ಬೆಂಗಳೂರಿನ ವೈಟ್ಫೀಲ್ಡ್ನ ಶೆರ್ಟಾನ್ ಗ್ರಾಂಡ್ ಹೋಟೆಲ್ನಲ್ಲಿ ನಡೆಯುತ್ತಿರುವ ಪ್ರೊ ಕಬಡ್ಡಿ 2021ರ ಸೀಸನ್ನಲ್ಲಿ ಇಂದು ಯುಪಿ ಯೋಧಾ ವಿರುದ್ಧ ಪಿಂಚ್ ಪ್ಯಾಂಥರ್ಸ್ ಅಬ್ಬರಿಸಿದೆ.
ಮಿಂಚಿನ ರೈಡ್ಗಳ ಜೊತೆಗೆ ಸೂಪರ್ ಟ್ಯಾಕಲ್ಗಳೊಂದಿಗೆ ಮಿಂಚಿದ ಪಿಂಕ್ ಪ್ಯಾಂಥರ್ಸ್ 32-29 ಪಾಯಿಂಟ್ಸ್ಗಳಿಂದ ಯುಪಿ ಯೋಧಾ ವಿರುದ್ಧ ಗೆಲುವನ್ನ ಕಂಡಿದೆ. ಪಿಂಕ್ ಪ್ಯಾಂಥರ್ಸ್ 20 ರೈಡ್ ಪಾಯಿಂಟ್ಸ್, 1 ಸೂಪರ್ ರೈಡ್, 8 ಟ್ಯಾಕಲ್ ಪಾಯಿಂಟ್ಗಳ ಜೊತೆಗೆ ಎದುರಾಳಿಯನ್ನ ಆಲೌಟ್ ಮಾಡಿ ಎರಡು ಪಾಯಿಂಟ್ಸ್ ಕಲೆಹಾಕಿತು. ಪ್ಯಾಂಥರ್ಸ್ ಪರ ಅರ್ಜುನ್ ದೇಶ್ಪಾಲ್ 11 ರೈಡ್ಗಳೊಂದಿಗೆ ಯಶಸ್ವಿ ರೈಡರ್ ಎನಿಸಿದ್ರೆ, ದೀಪಕ್ ನಿವಾಸ್ ಹೂಡ 7 ಪಾಯಿಂಟ್ಸ್ ಕಲೆಹಾಕಿದ್ರು.
ಇನ್ನು ಯುಪಿ ಯೋಧಾ, ಪಿಂಕ್ ಪ್ಯಾಂಥರ್ಸ್ಗಿಂತ ಹೆಚ್ಚಿನ ರೈಡ್ ಪಾಯಿಂಟ್ಸ್ (23) ಗಳಿಸಿದ್ರು ಸಹ ರಕ್ಷಣಾ ಕ್ಷೇತ್ರದಲ್ಲಿ ಎಡವಿತು. ಕೇವಲ 4 ಟ್ಯಾಕಲ್ ಪಾಯಿಂಟ್ಸ್ ಗಳೊಂದಿಗೆ 29 ಪಾಯಿಂಟ್ಸ್ ಮುಟ್ಟಿತು. ಯುಪಿ ಯೋಧಾ ಪರ ಸುರೇಂದರ್ ಗಿಲ್ 7, ರೋಹಿತ್ ತೋಮರ್ 5 ಪಾಯಿಂಟ್ಸ್ನೊಂದಿಗೆ ಮಿಂಚಿದ್ರು.
ಇನ್ನು ಈ ಪಂದ್ಯಕ್ಕೂ ಮೊದಲು ನಡೆದ ಪಂದ್ಯದಲ್ಲಿ ತಮಿಳು ತಲೈವಾಸ್ ಮತ್ತು ಯು ಮುಂಬಾ ಸಮಬಲ ಸಾಧಿಸಿತು. ಯು ಮುಂಬಾ 18 ರೈಡ್ ಪಾಯಿಂಟ್ಸ್, 5 ಟ್ಯಾಕಲ್ ಪಾಯಿಂಟ್ಸ್, 4 ಆಲೌಟ್ ಪಾಯಿಂಟ್ಸ್, 3 ಎಕ್ಸ್ಟ್ರಾ ಪಾಯಿಂಟ್ಸ್ನೊಂದಿಗೆ 30 ಪಾಯಿಂಟ್ಸ್ ಗಳಿಸಿತು. ಅತ್ತ ತಮಿಳು ತಲೈವಾಸ್ ಕೂಡ 17 ರೈಡ್ ಪಾಯಿಂಟ್ಸ್ ಮತ್ತು 8 ಟ್ಯಾಕಲ್ ಪಾಯಿಂಟ್ಸ್ನೊಂದಿಗೆ 30 ಪಾಯಿಂಟ್ಸ್ ಕಲೆಹಾಕಿ ಸ್ಕೋರ್ ಲೆವೆಲ್ ಆಗಿದೆ.
ಯು ಮುಂಬಾ ಪರ 13 ಪಾಯಿಂಟ್ಗಳೊಂದಿಗೆ ವಿ. ಅಜಿತ್ ಕುಮಾರ್ ಯಶಸ್ವಿ ರೈಡರ್ ಎನಿಸಿದ್ರೆ, ತಮಿಳು ತಲೈವಾಸ್ ಪರ ಮಂಜಿತ್, ಅಥುಲ್ ಎಂಎಸ್ ಕ್ರಮವಾಗಿ 5, 3 ರೈಡಿಂಗ್ ಪಾಯಿಂಟ್ಸ್ ಪಡೆದರು.