ದ್ರಾವಿಡ್ ವೃತ್ತಿ ಜೀವನ ಸ್ಮರಿಸಿದ ರಾಜಾ
ಪಾಕಿಸ್ತಾನದ ಮಾಜಿ ಬ್ಯಾಟ್ಸ್ಮನ್ ರಮೀಜ್ ರಾಜಾ ಅವರು ರಾಹುಲ್ ದ್ರಾವಿಡ್ ಅವರ ವೃತ್ತಿಜೀವನವನ್ನು ನೆನಪಿಸಿಕೊಂಡರು. ತಮ್ಮ ತಂಡದಲ್ಲಿ ಸಚಿನ್ ತೆಂಡೂಲ್ಕರ್ ಅವರಂತಹ ಶ್ರೇಷ್ಠ ಆಟಗಾರ ಇದ್ದಾಗಲೂ ತಮ್ಮ ಹೆಸರು ಶಾಶ್ವತವಾಗುಳಿಯುವಂತಾ ಪ್ರದರ್ಶನವನ್ನು ನೀಡಿದ್ದಾರೆ ಎಂದು ಶ್ಲಾಘಿಸಿದ್ದಾರೆ.
ಸಚಿನ್ಗೆ ಸರಿಸಮನಾಗಿ ಪ್ರದರ್ಶನ ನೀಡಿದ್ದರು
ಬಹುಶಃ ಸಚಿನ್ ತೆಂಡೂಲ್ಕರ್ ರೀತಿ ಕ್ರಿಕೆಟ್ ರಾಹುಲ್ ದ್ರಾವಿಡ್ಗೆ ಉಡುಗೊತೆಯಾಗಿ ಬಂದಿರಲಿಲ್ಲ. ಆದರೆ ಶ್ರೇಷ್ಠ ಆಟಗಾರನ ಸರಿ ಸಮನಾಗಿ ಪ್ರದರ್ಶನ ನೀಡುತ್ತಾ ಉಳಿದುಕೊಳ್ಳಲು ಸಾಕಷ್ಟು ಸಮಯ ತೆಗೆದುಕೊಳ್ಳುತ್ತದೆ ಎಂದು ಸ್ಪೋರ್ಟ್ಸ್ಕೀಡಾ ಜೊತೆಗೆ ಮಾತನಾಡಿದ ರಮೀಜ್ ರಾಜಾ ಹೇಳಿಕೆಯನ್ನು ನೀಡಿದ್ದಾರೆ.
ದ್ರಾವಿಡ್ ಯಾಕೆ ಸಚಿನ್ಗಿಂತ ಶ್ರೇಷ್ಠ?
ರಾಹುಲ್ ಕಠಿಣ ಪಿಚ್ಗಳಲ್ಲಿ ಅದ್ಭುತವಾಗಿ ಪ್ರದರ್ಶನವನ್ನು ನೀಡುತ್ತಿದ್ದರು. ಯಾಕೆಂದರೆ ಅವರ ರಕ್ಷಣಾತ್ಮಕ ಆಟ ಅಷ್ಟು ಬಲಿಷ್ಠವಾಗಿತ್ತು. ಹೀಗಾಗಿ ಕೆಲವೊಂದು ಬಾರಿ ಆವರು ಸಚಿನ್ ತೆಂಡೂಲ್ಕರ್ ಅವರನ್ನೂ ಮೀರಿಸಿದ ಆಟಗಾರ ಎನಿಸಿದ್ದಾರೆ ಎಂದು ರಮೀಜ್ ರಾಜಾ ದ್ರಾವಿಡ್ ಕುರಿತಾಗಿ ಪ್ರಶಂಸೆಯ ಮಾತುಗಳನ್ನಾಡಿದರು.
ಕಠಿಣ ಸಂದರ್ಭದಲ್ಲಿ ನೀಡುವ ಕೊಡುಗೆಯೇ ಶ್ರೇಷ್ಠ
ರಾಹುಲ್ ದ್ರಾವಿಡ್ ಅವರನ್ನು ಯಾವಾಗಲೂ ಗೌರವಿಸಬೇಕು. ಆಟಗಾರನ ಶ್ರೇಷ್ಠತೆ ಡ್ರೆಸ್ಸಿಂಗ್ ರೂಮ್ನಲ್ಲಿ ನಿರ್ಣಯಿಸಲಾಗುತ್ತದೆ. ಕಠಿಣ ಪರಿಸ್ಥಿತಿಯಲ್ಲಿ ಅವರ 30 ಅಥವಾ 50 ರನ್ಗಳ ಕೊಡುಗೆ ಬಹಳ ಶ್ರೇಷ್ಠವೆನಿಸುತ್ತದೆ ಎಂದು ರಮೀಜ್ ರಾಜಾ ಹೇಳಿದ್ದಾರೆ.