ವಿಂಡೀಸ್ ವಿರುದ್ಧ ಗೆದ್ದರೆ ಧೋನಿಯಿಂದ ಅಪೂರ್ವ ದಾಖಲೆ

ಮುಂಬೈ, ಮಾರ್ಚ್ 30: ಟೀಂ ಇಂಡಿಯಾ ಹಾಗೂ ವೆಸ್ಟ್ ಇಂಡೀಸ್ ನಡುವಿನ ವಿಶ್ವ ಟ್ವೆಂಟಿ20 ಸೆಮಿಫೈನಲ್ ಪಂದ್ಯಕ್ಕೆ ವಾಂಖೆಡೆ ಸ್ಟೇಡಿಯಂ ಸಿದ್ಧವಾಗಿದೆ. ಈ ಟೂರ್ನಿಯಲ್ಲಿ ಭಾರತಕ್ಕಿಂತ ವೆಸ್ಟ್ ಇಂಡೀಸ್ ಬಲಿಷ್ಠವಾಗಿ ಕಂಡು ಬಂದರೂ, ಒತ್ತಡದ ಪರಿಸ್ಥಿತಿ ನಿಭಾಯಿಸುವಲ್ಲಿ ಭಾರತ ಯಶಸ್ವಿಯಾಗಿದೆ.

ವಿಶ್ವ ಟಿ20: ತಂಡಗಳು | ವೇಳಾಪಟ್ಟಿ | ಗ್ಯಾಲರಿ | ಟೂರ್ನಿಗೆ ಫುಲ್ ಗೈಡ್

ಉಭಯ ತಂಡಗಳ ಬಲಾಬಲ ಹಾಗೂ ಪ್ರಮುಖ ಅಂಕಿ ಅಂಶಗಳತ್ತ ಮುನ್ನೋಟ ಇಲ್ಲಿದೆ:
* ವಿಶ್ವ ಟ್ವೆಂಟಿ 20 ಸೆಮಿಫೈನಲ್ ಹಂತದಲ್ಲಿ ಭಾರತ ಹಾಗೂ ವೆಸ್ಟ್ ಇಂಡೀಸ್ ಮೊದಲ ಬಾರಿಗೆ ಮುಖಾಮುಖಿಯಾಗುತ್ತಿವೆ.

* ಭಾರತ ಹಾಗೂ ವೆಸ್ಟ್ ಇಂಡೀಸ್ ವಿಶ್ವ ಟಿ20 ಟೂರ್ನಮೆಂಟ್ ನ ಗ್ರೂಪ್ ಹಂತದಲ್ಲಿ ಮೂರು ಬಾರಿ ಸಂಧಿಸಿದ್ದು, ವೆಸ್ಟ್ ಇಂಡೀಸ್ 2-1 ಮುನ್ನಡೆ ಸಾಧಿಸಿದೆ. (2009, 2010 and 2014) [ಭಾರತ-ವಿಂಡೀಸ್ ಕದನ ಆರಂಭಕ್ಕೂ ಮುನ್ನ ಓದಿರಿ!]

* ಮಹೇಂದ್ರ ಸಿಂಗ್ ಧೋನಿ ನಾಯಕತ್ವದಲ್ಲೇ ಮೂರು ಬಾರಿ ವೆಸ್ಟ್ ಇಂಡೀಸ್ ವಿರುದ್ಧ ಸೆಣಸಾಟ ನಡೆಸಿದೆ. ಕ್ರಿಸ್ ಗೇಲ್ ಅವರು 2009ರಲ್ಲಿ ಕೆರಿಬಿಯನ್ ತಂಡದ ನಾಯಕರಾಗಿದ್ದರು. 2010, 2014 ಹಾಗೂ ಹಾಲಿ ತಂಡ ನಾಯಕರಾಗಿ ಡರೇನ್ ಸಾಮಿ ಅವರು ಮುನ್ನಡೆಸಲಿದ್ದಾರೆ. [ಆಸೀಸ್ ವಿರುದ್ಧ ಭಾರತಕ್ಕೆ' ವಿರಾಟ್' ಜಯ, ಸೆಮೀಸ್ ಗೆ ಲಗ್ಗೆ]

* ಎರಡು ತಂಡಗಳ ಪೈಕಿ ಗೇಲ್ ಅವರು ವೈಯಕ್ತಿಕ ಗರಿಷ್ಠ ಮೊತ್ತ 98ರನ್ ಹೊಂದಿದ್ದಾರೆ, 2010ರಲ್ಲಿ 66 ಎಸೆತಗಳಲ್ಲಿ 98 (5x4,7x6).


* ಡ್ವಾಯ್ನೆ ಬ್ರಾವೋ ಎರಡು ಗಳ ಪೈಕಿ ಉತ್ತಮ ಬೌಲಿಂಗ್ ಪ್ರದರ್ಶನ ನೀಡಿದ್ದಾರೆ. ಲಾರ್ಡ್ಸ್ ನಲ್ಲಿ 2009ರಲ್ಲಿ 4/38 ಪಡೆದಿದ್ದರು.

* ವಿಶ್ವ ಟ್ವೆಂಟಿ20 ಟೂರ್ನಮೆಂಟ್ ಸೆಮಿಫೈನಲ್ ನಡೆಯಲಿರುವ ಮುಂಬೈನ ವಾಂಖೆಡೆ ಸ್ಟೇಡಿಯಂನಲ್ಲೇ ಭಾರತ ತಂಡ 2011ರ ವಿಶ್ವಕಪ್ ಗೆದ್ದುಕೊಂಡಿತ್ತು. ಫೈನಲ್ ನಲ್ಲಿ ಶ್ರೀಲಂಕಾ ತಂಡವನ್ನು ಮಣಿಸಿತ್ತು. [ವಿಶ್ವ ಟಿ20: ಸೆಮಿಫೈನಲ್ ಪಂದ್ಯ ಎಲ್ಲಿ? ಫುಲ್ ವೇಳಾಪಟ್ಟಿ]

* ಭಾರತ ಮೂರನೇ ಬಾರಿಗೆ ವಿಶ್ವ ಟಿ20 ಸೆಮಿಫೈನಲ್ ಆಡುತ್ತಿದೆ. 2007ರಲ್ಲಿ ಟ್ರೋಫಿ ಗೆದ್ದರೆ, 2014ರಲ್ಲಿ ಫೈನಲ್ ನಲ್ಲಿ ಸೋಲು ಅನುಭವಿಸಿತ್ತು.

* ವೆಸ್ಟ್ ಇಂಡೀಸ್ ನಾಲ್ಕನೇ ಬಾರಿಗೆ ಸೆಮಿಫೈನಲ್ ಆಡುತ್ತಿದೆ. 2009, 2014ರಲ್ಲಿ ಸೋಲು ಅನುಭವಿಸಿದ್ದು, 2012ರಲ್ಲಿ ಟ್ರೋಫಿ ಗೆದ್ದುಕೊಂಡಿತ್ತು. [ಸೆಹ್ವಾಗ್ ನುಡಿದ ಟಿ20 ಭವಿಷ್ಯ: ಬಹುತೇಕ ನಿಜವಾಯ್ತು!]

* ಮುಂಬೈನಲ್ಲಿ ಸೆಮಿಫೈನಲ್ ಪಂದ್ಯವನ್ನು ಭಾರತ ಗೆದ್ದುಕೊಂಡರೆ, ವಿಶ್ವ ಟಿ20 ಇತಿಹಾಸದಲ್ಲಿ ಮೂರನೇ ಬಾರಿಗೆ ಫೈನಲ್ ತಲುಪುವ ಎರಡನೇ ತಂಡ ಎನಿಸಿಕೊಳ್ಳಲಿದೆ. ಶ್ರೀಲಂಕಾ ತಂಡ 2009,2012 ಹಾಗೂ 2014ರಲ್ಲಿ ಫೈನಲ್ ತಲುಪಿ ದಾಖಲೆ ಬರೆದಿದೆ.

* ಈಗಾಗಲೇ ಐಸಿಸಿ ಆಯೋಜನೆಯ ಎಲ್ಲಾ ವಿಶ್ವ ಕಪ್ ಗಳನ್ನು ಗೆಲ್ಲಿಸಿಕೊಟ್ಟಿರುವ ಎಂಎಸ್ ಧೋನಿ ಅವರು ಭಾರತವನ್ನು ಫೈನಲ್ ಹಂತಕ್ಕೇರಿಸಿದರೂ ಹೊಸ ದಾಖಲೆ ಬರೆಯಲಿದ್ದಾರೆ. ಇಲ್ಲಿ ತನಕ ಯಾವ ನಾಯಕರು ಕೂಡಾ ಮೂರು ಫೈನಲ್ ಗೆ ತಂಡವನ್ನು ಕೊಂಡೊಯ್ದಿಲ್ಲ.