ಪಾಕಿಸ್ತಾನ್ ಸೂಪರ್‌ ಲೀಗ್‌ಗೆ ಭಾರತ, ದಕ್ಷಿಣ ಆಫ್ರಿಕಾದಿಂದ ವಿಮಾನ!

ಅನುಮತಿ ನೀಡಲು ಪತ್ರ

'ಭಾರತದ ಮುಂಬೈ ಮತ್ತು ದಕ್ಷಿಣ ಆಫ್ರಿಕಾದ ಜೋಹಾನ್ಸ್‌ಬರ್ಗ್‌ನಿಂದ ಚಾರ್ಟರ್ಡ್ ವಿಮಾನಗಳನ್ನು ಇಳಿಯಲು ಅನುಮತಿ ನೀಡುವಂತೆ ಅಬುಧಾಬಿ ಕ್ರೀಡಾ ಮಂಡಳಿ ಈಗ ತನ್ನ ವಲಸೆ ಪ್ರಾಧಿಕಾರಕ್ಕೆ ಪತ್ರ ಬರೆದಿದೆ,' ಎಂದು ಪಾಕಿಸ್ತಾನ್ ಕ್ರಿಕೆಟ್ ಬೋರ್ಡ್ ಅಧಿಕಾರಿಗಳು ತಿಳಿಸಿದ್ದಾರೆ.

ಭಾರತದಿಂದ ತಡವಾಗಿ ವೀಸಾ

ಪಿಸಿಬಿಗೆ ಟೂರ್ನಿಯ ಬಗ್ಗೆ ದೊಡ್ಡ ತಲೆನೋವು ಎದುರಾಗಿತ್ತು. ಯಾಕೆಂದರೆ ಪಿಎಸ್‌ಎಲ್‌ನಲ್ಲಿ ಪಾಲ್ಗೊಳ್ಳಲಿರುವ ಪ್ರಸಾರ (Broadcasting) ತಂಡಕ್ಕೆ ಭಾರತ ಮತ್ತು ದಕ್ಷಿಣ ಆಫ್ರಿಕಾದಿಂದ ವೀಸಾ ದೊರೆತಿರಲಿಲ್ಲ. ಕೊನೆಗೆ ವೀಸಾ ದೊರೆಯಿತು. ಹೀಗಾಗಿ ಪ್ರಸಾರಕರು, ಆಟಗಾರರು ಮತ್ತು ಅಧಿಕಾರಿಗಳು ಭಾರತ ಮತ್ತು ದಕ್ಷಿಣ ಆಫ್ರಿಕಾದಿಂದ ಪಿಎಸ್‌ಎಲ್ ಸಲುವಾಗಿ ಯುಎಇಗೆ ತೆರಳಲಿದ್ದಾರೆ.

250 ಮಂದಿ ಯುಎಇಯಲ್ಲಿ

ಗುರುವಾರ (ಮೇ 27) ಕರಾಚಿ ಮತ್ತು ಲಾಹೋರ್‌ನಿಂದ ಪಿಎಸ್‌ಎಲ್‌ನಲ್ಲಿ ಪಾಲ್ಗೊಳ್ಳುವುದಕ್ಕಾಗಿ ಸುಮಾರು 250 ಮಂದಿಯನ್ನೊಳಗೊಂಡ ಆಟಗಾರರು, ಅಧಿಕಾರಿಗಳು ಮತ್ತು ಪಿಸಿಬಿ ಉದ್ಯೋಗಿಗಳು ಎರಡು ವಿಮಾನಗಳಲ್ಲಿ ಅಬುಧಾಬಿ ತಲುಪಿದ್ದಾರೆ. ಜೂನ್ 7ರಿಂದ ಪಾಕ್ ಸೂಪರ್‌ ಲೀಗ್‌ ಪಂದ್ಯಗಳು ಮರುಚಾಲನೆಗೊಳ್ಳಲಿದೆ.