಾಹಿತಿಯನ್ನು ಸತತವಾಗಿ ಹುಡುಕಿದೆ,'' ಎಂದು ಪಿಸಿಬಿ ತನ್ನ ಹೇಳಿಕೆಯಲ್ಲಿ ತಿಳಿಸಿದೆ.

"ಎಲ್ಲಾ ಸಂಬಂಧಿತ ಮಾಹಿತಿ, ಡೇಟಾ ಮತ್ತು ಸೂತ್ರಗಳ ಅನುಪಸ್ಥಿತಿಯನ್ನು ಪಿಸಿಬಿ ಕಂಡುಕೊಂಡಿದೆ, ಅಂತಹ ಮಹತ್ವದ ನಿರ್ಧಾರವನ್ನು ತರಾತುರಿಯಲ್ಲಿ ತೆಗೆದುಕೊಳ್ಳಬಾರದು," ಎಂದು ಪಿಸಿಬಿ ಸೂಚ್ಯವಾಗಿ ಐಸಿಸಿಗೆ ತಿಳಿಸಿತ್ತು.

ಅನುದಾನ ಹಂಚಿಕೆಯ ಅನುಮೋದನೆಯ ಮತದಾನ ಪ್ರಕ್ರಿಯೆಯನ್ನು ಮುಂದಿನ ಐಸಿಸಿ ಸಭೆಗೆ ಮುಂದೂಡಬೇಕು ಎಂದು ಪಿಸಿಬಿ ಒತ್ತಾಯಿಸಿತ್ತು. ಆದರೂ, ಇತರ ಸದಸ್ಯರು ಪಾಕಿಸ್ತಾನ ಮಂಡಳಿಯ ಸಲಹೆಯನ್ನು ಒಪ್ಪಲಿಲ್ಲ. ಇದು ಐಸಿಸಿ ಮಾದರಿಯನ್ನು ಅಂತಿಮಗೊಳಿಸಲು ಪ್ರೇರೇಪಿಸಿತು.

ಐಸಿಸಿ ಆದಾಯ ಮಾದರಿಯೊಂದಿಗೆ ಪಿಸಿಬಿ ಸಂಪೂರ್ಣವಾಗಿ ಒಪ್ಪಂದಕ್ಕೆ ಬರದಿದ್ದರೂ, ಪಾಕಿಸ್ತಾನ ಕ್ರಿಕೆಟ್ ಮಂಡಳಿ ಮೊದಲು ಗಳಿಸಿದ್ದಕ್ಕಿಂತ ಎರಡು ಪಟ್ಟು ಹಣವನ್ನು ಗಳಿಸುತ್ತದೆ ಎಂಬ ಅಂಶವನ್ನು ಸ್ವಾಗತಿಸಿತು.

"ಅಂತಿಮವಾಗಿ, ಬಹುಪಾಲು ಸದಸ್ಯರು ಈ ಮಾದರಿಯನ್ನು ಮುಂದೂಡುವುದು ಕಾರ್ಯಸಾಧ್ಯವಾಗಲಿಲ್ಲ. ಐಸಿಸಿ ಅನುದಾನ ಹಂಚಿಕೆಯ ಮಾದರಿಯನ್ನು ಅಂಗೀಕರಿಸುವ ಪರವಾಗಿ ಮತ ಹಾಕಿದರು. ಆದರೆ ಪಿಸಿಬಿ ತನ್ನ ಭಿನ್ನಾಭಿಪ್ರಾಯವನ್ನು ವಿಷಾದದ ತತ್ವವಾಗಿ ದಾಖಲಿಸಿದೆ," ಎಂದು ಹೇಳಿದೆ.

"ಆದಾಯದ ಈ ಹೆಚ್ಚಿನ ಪಾಲು ಎಂದರೆ ಕ್ರಿಕೆಟ್ ಕೌಶಲ್ಯಗಳನ್ನು ಅಭಿವೃದ್ಧಿಪಡಿಸುವಲ್ಲಿ ಹೆಚ್ಚಿನ ಹೂಡಿಕೆಯನ್ನು ಮಾಡಬಹುದು ಮತ್ತು ಪಾಕಿಸ್ತಾನ ಕ್ರಿಕೆಟ್ ಅನ್ನು ಹೊಸ ಎತ್ತರಕ್ಕೆ ಕೊಂಡೊಯ್ಯಲು ಪ್ರಯೋಜನಕಾರಿಯಾಗಿದೆ," ಎಂದು ಪಿಸಿಬಿ ಅರ್ಥಮಾಡಿಕೊಂಡಿದೆ.

2023ರ ಏಷ್ಯಾ ಕಪ್‌ನ ಹೈಬ್ರಿಡ್ ಮಾದರಿಯ ವೇಳಾಪಟ್ಟಿಯನ್ನು ಬುಧವಾರ, ಜುಲೈ 19ರಂದು ಬಿಡುಗಡೆ ಮಾಡಲಾಗುವುದು ಎಂದು ಪಿಸಿಬಿ ದೃಢಪಡಿಸಿದೆ.