ಪ್ರೋ ಕಬಡ್ಡಿ ಲೀಗ್ ತಂಡ ಖರೀದಿಸಿದ ಸಚಿನ್ ತೆಂಡೂಲ್ಕರ್

ಚೆನ್ನೈ, ಮೇ 12 : ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡೂಲ್ಕರ್ ಅವರು ಫುಟ್ಬಾಲ್ ನಂತರ ಕಬಡ್ಡಿ ತಂಡವೊಂದಕ್ಕೆ ಹಣ ಹೂಡಿಕೆ ಮಾಡಿದ್ದಾರೆ. ತಮಿಳುನಾಡಿನ ಪ್ರೋ ಕಬಡ್ಡಿ ಲೀಗ್ ತಂಡಕ್ಕೆ ಸಹ ಮಾಲೀಕತ್ವ ಪಡೆದುಕೊಂಡಿದ್ದಾರೆ.

ಉದ್ಯಮಿ ಎನ್ ಪ್ರಸಾದ್ ಅವರ ಜತಗೂಡಿರುವ ಸಚಿನ್ ಅವರು ತಮಿಳುನಾಡು ಫ್ರಾಂಚೈಸಿಯಲ್ಲಿ ಹಣ ತೊಡಗಿಸಿದ್ದಾರೆ. ಜೆಎಸ್ ಡಬ್ಲ್ಯೂ ಗ್ರೂಪ್, ಅದಾನಿ ಗ್ರೂಪ್ ಹಾಗೂ ಜಿಎಂಆರ್ ಗ್ರೂಪಿನವರು ಕ್ರಮವಾಗಿ ಹರ್ಯಾಣ, ಗುಜರಾತ್ ಹಾಗೂ ಉತ್ತರಪ್ರದೇಶ ತಂಡಗಳ ಮಾಲೀಕರಾಗಿದ್ದಾರೆ.