ಭಾರತ vs ವೆಸ್ಟ್ ಇಂಡೀಸ್: ಪಾದಾರ್ಪಣೆ ಪಂದ್ಯದಲ್ಲಿ ಪೃಥ್ವಿ 'ಪಂದ್ಯ ಶ್ರೇಷ್ಠ'!

'ಪಂದ್ಯ ಶ್ರೇಷ್ಠ'ಕ್ಕೆ ಕಾರಣ

ಪಾದಾರ್ಪಣೆ ಮಾಡಿದ ಚೊಚ್ಚಲ ಪಂದ್ಯದಲ್ಲೇ ಶತಕ ಬಾರಿಸಿದ್ದ ಪೃಥ್ವಿಗೆ ಪಂದ್ಯಶ್ರೇಷ್ಠ ಪ್ರಶಸ್ತಿ ಕೊಟ್ಟಿದ್ದಕ್ಕೆ ಕಾರಣವಿದೆ. ಹಾಗೆ ನೋಡಿದರೆ ಪೃಥ್ವಿಗಿಂತ ನಾಯಕ ಕೊಹ್ಲಿ 139 ರನ್ ಗಳಿಸಿದ್ದರು. ಆದರೆ ಎಸೆತಗಳಿಗೆ ಹೋಲಿಸಿದರೆ ಪೃಥ್ವಿ 154 ಎಸೆತಗಳಲ್ಲಿ 134 ರನ್ ಪೇರಿಸಿದರೆ, ಕೊಹ್ಲಿ 230 ಎಸೆತಗಳಿಗೆ 139 ರನ್ ಪೇರಿಸಿದ್ದರು.

ನಿರ್ಭೀತಿಯ ಆಟ

ಪಂದ್ಯದ ವೇಳೆ ಪೃಥ್ವಿ ಎಲ್ಲಾ ಕ್ರಿಕೆಟ್ ಅಭಿಮಾನಿಗಳು ಮತ್ತು ಕ್ರಿಕೆಟ್ ದಿಗ್ಗಜರ ಗಮನ ಪೃಥ್ವಿ ಸೆಳೆಯಲು ಕಾರಣ ಅವರ ನಿರ್ಭೀತಿಯ ಆಟ. ಪಂದ್ಯದಲ್ಲಿ ಪೃಥ್ವಿ ಒಟ್ಟು 19 ಬೌಂಡರಿಗಳನ್ನು ಬಾರಿಸಿದ್ದರು. ಮುಂಬೈ ಆಟಗಾರ ಪಂದ್ಯಶ್ರೇಷ್ಠನಾಗಲು ಇದೂ ಕಾರಣವಾಯಿತು.

ಕೆರಿಬಿಯನ್ನರನ್ನು ಕಾಡಿದ ಬೌಲರ್ ಗಳು

ವೆಸ್ಟ್ ಇಂಡೀಸ್ ಪ್ರಥಮ ಇನ್ನಿಂಗ್ಸ್ ವೇಳೆ ಮೊದಮ್ಮದ್ ಶಮಿ 2, ರವಿಚಂದ್ರನ್ ಅಶ್ವಿನ್ 4 (+2 ದ್ವಿತೀಯ ಇನ್ನಿಂಗ್ಸ್) ವಿಕೆಟ್ ತೆಗೆದರೆ, ದ್ವಿತೀಯ ಇನ್ನಿಂಗ್ಸ್ ನಲ್ಲಿ ಕುಲದೀಪ್ ಯಾದವ್ ಬರೋಬ್ಬರಿ 5 (+ಪ್ರಥಮ ಇನ್ನಿಂಗ್ಸ್ 1) ವಿಕೆಟ್ ಕೆಡವಿ ಕೆರಿಬಿಯನ್ನರನ್ನು ಕಾಡಿದರು.

ಪೃಥ್ವಿ vs ಸಚಿನ್ ಅಂಕಿಅಂಶ

ಚೊಚ್ಚಲ ಪಂದ್ಯದಲ್ಲಿ ಶತಕ ಬಾರಿಸಿದ ಸಾಧನೆಯನ್ನು ಸಚಿನ್ ಮತ್ತು ಪೃಥ್ವಿಗೆ ಹೋಲಿಸಿದ್ರೆ ಒಂದರ್ಥದಲ್ಲಿ ಇಬ್ಬರೂ ಶ್ರೇಷ್ಠರೆ. ತೆಂಡೂಲ್ಕರ್ ಅವರು ರಣಜಿ ಟ್ರೋಫಿ, ದುಲೀಪ್ ಟ್ರೋಫಿ, ಇರಾನಿ ಟ್ರೋಫಿಯಲ್ಲಿ ಶತಕ ಗಳಿಸಿದ್ದಾರೆ; ಆದರೆ ಅಂತಾರಾಷ್ಟ್ರೀಯ ಚೊಚ್ಚಲ ಟೆಸ್ಟ್ ನಲ್ಲಿ ಶತಕ ಬಾರಿಸಿಲ್ಲ. ಇತ್ತ ಪೃಥ್ವಿ ರಣಜಿ, ದುಲೀಪ್, ಅಂತಾರಾಷ್ಟ್ರೀಯ ಟೆಸ್ಟ್ ನಲ್ಲಿ ಶತಕ ಬಾರಿಸಿದ್ದಾರೆ, ಇರಾನಿ ಟ್ರೋಫಿಯಲ್ಲಿ ಬಾರಿಸಿಲ್ಲ.